Upi payment new updation;പ്രവാസികളെ അറിഞ്ഞിരുന്നു നിങ്ങളിത് ;ഇനി യുപിഐ സേവനങ്ങൾക്ക് മൊബൈൽ നമ്പറുകൾ വേണ്ട
Upi payment new updation:യുഎഇ: യുഎഇയിലേക്ക് യാത്ര ചെയ്യുന്ന ഇന്ത്യക്കാർക്ക് ഇനി പണമോ കാർഡുകളോ കൊണ്ടുപോകേണ്ടതില്ല. പാസ്‌പോർട്ടും മൊബൈൽ ഫോണും മാത്രം ഉപയോഗിച്ച് യുപിഐ വഴി പണമടയ്ക്കാൻ സാധിക്കുന്ന സംവിധാനം യുഎഇയിൽ അതിവേഗം യാഥാർത്ഥ്യമാകാൻ പോകുന്നു. ഇന്ത്യയുടെ ഡിജിറ്റൽ പേയ്മെന്റ് ശൃംഖല യുഎഇയിലെ സംവിധാനങ്ങളുമായി പൂർണ്ണമായി സമന്വയിപ്പിക്കുന്നതോടെ ഇത് യാഥാർഥ്യമാകും.ഇന്ത്യൻ കോൺസൽ ജനറൽ സതീഷ് കുമാർ ശിവൻ ദുബായിൽ നടന്ന ഒരു പരിപാടിയിൽ വെച്ച് വ്യക്തമാക്കിയത് അനുസരിച്ച്, യുപിഐ സേവനങ്ങൾ യുഎഇയിൽ കൂടുതൽ വിപുലീകരിക്കുന്നതിനുള്ള ശ്രമങ്ങൾ നടന്നുവരികയാണ് ഇപ്പോൾ.
കൂടാതെ എല്ലാ പ്രധാന വ്യക്തിഗത സാമ്പത്തിക ഉപകരണങ്ങളും യുപിഐയുമായി സംയോജിപ്പിച്ച് കൊണ്ട് അന്താരാഷ്ട്ര പണമിടപാടുകൾ എളുപ്പമാക്കുക എന്നതാണ് ഇത് വഴി ലക്ഷ്യമിടുന്നത്.
നിലവിൽ, ലുലു, ദുബായ് ഡ്യൂട്ടി ഫ്രീ പോലുള്ള പ്രമുഖ റീട്ടെയിൽ ശൃംഖലകളിൽ ഇന്ത്യൻ സന്ദർശകർക്ക് അവരുടെ ഇന്ത്യൻ ബാങ്ക് അക്കൗണ്ടുകളിൽ നിന്ന് നേരിട്ട് പണമടയ്ക്കാൻ യുപിഐ ഉപയോഗിക്കാം. എൻപിസിഐ ഇന്റർനാഷണൽ യുഎഇയിലുടനീളം യുപിഐയുടെ സ്വീകാര്യത വ്യാപിപ്പിക്കുന്നതിനുള്ള ശ്രമങ്ങൾ കൂടെ സജീവമാക്കിയിട്ടുണ്ട്. യുഎഇയുടെ പ്രാദേശിക പേയ്മെന്റ് സിസ്റ്റമായ ‘ആനി’ യുമായി യുപിഐയെ കൂടുതൽ ആഴത്തിൽ സംയോജിപ്പിക്കാനാണ് അടുത്ത ഘട്ടത്തിൽ ലക്ഷ്യമിടുന്നത്.
ഇത് ഇരുരാജ്യങ്ങളും തമ്മിലുള്ള ഡിജിറ്റൽ സാമ്പത്തിക ബന്ധം കൂടുതൽ ശക്തിപ്പെടുത്തുമെന്നും വ്യക്തമാക്കി. കൂടാതെ ഇന്ത്യൻ യാത്രക്കാർക്ക് അതിർത്തി കടന്നുള്ള മൊബിലിറ്റിയും പേയ്മെന്റ് അനുഭവങ്ങളും ലളിതമാക്കുന്നതിനുള്ള വിശാലമായ സംരംഭത്തിന്റെ ഭാഗമാണ് ഇത് നടപ്പിലാകുന്നതെന്നും അറിയിച്ചു.
അതേസമയം ഈ സംവിധാനം ഇന്ത്യൻ യാത്രക്കാർക്ക് നിരവധി പ്രയോജനങ്ങൾ നൽകുന്നു. യുഎഇയിൽ പണം ക്രെഡിറ്റ് കാർഡ് എന്നിവ കൊണ്ടുപോകേണ്ട ആവശ്യമില്ല. ക്യുആർ കോഡുകൾ സ്കാൻ ചെയ്തോ യുപിഐ ഐഡി ഉപയോഗിച്ചോ എളുപ്പത്തിൽ പണമടയ്ക്കാനും സാധിക്കും. കൂടാതെ ഇന്ത്യൻ ബാങ്ക് അക്കൗണ്ടിൽ നിന്നുള്ള പണം ദിർഹത്തിലേക്ക് പെട്ടന്ന് തന്നെ മാറുകയും ചെയ്യുന്നു.
യുപിഐയുടെ ഈ സേവനം വഴി സുരക്ഷിതമായ പണം ഇടപാടുകൾ നടത്താനും സാധിക്കുന്നു. റീട്ടെയിൽ, ഹോസ്പിറ്റാലിറ്റി, ഗതാഗതം, സൂപ്പർമാർക്കറ്റുകൾ തുടങ്ങിയ വിവിധ മേഖലകളിലേക്ക് യുപിഐ സ്വീകാര്യത വ്യാപിപ്പിക്കുകയും ചെയ്യുന്നു. ഇന്ത്യയും യുഎഇയും തമ്മിലുള്ള ഡിജിറ്റൽ സാമ്പത്തിക ബന്ധം കൂടുതൽ ശക്തിപ്പെടുത്തുന്ന ഈ മാറ്റം ഇന്ത്യൻ യാത്രക്കാർക്ക് അതിർത്തി കടന്നുള്ള പണമിടപാടുകൾ കൂടുതൽ ലളിതവും കാര്യക്ഷമവുമാക്കും.
Comments (0)