യുഎഇ സ്കൂളുകളിൽ ഇനി ‘എഐ’ ഒരു പ്രധാന വിഷയം
വിദ്യാഭ്യാസ മേഖലയിൽ വിപ്ലവകരമായ മാറ്റങ്ങൾ ലക്ഷ്യമിട്ട് യുഎഇയിലെ സ്കൂളുകളിൽ കിൻഡർഗാർഡൻ ക്ലാസ്സുകൾ മുതൽ ആർട്ടിഫിഷ്യൽ ഇൻ്റലിജൻസ് പാഠ്യപദ്ധതിയിൽ ഉൾപ്പെടുത്തുന്നു. സാങ്കേതികവിദ്യയിൽ ലോകത്തിന് മാതൃകയാവാനുള്ള യുഎഇയുടെ ശ്രമത്തിന്റെ ഭാഗമായാണ് ഈ നീക്കം. പുതിയ തലമുറയെ ഭാവിയിലേക്ക് സജ്ജരാക്കുക എന്ന ലക്ഷ്യത്തോടെയാണ് വിദ്യാഭ്യാസ മന്ത്രാലയം ഈ സുപ്രധാന നീക്കം നടത്തുന്നത്. പുതിയ പാഠ്യപദ്ധതി അനുസരിച്ച് സ്കൂൾ കുട്ടികൾക്ക് ചെറുപ്പത്തിൽത്തന്നെ എഐ എന്താണ് എന്ന അടിസ്ഥാനപരമായ ആശയങ്ങൾ പരിചയപ്പെടുത്തുക എന്നതാണ് ഇത് വഴി ലക്ഷ്യമിടുന്നത്.
നാഷണൽ സ്ട്രാറ്റജി ഫോർ ആർട്ടിഫിഷ്യൽ ഇൻ്റലിജൻസ് 2031 എന്ന പദ്ധതിയുടെ ഭാഗമായ ഈ പദ്ധതിയിലൂടെ കിൻഡർഗാർഡൻ, പ്രൈമറി ക്ലാസ്സുകളിലെ കുട്ടികൾക്ക് കളികളിലൂടെയും എളുപ്പമായ ടാസ്കിലൂടെയും എഐ എന്താണെന്ന് പഠിപ്പിക്കും. ഡാറ്റാ ശേഖരണം, പാറ്റേൺ തിരിച്ചറിയൽ, റോബോട്ടിക്സ്, കോഡിംഗ് എന്നിവയുടെ വളരെ എളുപ്പത്തിൽ രൂപങ്ങൾ വച്ച് കുട്ടികളെ പഠിപ്പിക്കാനാണ് നിലവിലെ തീരുമാനം.
ഇത് കുട്ടികളുടെ ചിന്താശേഷിയും ഒപ്പം തന്നെ പുതിയ സാങ്കേതിക വിദ്യ എന്താണ് എന്നതും ഇത് വഴി പരിചയപ്പെടുന്നു. അതേസമയം ഉയർന്ന ക്ലാസ്സുകളിലേക്ക് എത്തുമ്പോൾ എഐ വിഷയത്തിൽ കൂടുതൽ ആഴത്തിലുള്ള പഠനം അയിരിക്കും. മെഷീൻ ലേണിംഗ്, പ്രോഗ്രാമിംഗ് ഭാഷകൾ, ഡാറ്റാ സയൻസ് തുടങ്ങിയ വിഷയങ്ങളിൽ കുട്ടികൾക്ക് ക്ലാസുകൾ നൽകും. ഇത് വഴി ഒരു എഐ വിദഗ്ദ്ധനായി മാറാനുള്ള എല്ലാ അടിസ്ഥാന സൗകര്യങ്ങളും കുട്ടികൾക്ക് സ്കൂൾ തലത്തിൽത്തന്നെ നൽകുക എന്നതാണ് ഇത് വഴി ലക്‌ഷ്യം. കൂടാതെ പുതിയ കോഴ്സുകൾ വിദ്യാർത്ഥികൾക്ക് ഭാവിയിലെ തൊഴിൽ സാധ്യതകൾ മുന്നിൽക്കണ്ട് പഠിക്കാനുള്ള അവസരം നൽകുകയും ചെയ്യുന്നു.
ഈ പുതിയ മാറ്റങ്ങൾ നടപ്പിലാക്കുന്നതിനായി അധ്യാപകർക്കും വിപുലമായ പരിശീലനം നൽകും. ഇതിനായി ഒരു പ്രത്യേക സെക്ഷൻ നടത്താൻ അധികൃതർ തീരുമാനിക്കുന്നുണ്ട്. പുതിയ സാങ്കേതിക വിദ്യകൾ പഠിപ്പിക്കാൻ കഴിവുള്ള പുതിയ അധ്യാപകരെയാണ് ഇതിനായി നിയോഗിക്കുക. തൊരു നിർണായക നിമിഷമാണ്. യുഎഇയിലെ സ്കൂളുകൾ പരമ്പരാഗത അക്കാദമിക് മേഖലകൾക്ക് അപ്പുറത്തേക്ക് നീങ്ങുകയാണ്. എഐ ലോകം എന്നതാണ് എന്ന് കുട്ടികൾ മനസിലാക്കട്ടേയെന്ന് ATLAB യുടെ സിഇഒ നിലേഷ് കോർഗാവ്കർ പറഞ്ഞു.
അതേസമയം എഐ പാഠ്യപദ്ധതിയിൽ ഉൾപ്പെടുത്തുന്നതിലൂടെ യുഎഇ ലോകത്തിലെ ഏറ്റവും മത്സരക്ഷമതയുള്ള സമ്പദ്‌വ്യവസ്ഥകളിലൊന്നായി മാറാൻ ലക്ഷ്യമിടുമെന്ന് വിദഗ്ദ്ധർ വിലയിരുത്തി. സാങ്കേതിക രംഗത്ത് മുൻപന്തിയിൽ നിൽക്കുന്ന രാജ്യങ്ങളുമായി മത്സരിക്കാൻ ഇത് യുഎഇയെ കൂടുതൽ സഹായിക്കുമെന്നും വ്യക്തമാക്കി.
അതേസമയം എഐ പാഠ്യപദ്ധതിയിൽ ഉൾപ്പെടുത്തുന്നതിലൂടെ യുഎഇ ലോകത്തിലെ ഏറ്റവും മത്സരക്ഷമതയുള്ള സമ്പദ്‌വ്യവസ്ഥകളിലൊന്നായി മാറാൻ ലക്ഷ്യമിടുമെന്ന് വിദഗ്ദ്ധർ വിലയിരുത്തി. സാങ്കേതിക രംഗത്ത് മുൻപന്തിയിൽ നിൽക്കുന്ന രാജ്യങ്ങളുമായി മത്സരിക്കാൻ ഇത് യുഎഇയെ കൂടുതൽ സഹായിക്കുമെന്നും വ്യക്തമാക്കി.
Comments (0)