Uae traffic alert: പൊതുജന ശ്രദ്ധയ്ക്ക്!!ഓഗസ്റ്റ് 30 വരെ പ്രധാന പാതയിൽ ഗതാഗതം വഴിതിരിച്ചുവിടുമെന്ന് ദുബായ് RTA
Uae traffic alert:2025 ജൂൺ 9 മുതൽ ഓഗസ്റ്റ് 30 വരെ ഷാർജയിലേക്കുള്ള എമിറേറ്റ്‌സ് റോഡിലെ ഒരു പ്രധാന പാതയിൽ ഗതാഗതം വഴിതിരിച്ചുവിടുമെന്ന് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA ) ഇന്നലേ മുന്നറിയിപ്പ് നൽകി.
ദുബായ്-അൽ ഐൻ ഇന്റർചേഞ്ചിനും റാസ് അൽ ഖോർ-അൽ അവീർ ഇന്റർചേഞ്ചിനും ഇടയിലുള്ള ഭാഗത്താണ് വഴിതിരിച്ചുവിടൽ ബാധിക്കുകയെന്ന് അതോറിറ്റി ഔദ്യോഗിക സോഷ്യൽ മീഡിയ ചാനലുകളിലെ പ്രസ്താവനയിൽ പറയുന്നു. ദുബായ്ക്കും ഷാർജയ്ക്കും ഇടയിലുള്ള ദൈനംദിന യാത്രക്കാർ ഈ പാതയെയാണ് കൂടുതലായി ഉപയോഗിക്കുന്നത്.
എല്ലാ ഡ്രൈവർമാരോടും അവരുടെ യാത്രകൾ മുൻകൂട്ടി ആസൂത്രണം ചെയ്യാനും, അധിക യാത്രാ സമയം പ്രതീക്ഷിക്കാനും, കാലതാമസം കുറയ്ക്കുന്നതിന് ബദൽ മാർഗങ്ങൾ പരിഗണിക്കാനും ആർടിഎ അഭ്യർത്ഥിച്ചു.
Comments (0)