അബ്ദാലി അതിർത്തിയിലൂടെ ലൈസൻസില്ലാത്ത തോക്കുകളും വെടിക്കോപ്പുകളും കടത്താൻ ശ്രമം ; കുവൈറ്റ് പൗരൻ പിടിയിൽ
കുവൈറ്റ് സിറ്റി : അബ്ദാലി അതിർത്തിയിലൂടെ ലൈസൻസില്ലാത്ത തോക്കുകളും വെടിക്കോപ്പുകളും കടത്താനുള്ള രണ്ട് വ്യത്യസ്ത ശ്രമങ്ങൾ തടഞ്ഞതായി ജനറൽ അഡ്മിനിസ്ട്രേഷൻ ഓഫ് കസ്റ്റംസ് . ഇറാഖ് റിപ്പബ്ലിക്കിൽ നിന്ന് എത്തിയ ഒരു കുവൈറ്റ് പൗരനെ കസ്റ്റംസ് ഇൻസ്പെക്ടർമാർ പിടികൂടിയതായി ഉദ്യോഗസ്ഥർ പറഞ്ഞു. ഇയാളുടെ കൈവശം ലൈസൻസില്ലാത്ത രണ്ട് 9 എംഎം ഗ്ലോക്ക് പിസ്റ്റളുകളും 50 റൗണ്ട് വെടിയുണ്ടകളും കണ്ടെത്തിയതിനെ തുടർന്നായിരുന്നു ഇയാളെ പിടികൂടിയത്.
മറ്റൊരു സംഭവത്തിൽ, ഇറാഖിലേക്കുള്ള യാത്രാമധ്യേ കുവൈറ്റിൽ നിന്ന് പുറത്തേക്ക് പോകാൻ ശ്രമിച്ച പാസഞ്ചർ ട്രാൻസ്പോർട്ട് ഡ്രൈവറായി ജോലി ചെയ്യുന്ന ഒരു ഇറാഖി പൗരനെ ഇൻസ്പെക്ടർമാർ അറസ്റ്റ് ചെയ്തു. പരിശോധനയിൽ, വാഹനത്തിനുള്ളിലെ രഹസ്യ അറകളിൽ ഒളിപ്പിച്ച നിലയിൽ 1,395 റൗണ്ട് 12 എംഎം ഷോട്ട്ഗൺ വെടിയുണ്ടകളും അധികൃതർ കണ്ടെത്തി. കണ്ടുകെട്ടിയ എല്ലാ വസ്തുക്കളും കൂടുതൽ അന്വേഷണത്തിനും നിയമനടപടികൾക്കുമായി ആഭ്യന്തര മന്ത്രാലയത്തിന് കൈമാറി.
ആയുധങ്ങളുടെയും വെടിക്കോപ്പുകളുടെയും കള്ളക്കടത്തിനെതിരെ ശക്തമായ മുന്നറിയിപ്പ് കസ്റ്റംസ് ജനറൽ അഡ്മിനിസ്ട്രേഷൻ ആവർത്തിച്ചു . ദേശീയ സുരക്ഷയും പൊതു സുരക്ഷയും ഉറപ്പാക്കുന്നതിന് നിയമലംഘകർക്കെതിരെ ആവശ്യമായ എല്ലാ നിയമ നടപടികളും സ്വീകരിക്കുമെന്ന് അധികാരികൾ സ്ഥിരീകരിച്ചു.
Comments (0)