മൈ ഐഡന്റിറ്റി ആപ്പില്‍ കുട്ടികളുടെ സിവില്‍ ഐഡികള്‍ ചേര്‍ക്കണം ; നിർദ്ദേശവുമായി കുവൈറ്റ്
കുവൈത്ത് സിറ്റി: പൗരന്മാർക്കും പ്രവാസികൾക്കും ഇപ്പോൾ “മൈ ഐഡൻ്റിറ്റി” ഡിജിറ്റൽ ഐഡന്റിറ്റി ആപ്ലിക്കേഷൻ്റെ ഇ-വാലറ്റിലേക്ക് അവരുടെ കുട്ടികളുടെ സിവിൽ ഐഡി കാർഡുകൾ ചേർക്കാമെന്ന് നിര്‍ദേശവുമായി പബ്ലിക് അതോറിറ്റി ഫോർ സിവിൽ ഇൻഫർമേഷൻ (പിഎസിഐ). ഔദ്യോഗിക ഇടപാടുകൾ എളുപ്പമാക്കുക, ഫിസിക്കൽ കാർഡുകൾ കൊണ്ടുപോകേണ്ടതിൻ്റെ ആവശ്യകത കുറയ്ക്കുക, സർക്കാരിൻ്റെ ഡിജിറ്റൽ പരിവർത്തന ശ്രമങ്ങളെ പിന്തുണയ്ക്കുക എന്നിവയാണ് ഈ സേവനത്തിലൂടെ ലക്ഷ്യമിടുന്നത്. ആവശ്യമുള്ളപ്പോൾ മാതാപിതാക്കൾക്ക് അവരുടെ കുട്ടികളുടെ ഇലക്ട്രോണിക് സിവിൽ കാർഡുകൾ അവരുടെ സ്മാര്‍ട്ട്ഫോണുകളിൽ നിന്ന് നേരിട്ട് കാണിക്കാൻ കഴിയും.
ഇലക്ട്രോണിക് ഒപ്പുകൾ, സുരക്ഷിതമായ ഐഡൻ്റിറ്റി പരിശോധന, ആധികാരിക ഇടപാടുകൾ എന്നിവയുൾപ്പെടെയുള്ള അതിൻ്റെ ഡിജിറ്റൽ സവിശേഷതകളിൽ നിന്ന് പ്രയോജനം നേടുന്നതിന് “മൈ ഐഡൻ്റിറ്റി” ആപ്പ് ഏറ്റവും പുതിയ പതിപ്പിലേക്ക് അപ്ഡേറ്റ് ചെയ്യാൻ എല്ലാ ഉപയോക്താക്കളോടും പിഎസിഐ അഭ്യര്‍ഥിച്ചു.
Comments (0)