അപകട സൂചന കാരണം ബീച്ചിൽ ഇറങ്ങുന്നത് വിലക്കി ; ലൈഫ് ഗാർഡിനെ വിനോദ സഞ്ചാരികൾ ആക്രമിച്ചു
ഫൂക്കറ്റിലെ നയി ഹാർൺ ലൈഫ് ഗാർഡിന് ഒരു കൂട്ടം വിദേശ വിനോദസഞ്ചാരികൾ മർദ്ദിച്ചു. മർദ്ദിക്കുന്ന ദൃശ്യങ്ങൾ നിരീക്ഷണ ക്യാമറയിൽ പതിഞ്ഞിട്ടുണ്ട്. തിങ്കളാഴ്ച വൈകുന്നേരം ശക്തമായ തിരമാലകൾ കാരണം ബീച്ച് അടച്ചിട്ടിരിക്കുന്നതായി സൂചിപ്പിക്കുന്ന ചുവന്ന പതാകകൾ നിർത്തിയിരുന്നു. ഇത് കൂടാതെ വിനോദസഞ്ചാരികളോട് കടലിൽ ഇറങ്ങരുതെന്ന് ലൈഫ് ഗാർഡ് മുന്നറിയിപ്പ് നൽകിയിരുന്നു. ഇതേ തുടർന്നാണ് ലൈഫ് ഗാർഡിനെതിരെ ആക്രമണം നടത്തിയത്. അയാളുടെ മേൽ തുപ്പകയും ശാരീരികമായി ആക്രമിക്കുകയും ചെയ്തതായി ദൃക്‌സാക്ഷികൾ പറഞ്ഞു. സ്വയം പ്രതിരോധിക്കാൻ ശ്രമിച്ചെങ്കിലും ലൈഫ് ഗാർഡിന് പരിക്കേറ്റു. അക്രമ ദൃശ്യങ്ങൾ പെട്ടെന്ന് വൈറലായി. ഇത് നെറ്റിസൺമാരെയും ചൊടിപ്പിച്ചു.
പ്രാദേശിക അധികാരികൾ ഇതിനെ നിന്ന് അപലപിച്ചു. റാവായ് മേയർ തെംസ് ക്രാറ്റാഡ്‌സൻ ആക്രമണകാരികളെ “നിലവാരം കുറഞ്ഞ വിനോദസഞ്ചാരികൾ” എന്ന് വിശേഷിപ്പിച്ചു. ഇത്തരം സംഭവങ്ങൾ വളരെ സാധാരണമായിക്കൊണ്ടിരിക്കുകയാണ് എന്ന് അവർ പറഞ്ഞു. കൂടാതെ വിഷയം അങ്ങേയറ്റം ഗൗരവത്തോടെ പരിഗണിക്കുമെന്നും അധികാരികൾ പറഞ്ഞു.
Comments (0)