ആപ്പിൾ ഐഫോൺ 17; വില, പുറത്തിറങ്ങുന്ന തീയതി എന്നിവ അറിയാം
ഏവരും ആകാംഷയോടെ കാത്തിരിക്കുകയാണ് ഐഫോണ്‍ 17 പ്രോ മാക്‌സിനെ. റിലീസ് തീയതിയും വിലയും ഐഫോണിനെ കുറിച്ച് കൂടുതല്‍ കാര്യങ്ങള്‍ അറിയാന്‍ എല്ലാവര്‍ക്കും താത്പര്യമുണ്ടാകും. നിരവധി മാധ്യമ റിപ്പോർട്ടുകൾ പ്രകാരം, സെപ്തംബർ 11 നും 13 നും ഇടയിൽ ഫോൺ പുറത്തിറങ്ങും.
മുൻ റിപ്പോർട്ട് പ്രകാരം, യുഎഇയിൽ ഐഫോൺ 16 പ്രോ മാക്‌സ് 5,099 ദിർഹത്തിനാണ് വിറ്റത്. ഐഫോൺ 17 പ്രോ മാക്‌സും ഈ വിലനിലവാരം നിലനിർത്തുമെന്ന് ആരാധകർ പ്രതീക്ഷിക്കുന്നുണ്ടെങ്കിലും, പ്രോ മാക്‌സിന്റെ വില നിർണയിക്കാൻ സാധ്യതയുള്ള പ്രീമിയം മോഡലായ ഐഫോൺ 17 ‘എയർ’ അവതരിപ്പിക്കുന്നതുമായി ബന്ധപ്പെട്ട് വില വർധനവിന് സാധ്യതയുണ്ടെന്ന് അഭ്യൂഹങ്ങളുണ്ട്.
പുതിയ റിപ്പോർട്ടുകൾ പ്രകാരം ഐഫോൺ 17 പ്രോ മാക്‌സിന് ഏകദേശം 3,399 ദിർഹം വിലവരും. പ്രധാനമായും മൂന്ന് മാറ്റങ്ങളാണ് ഐഫോൺ 17 പ്രോ മാക്സിനുള്ളത്. ചെറിയ ഡൈനാമിക് ഐലൻഡ്, ഒരു വേപ്പർ ചേംബർ കൂളിംഗ് സിസ്റ്റം, ഒരു വലിയ ബാറ്ററി തുടങ്ങിയ മാറ്റങ്ങൾ ഐഫോൺ 17 അൾട്രയിൽ ലഭിക്കും എന്നാണ് പുറത്തുവന്ന റിപ്പോര്‍ട്ട്. ഐഫോൺ 17 അൾട്ര മാത്രമാണ് ഈ മാറ്റങ്ങൾ ലഭിക്കുന്ന ഐഫോൺ 17 നിരയിലെ ഏക ഡിവൈസ് എന്ന അഭ്യൂഹവും ലീക്കർ പങ്കുവയ്ക്കുന്നു.
Comments (0)