Driving liscense in uae: പ്രവാസികളെ അറിഞ്ഞിരുന്നോ ഇത് ???ഇനി യുഎഇയിൽ ലൈസൻസ് എടുക്കുന്നതും പുതുക്കുന്നതും എളുപ്പമായി; അറിയേണ്ടതെല്ലാം ഇവിടെയുണ്ട്
Driving liscense in Uae:ദുബായ്: ദുബായിലെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി നേരിട്ടുള്ള ഡ്രൈവിംഗ് ലൈസൻസ് സേവനങ്ങളിൽ 53 ശതമാനം കുറവ് വരുത്തിയിരിക്കുന്നു. എമിറേറ്റിൽ ജീവിത നിലവാരം മെച്ചപ്പെടുത്തുന്നതിനായി തടസ്സമില്ലാത്തതും സുരക്ഷിതവും സംയോജിതവുമായ ഡിജിറ്റൽ സേവനങ്ങൾ നൽകുന്നതിനുള്ള RTA-യുടെ തന്ത്രത്തിൻ്റെ ഭാഗമാണിത്. സേവനങ്ങൾ ലളിതമാക്കുക, നടപടിക്രമങ്ങൾ കുറയ്ക്കുക, ഉപഭോക്തൃ അനുഭവം മെച്ചപ്പെടുത്തുക എന്നിവയാണ് ഇതിലൂടെ ലക്ഷ്യമിടുന്നത്.നേരത്തെ ഡ്രൈവിംഗ് ലൈസൻസുമായി ബന്ധപ്പെട്ട് 33 സേവനങ്ങൾ നേരിട്ടാണ് ഉണ്ടായിരുന്നത്. എന്നാൽ ഇപ്പോൾ 15 ആയി ഇത് ചുരുക്കിയിട്ടുണ്ട്. പ്രധാനപ്പെട്ട പല സേവനങ്ങളും ഇനി ഓൺലൈനായി ലഭ്യമാകും. ഡ്രൈവിംഗ് ലൈസൻസ് പുതുക്കൽ, പുതിയ വാഹന വിഭാഗങ്ങൾ ചേർക്കൽ, ലേണേഴ്സ് പെർമിറ്റ് സംബന്ധമായ സേവനങ്ങൾ, വ്യക്തിഗത വിവരങ്ങൾ മാറ്റം വരുത്തൽ, ലൈസൻസിന്റെ പകർപ്പ് എടുക്കൽ തുടങ്ങിയ കാര്യങ്ങളെല്ലാം എളുപ്പത്തിൽ ഓൺലൈനായി ചെയ്യാൻ സാധിക്കും.
ഈ മാറ്റം ഉപഭോക്താക്കൾക്ക് വളരെ പ്രയോജനകരമാകും. ഇനിമുതൽ RTAയുടെ ഓഫീസുകളിൽ നേരിട്ട് പോകേണ്ടി വരുന്നവരുടെ എണ്ണം കുറയും. വീട്ടിലിരുന്ന് തന്നെ പല സേവനങ്ങളും ലഭ്യമാകുന്നതോടെ സമയം ലാഭിക്കാനും സൗകര്യപ്രദമായി കാര്യങ്ങൾ ചെയ്യാനും സാധിക്കും. RTAയുടെ വെബ്സൈറ്റ്, മൊബൈൽ ആപ്ലിക്കേഷൻ എന്നിവ വഴിയാണ് ഈ സേവനങ്ങൾ ലഭ്യമാകും.
സ്മാർട്ട് ഡിജിറ്റൽ ചാനലുകൾ ഉപയോഗിച്ച് ഡ്രൈവിംഗ് ലൈസൻസ് അപേക്ഷാ പ്രക്രിയ പുനഃക്രമീകരിക്കുന്നത് ഉപഭോക്തൃ യാത്ര മെച്ചപ്പെടുത്തുന്നതിനുള്ള ഒരു പ്രധാന തന്ത്രമാണ്. നൂതന സാങ്കേതികവിദ്യയും ഡാറ്റാ സംയോജനവും ഉപയോഗിച്ച് എല്ലാ RTA സേവനങ്ങളും ഒരു ഏകീകൃത ആപ്പിലൂടെ ലഭ്യമാക്കുകയാണ് ലക്ഷ്യം എന്ന് RTAയുടെ ഡ്രൈവർ ലൈസൻസ് സേവന വിഭാഗം ഡയറക്ടർ സുൽത്താൻ അൽ അക്റാഫ് പറയുന്നു. മാത്രമല്ല, വ്യക്തികൾക്കും ബിസിനസ്സുകൾക്കും ഉയർന്ന അന്താരാഷ്ട്ര നിലവാരത്തിലുള്ള സേവനങ്ങൾ നൽകാൻ RTA പ്രതിജ്ഞാബദ്ധമാണെന്നും അദ്ദേഹം വ്യക്തമാക്കി.
ഈ നടപടി RTAയുടെ സേവനങ്ങളുടെ ഗുണമേന്മ വർദ്ധിപ്പിക്കാനും, നടപടിക്രമങ്ങൾ ലളിതമാക്കാനും, കാര്യക്ഷമത കൂട്ടാനും, സുസ്ഥിരത പ്രോത്സാഹിപ്പിക്കാനും സഹായിക്കും. ഉപഭോക്താക്കൾക്ക് കുറഞ്ഞ സമയം കൊണ്ട് സേവനങ്ങൾ ലഭ്യമാക്കുകയും, കാത്തിരിപ്പ് സമയം കുറയ്ക്കുകയും ചെയ്യും. മറ്റ് സർക്കാർ പ്ലാറ്റ്‌ഫോമുകളുമായി കൂടുതൽ സംയോജനം നടത്താനും ഇത് ലക്ഷ്യമിടുന്നു.
ഉപഭോക്താക്കൾ RTA സേവനങ്ങളുമായി എങ്ങനെ ഇടപെഴകുന്നു എന്നതിൽ ഈ സംരംഭം ഒരു വലിയ മാറ്റം വരുത്തും. സൗകര്യം മെച്ചപ്പെടുത്താനും നടപടിക്രമങ്ങൾ വേഗത്തിലാക്കാനും മറ്റ് സർക്കാർ പ്ലാറ്റ്‌ഫോമുകളുമായി എളുപ്പത്തിൽ സംയോജിപ്പിക്കാനും ഇത് സഹായിക്കും. ഡ്രെെവിങ്ങ് പഠക്കുന്നവരുടെ ഫയലുകൾ ഇൻസ്റ്റിറ്റ്യൂട്ടുകൾ തമ്മിൽ മാറ്റാനും ഇതിലൂടെ കഴിയും. വ്യക്തിഗത വിവരങ്ങൾ അപ്‌ഡേറ്റ് ചെയ്യാനും ലൈസൻസ് നഷ്ടപ്പെട്ടാൽ പുതിയത് എടുക്കാനും സൗകര്യമുണ്ട്. ലളിതമായ രീതിയിൽ അപേക്ഷിക്കാനും വിവരങ്ങൾ അറിയാനും സാധിക്കും. ഇതിലൂടെ RTA ഓഫീസുകളിൽ നേരിട്ട് പോകേണ്ട ആവശ്യം വരുന്നില്ല. RTAയുടെ ഈ പുതിയ മാറ്റങ്ങൾ ഉപഭോക്താക്കൾക്ക് വളരെ പ്രയോജനകരമാകും.
ദുബായ് താമസക്കാർക്കും ബിസിനസ്സുകൾക്കും ഒരുപോലെ ഉയർന്ന നിലവാരത്തിലുള്ള സേവനങ്ങൾ നൽകാനുള്ള RTAയുടെ പ്രതിബദ്ധതയാണ് ഈ മാറ്റങ്ങളിലൂടെ വ്യക്തമാകുന്നത്. സ്മാർട്ട് സിറ്റി എന്ന ലക്ഷ്യത്തിലേക്ക് ദുബായ് മുന്നേറുമ്പോൾ, ഇത്തരം ഡിജിറ്റൽ പരിഷ്കാരങ്ങൾക്ക് വലിയ സ്ഥാനമുണ്ട്. ഡ്രൈവിംഗ് ലൈസൻസ് സേവനങ്ങളിലെ ഈ 53 ശതമാനം കുറവ് ഉപഭോക്താക്കൾക്ക് കൂടുതൽ സൗകര്യവും എളുപ്പവും നൽകുമെന്നതിൽ സംശയമില്ല.
Comments (0)