esim activation-fake message;ഇ-സിം ആക്ടിവേറ്റ് ചെയ്യാനായി മെസേജ് വന്നോ?.. പ്രതികരിക്കല്ലേ… പണികിട്ടും
esim activation-fake message; സൈബര്‍ തട്ടിപ്പുകളുടെ കാലമാണ്. ഒരു നേരത്തെ അശ്രദ്ധ മതി അക്കൗണ്ട് കാലിയാകാന്‍. ഇ സിമ്മുമായി ബന്ധപ്പെട്ടാണ് പുതിയ തട്ടിപ്പ്. സ്മാര്‍ട്ട്‌ഫോണുകളില്‍ eSIM കണക്ഷനുകള്‍ ഉപയോഗിക്കുന്നതുമായി ബന്ധപ്പെട്ട അപകടസാധ്യതകളെ കുറിച്ച് മുന്നറിയിപ്പുമായി കേന്ദ്ര സര്‍ക്കാര്‍ എത്തിയിരിക്കുകയാണ്.
എടിഎം കാര്‍ഡ് ഉപയോഗിച്ചോ അക്കൗണ്ടിനായി യുപിഐ സജീവമാക്കിയോ ഒരാളുടെ അക്കൗണ്ടില്‍ നിന്ന് പണം മോഷ്ടിക്കാന്‍ തട്ടിപ്പുകാര്‍ക്ക് കഴിയുമെന്ന് അടുത്തിടെ നടന്ന ഒരു സംഭവത്തെ മുന്‍നിര്‍ത്തി I4C സൈബര്‍ ക്രൈം യൂണിറ്റ് മുന്നറിയിപ്പ് നല്‍കിയിട്ടുണ്ട്.
ഇത്തരത്തിലൊരു ഡിജിറ്റല്‍ ആക്രമണം നടത്താന്‍ അവര്‍ക്ക് ഇരയുടെ ഫോണ്‍ നമ്പര്‍ മാത്രമേ ആവശ്യമുള്ളൂ. ഉപയോക്താവിന് ഒരു ഫോണ്‍ കോള്‍ ചെയ്തുകൊണ്ടാണ് തട്ടിപ്പ് ആരംഭിക്കുന്നത്. അവര്‍ ഒരു eSIM ആക്ടിവേഷന്‍ അയയ്ക്കുന്നു. അവിടെയാണ് ഹൈജാക്കിംഗ് നടക്കുന്നത്. ഉപയോക്താവ് തന്റെ സിം ഒരു eSIM ആക്കി മാറ്റാനുള്ള അഭ്യര്‍ത്ഥന സ്വീകരിച്ചു കഴിഞ്ഞാല്‍, തട്ടിപ്പുകാര്‍ക്ക് ഇപ്പോള്‍ എല്ലാ കോളുകളും സന്ദേശങ്ങളും ആക്‌സസ് ചെയ്യാന്‍ കഴിയും. അപ്പോള്‍ ഫോണിലെ സാധാരണ സിം നെറ്റ്വര്‍ക്ക് ആക്‌സസ് നഷ്ടപ്പെടും. അതേസമയം OTPകള്‍ eSIM പ്രൊഫൈലിലേക്ക് റീഡയറക്ട് ചെയ്യപ്പെടും. അങ്ങനെ അവര്‍ ഉപയോക്താവിനെ തട്ടിപ്പിനിരയാക്കും.
Comments (0)