Uae Loan Interest Rates;യുഎഇയിൽ വായ്പയെടുക്കുന്നവർ ഈ മാസം ശ്രദ്ധിക്കുക;സാമ്പത്തിക വിദഗ്ധരുടെ വളരെ പ്രധാനപ്പെട്ട മുന്നറിയിപ്പ്
Uae Loan Interest Rates;യുഎഇ: പണപ്പെരുപ്പ കണക്കുകൾ സൂചിപ്പിക്കുന്നത് പലിശ നിരക്കുകൾ തൽക്കാലം മാറ്റമില്ലാതെ തുടരുമെന്നാണ്. അതിനാൽ യുഎഇയിലെ വായ്പകളുടെ പലിശ നിരക്കും, നിക്ഷേപങ്ങളുടെ പലിശ നിരക്കും ഉയർന്നു തന്നെ നിൽക്കും. US-ലെ പണപ്പെരുപ്പം കുറഞ്ഞെങ്കിലും, ഫെഡറൽ റിസർവിൻ്റെ ലക്ഷ്യമായ 2%-ൽ എത്തിയിട്ടില്ല. 2025 മാർച്ചിലെ കണക്കുകൾ കാണിക്കുന്നത് പ്രധാന പണപ്പെരുപ്പം 3.1% ആയി കുറഞ്ഞു എന്നാണ്. ഇത് ഏകദേശം നാല് വർഷത്തിനിടയിലെ ഏറ്റവും കുറഞ്ഞ നിരക്കാണ്. എന്നിരുന്നാലും, ഇത് പലിശ നിരക്കിൽ ഉടൻ കുറവ് വരുത്താൻ പര്യാപ്തമല്ല.US-ലെ തൊഴിൽ കമ്പോളം ശക്തമായി തുടരുന്നതിനാൽ, ഫെഡറൽ റിസർവിന് പെട്ടെന്ന് പലിശ നിരക്ക് കുറയ്ക്കേണ്ട ആവശ്യവുമില്ല. എന്നാൽ ഇതിന്റെ ഫലങ്ങൾ യുഎഇയിൽ നേരിട്ട് അനുഭവപ്പെടും. യുഎഇ സെൻട്രൽ ബാങ്ക് പലിശ നിരക്കുകൾ ഫെഡറൽ റിസർവിൻ്റെ അതേ രീതിയിൽ ക്രമീകരിക്കുന്നതിനാൽ, മെയ് മാസത്തിൽ മാറ്റം ഉണ്ടാകാൻ സാധ്യതയില്ല.
എമിറേറ്റിലെ വായ്പയെടുക്കാനുള്ള സാഹചര്യങ്ങളിലും മാറ്റം ഉണ്ടാകില്ല. 2025-ൽ പലിശ നിരക്ക് കുറയ്ക്കാതെ വരുന്നത് ഭവന വായ്പ എടുക്കാൻ ഇത് ശരിയായ സമയമാണോ എന്ന് ചിന്തിക്കേണ്ടിയിരിക്കുന്നു. പല പ്രവാസികളും ദുബായിൽ നിന്നും വായ്പ എടുത്ത് നാട്ടിൽ വീട് പണിയുന്നത് സാധാരണയാണ്. അവർ ഈ മാസം വായ്പ എടുക്കാൻ പ്ലാൻ ഉണ്ടെങ്കിൽ രണ്ടാമതൊന്ന് ചിന്തിക്കണം.
കഴിഞ്ഞ വർഷം ഫെഡറൽ റിസർവ് പലിശ നിരക്ക് കൂട്ടിയതിനനുസരിച്ച് യുഎഇയിലെ നിക്ഷേപ പലിശ നിരക്കുകളും മെച്ചപ്പെട്ടു. ഫെഡറൽ റിസർവ് മെയ് മാസത്തിൽ പലിശ നിരക്ക് കുറയ്ക്കാതിരുന്നാൽ, സേവിംഗ്സ് അക്കൗണ്ടുകളുടെ പലിശ നിരക്ക് ഇത്പോലെ തന്നെ തുടരാൻ സാധ്യതയുണ്ടെന്ന് ദുബായിലെ ബാങ്കിംഗ് വിദഗ്ധനായ അബ്ബുദ് ഷെരീഫ് പറഞ്‍തായി ഗൾഫ് ന്യീസ് റിപ്പോർട്ട് ചെയ്യുന്നു.
ഇനി വായ്പയെടുത്തവർ ആണെങ്കിലോ, കൂടുതൽ പലിശ നൽകേണ്ടി വരും. വ്യക്തിഗത വായ്പകൾ, വാഹന വായ്പകൾ, ക്രെഡിറ്റ് കാർഡ് കടങ്ങൾ എന്നിവയെ ഉയർന്ന പലിശ നിരക്ക് പ്രതികൂലമായി ബാധിക്കും. കൂടിയ പലിശ നിരക്ക് കാരണം യുഎഇയിലെ താമസക്കാർ പുതിയ കടങ്ങൾ എടുക്കുന്നതിന് മുൻപ് രണ്ടുതവണ ആലോചിക്കുന്നുണ്ടെന്ന് യുഎഇയിലെ സാമ്പത്തിക വിദഗ്ദർ പറയുന്നു. എന്നാൽ പലിശ നിരക്കുകൾ കുറയുമ്പോൾ, അടുത്ത വർഷം ആദ്യം മുതൽ മികച്ച വായ്പാ നിബന്ധനകൾ വരാൻ സാധ്യതയുണ്ട്. വായ്പ എടുക്കാൻ പ്ലാൻ ചെയ്യുന്നവർ ഈ കാര്യങ്ങൾ എല്ലാം ശ്രദ്ധിക്കണം.
ഇനി യുഎഇയിൽ ജോലി ചെയ്യുന്നവർ ആണെങ്കിൽ നിങ്ങളുടെ സമ്പാദ്യത്തിൽ ഒരു ഭാഗം സേവ് ചെയ്യാൻ ശ്രമിക്കണം. നല്ല പലിശ ലഭിക്കുന്നതിനാൽ അത്യാവശ്യത്തിനുള്ള പണം സ്വരൂപിച്ചാൽ ഭാവിയിൽ ഗുണം ചെയ്യും. ചുരുക്കത്തിൽ , മെയ് മാസത്തിൽ പലിശ നിരക്കിൽ ഇളവ് ലഭിച്ചില്ലെങ്കിൽ, യുഎഇയിൽ വായ്പയെടുത്തവർക്ക് ഈ മാസം നല്ലതായിരിക്കില്ല, സാമ്പത്തിക ബുദ്ധിമുട്ടികൾ കൂടും.
Comments (0)