കുവൈത്തിൽ നിർബന്ധിത ഇൻഷുറൻസ് പോളിസി; പുതിയ നിയമങ്ങൾ നിലവിൽ വന്നു
കുവൈത്തിലെ നിർബന്ധിത ഇൻഷുറൻസ് പോളിസികൾക്ക് പുതിയ നിയമങ്ങൾ നിലവിൽ വന്നു. ഇൻഷുറൻസ് റെഗുലേറ്ററി യൂണിറ്റ് (IRU) പുറത്തിറക്കിയ 19/2025 നമ്പർ പ്രമേയമാണ് ഈ നിയമങ്ങൾ വ്യക്തമാക്കുന്നത്. ഇൻഷുറൻസ് മേഖലയിൽ സുതാര്യത ഉറപ്പാക്കുക, പോളിസി ഉടമകളുടെ അവകാശങ്ങൾ സംരക്ഷിക്കുക, വിപണിയിലെ തട്ടിപ്പുകൾ തടയുക എന്നിവയാണ് ഈ നിയമങ്ങളുടെ പ്രധാന ലക്ഷ്യങ്ങൾ. പുതിയ നിയമങ്ങൾ അനുസരിച്ച് ഇൻഷുറൻസ് കമ്പനികൾ പോളിസികളിൽ ചില കാര്യങ്ങൾ നിർബന്ധമായും ചേർക്കണം.
പുതിയ നിയമങ്ങൾ അനുസരിച്ച് ഇൻഷുറൻസ് കമ്പനികൾ പോളിസികളിൽ ചില കാര്യങ്ങൾ നിർബന്ധമായും ചേർക്കണം.
ഡിക്ലറേഷൻ ആൻഡ് പ്ലെഡ്ജ് ക്ലോസ്: പോളിസിയിലെ വ്യവസ്ഥകളെക്കുറിച്ചും കവറേജുകളെക്കുറിച്ചും പോളിസി ഉടമയ്ക്ക് പൂർണ്ണമായ ധാരണയുണ്ടെന്ന് ഈ ക്ലോസ് ഉറപ്പ് നൽകുന്നു. ക്യുആർ കോഡ്: പോളിസി രേഖകളിൽ ക്യുആർ കോഡ് നിർബന്ധമാക്കിയിട്ടുണ്ട്. ഇത് വഴി പോളിസിയുമായി ബന്ധപ്പെട്ട എല്ലാ വിവരങ്ങളും എളുപ്പത്തിൽ ലഭ്യമാകും.
പോളിസി റദ്ദാക്കൽ: പോളിസി റദ്ദാക്കുമ്പോൾ ഉപഭോക്താവിന് തിരികെ ലഭിക്കുന്ന തുക എങ്ങനെ കണക്കാക്കുമെന്നും പ്രീമിയം എങ്ങനെ നിശ്ചയിക്കുമെന്നും പോളിസിയിൽ വ്യക്തമായി രേഖപ്പെടുത്തണം.
ഈ പുതിയ നിയമങ്ങൾ ഇൻഷുറൻസ് രംഗത്ത് കൂടുതൽ വിശ്വാസ്യത ഉണ്ടാക്കുമെന്നും വഞ്ചനാപരമായ പ്രവർത്തനങ്ങൾ കുറയ്ക്കുമെന്നും ഇൻഷുറൻസ് റെഗുലേറ്ററി യൂണിറ്റ് മേധാവി മുഹമ്മദ് അൽ-ഒതൈബി അറിയിച്ചു. പോളിസി നിരക്കുകളിലെ ഏകീകരണം ഉറപ്പാക്കാനും ഇത് സഹായിക്കുമെന്നും അദ്ദേഹം കൂട്ടിച്ചേർത്തു.
Comments (0)