Dubai airport: ദുബായ് എയർപോർട്ട് വഴി പോകുന്നുണ്ടോ? അധികൃതരുടെ ഈ മുന്നറിയിപ്പ് ശ്രദ്ധിക്കുക
Dubai airport:ദുബായ്: ദുബായ് അന്താരാഷ്ട്ര വിമാനത്താവളം ലോകത്തിലെ ഏറ്റവും തിരക്കേറിയ വിമാനത്താവളങ്ങളിൽ ഒന്നാണ്. കിഴക്കൻ രാജ്യങ്ങളെയും പടിഞ്ഞാറൻ രാജ്യങ്ങളെയും തമ്മിൽ ബന്ധിപ്പിക്കുന്ന ഒരു പ്രധാന ഹബ്ബായി ഈ വിമാനത്താവളം വളർന്നിരിക്കുന്നു. 2025 ലെ കണക്കനുസരിച്ച്, പ്രതിവർഷം ദശലക്ഷക്കണക്കിന് യാത്രക്കാർ ഈ വിമാനത്താവളം വഴി കടന്നുപോകുന്നു. അത്യാധുനിക സൗകര്യങ്ങളും കാര്യക്ഷമമായ സേവനങ്ങളുമാണ് ദുബായ് വിമാനത്താവളത്തിൻ്റെ പ്രധാന ആകർഷണംഏപ്രില്‍ 18 മുതല്‍ ഏപ്രില്‍ 20 വരെ ദുബൈ അന്താരാഷ്ട്ര വിമാനത്താവളത്തിലെ ടെര്‍മിനല്‍ 3 വഴി യാത്ര ചെയ്യുന്നവർക്ക് മുന്നറിയിപ്പുമായി അധികൃതർ. ഈ സമയത്ത് മൂന്ന് ലക്ഷണം യാത്രക്കാർ സഞ്ചരിക്കുമെന്ന് എമിറേറ്റ്സ് അറിയിച്ചു. ടെര്‍മിനല്‍ 3ലും പരിസരത്തും വലിയ തിരക്കായിരിക്കും അനുഭവപ്പെടുക . യാത്രക്കാർക്ക് വിമാനത്താവളത്തില്‍ നേരത്തെ എത്താനും വൈകുന്നത് ഒഴിവാക്കാനും എല്ലാ യാത്രാ രേഖകളും തയ്യാറാണെന്ന് ഉറപ്പാക്കാനും അധികൃതർ മുന്നറിയിപ്പ് നൽകിയിട്ടുണ്ട്.
എമിറേറ്റ്സ് യാത്രക്കാർക്ക് ചെക്ക്-ഇൻ ചെയ്യാൻ പല വഴികളുണ്ട്. യാത്ര പുറപ്പെടുന്നതിന് 48 മണിക്കൂർ മുൻപ് ഓൺലൈനായി ചെക്ക്-ഇൻ ചെയ്യാം. Emirates App വഴിയും ചെക്ക്-ഇൻ ചെയ്യാവുന്നതാണ്. ഇങ്ങനെ ചെയ്താൽ ഡിജിറ്റൽ ബോർഡിംഗ് പാസ് ലഭിക്കും.
ടെർമിന ൽ ചെക്ക്-ഇൻ കൗണ്ടറുകൾ വിമാനം പുറപ്പെടുന്നതിന് 24 മണിക്കൂർ മുൻപ് തുറക്കും. എന്നാൽ US-ലേക്ക് പോകുന്ന വിമാനങ്ങൾക്കുള്ള ചെക്ക്-ഇൻ 12 മണിക്കൂർ മുൻപേ തുറക്കൂ. യാത്രക്കാർക്ക് അവരുടെ ലഗേജ് തലേദിവസം തന്നെ കൊണ്ടുപോയി കൊടുക്കാനുള്ള സൗകര്യമുണ്ട്. ഇത് വഴി അവർക്ക് എമിഗ്രേഷൻ നടപടികൾ എളുപ്പമാക്കാം. ബയോമെട്രിക് ഗേറ്റുകൾ ഉപയോഗിച്ച് വളരെ വേഗം കടന്നുപോകാനും സാധിക്കും. എമിറേറ്റ്സ് ഉപഭോക്താക്കള്‍ക്ക് ചെക്ക് ഇൻ ചെയ്യാൻ താഴെ പറയുന്ന ഓപ്ഷനുകൾ ലഭ്യമാണ്: അതിൽ ഒന്നാമത്തേത് ആണ് City Check-In & Travel Store വഴി യാത്ര പുറപ്പെടുന്നതിന് 24 മണിക്കൂര്‍ മുതല്‍ 4 മണിക്കൂര്‍ മുമ്പ് വരെ ചെക്ക്-ഇന്‍ ചെയ്യാന്‍ സാധിക്കും. യുഎസിലേക്കുള്ള വിമാനങ്ങള്‍ക്ക് ഈ സൗകര്യം ഉപയോഗിക്കാൻ സാധിക്കില്ല. രണ്ടാമത്തേത് ആണ് അജ്മാന്‍ സെന്‍ട്രല്‍ ബസ് ടെര്‍മിനല്‍: ഇവിടെ പുറപ്പെടുന്നതിന് 24 മണിക്കൂര്‍ മുതല്‍ 4 മണിക്കൂര്‍ മുമ്പ് വരെ ചെക്ക്-ഇന്‍ ലഭ്യമാണ്.
യാത്രക്കാര്‍ പുറപ്പെടുന്നതിന് 90 മിനിറ്റ് മുമ്പെങ്കിലും പാസ്പോര്‍ട്ട് നിയന്ത്രണവും സുരക്ഷയും ഉറപ്പാക്കേണ്ടതുണ്ട്. പ്രീമിയം ഇക്കണോമി ക്ലാസിലോ ഇക്കണോമി ക്ലാസിലോ യാത്ര ചെയ്യുന്നവര്‍ പുറപ്പെടുന്നതിന് 60 മിനിറ്റ് മുമ്പ് ബോര്‍ഡിംഗ് ഗേറ്റില്‍ എത്തണം. അതേസമയം, ഫസ്റ്റ് ക്ലാസ്, ബിസിനസ് ക്ലാസ് യാത്രക്കാര്‍ പുറപ്പെടുന്നതിന് 45 മിനിറ്റ് മുമ്പെങ്കിലും ഗേറ്റില്‍ എത്തണം. വിമാനം പുറപ്പെടുന്നതിന് 20 മിനിറ്റ് മുമ്പ് ബോര്‍ഡിംഗ് ഗേറ്റുകള്‍ അടയ്ക്കും. വൈകി എത്തുന്നവരെ യാത്ര ചെയ്യാന്‍ അനുവദിക്കില്ല.
Comments (0)