Shariki Services Marriage Bureau;യുഎഇയിൽ എഐ സഹായത്തോടെ ഒരു ജീവിത പങ്കാളിയെ കണ്ടെത്താം: എങ്ങനെ എന്നല്ലേ? അറിയാം…
യുഎഇ: വിവാഹ ജീവിതത്തിലേക്ക് കടക്കുമ്പോൾ അനുയോജ്യമായ ഒരു പങ്കാളിയെ കണ്ടെത്തുക എന്നത് ഏറെ പ്രാധാന്യമുള്ള കാര്യമാണ്. മുൻപ് കുടുംബാംഗങ്ങളുടെയും സുഹൃത്തുക്കളുടെയും സഹായത്തോടെയാണ് മിക്കവരും പങ്കാളിയെ കണ്ടെത്തിയിരുന്നത്. എന്നാൽ കാലം മാറിയതിനനുസരിച്ച് ആർട്ടിഫിഷ്യൽ ഇൻ്റലിജൻസിന്റെ വരവോട് കൂടി ഇന്ന് ഈ രംഗത്ത് വലിയൊരു വിപ്ലവം തന്നെയാണ് സൃഷ്ടിച്ചിരിക്കുന്നത്.
അതിൽ ഒന്നാണ് യുഎഇയിലെ ഷാരികി സർവീസസ് ഓഫ് മാര്യേജ് ബ്യൂറോ, ഈ സ്ഥാപനം ഇലക്ട്രോണിക് കോംപാറ്റിബിലിറ്റി സിസ്റ്റത്തിലൂടെ ശരിയായ പങ്കാളിയെ കണ്ടെത്താൻ നിങ്ങളെ സഹായിക്കുന്നു. കൂടാതെ ഈ സംവിധാനത്തിലൂടെ വ്യക്തികളുടെ ഇഷ്ടങ്ങളെയും മുൻഗണനകളെയും കുറിച്ചുള്ള 80 മുതൽ 90 ശതമാനം വരെയുള്ള ചോദ്യങ്ങൾക്ക് ഉത്തരം നൽകുന്നത് വഴി അനുയോജ്യമായ ജീവിത പങ്കാളികളെ കണ്ടെത്താം .
സമൂഹത്തിൽ വിവാഹം വൈകുന്നത് വർദ്ധിച്ചുവരുന്ന സാഹചര്യത്തിലാണ് എഐ സഹായത്തോടെ ഷാരികി വെബ്സൈറ്റ് വഴി ഇണയെ കണ്ടെത്താം എന്ന പുത്തൻ ആശയം ചില എമിറാത്തി പൗരന്മാർ അവതരിപ്പിച്ചത്. തുടർന്ന് വിവാഹങ്ങൾക്കായി ലൈസൻസുള്ള ഇടനില കമ്പനികൾ കൂടെ ആരംഭിച്ചതോടെ ഇനി യുഎഇയിലെ പൗരന്മാർക്ക് ഇണയെ കണ്ടെത്താനുള്ള സഹായിയായി ഈ വെബ്സൈറ്റ് മാറും.
പരമ്പരാഗത രീതികളേക്കാൾ കൂടുതൽ കൃത്യവും കാര്യക്ഷമവുമാണ് ഇത്. കൂടാതെ എമിറാത്തി ഇസ്ലാമിക പാരമ്പര്യങ്ങൾ പാലിക്കുന്നത് വഴി വ്യക്തികളുടെ സ്വകാര്യത ഉറപ്പാക്കുന്നതിന് കർശനമായ നിയന്ത്രണങ്ങളോടെയാണ് ഈ കമ്പനികൾ പ്രവർത്തിക്കുന്നതും. സാങ്കേതികവിദ്യയുടെ വളർച്ച വിവാഹബന്ധങ്ങൾക്കും അനുയോജ്യമായ പങ്കാളിയെ കണ്ടെത്തുന്നതിനും ഉത്തമ ഉദാഹരണം കൂടിയായി ഇത് മാറുകയാണ്.
റാസ് അൽ ഖൈമ ആസ്ഥാനമായുള്ള ഷാരികി വെബ്‌സൈറ്റിൽ രജിസ്റ്റർ ചെയ്യുന്നവരുടെ വിവരങ്ങൾ വിശകലനം ചെയ്യുന്ന ഒരു പ്രത്യേക പ്ലാറ്റ്‌ഫോമാണ് ഇവിടെ അവതരിപ്പിച്ചത്. ഉപയോക്താക്കൾ ഒരു ഫോം പൂരിപ്പിച്ച് തങ്ങളുടെ ജീവിത പങ്കാളിയെക്കുറിച്ചുള്ള മുൻഗണനകൾ വ്യക്തമാക്കിയ ശേഷം, അയി സഹായത്തോടെ ഏറ്റവും ഉയർന്ന അനുയോജ്യതയുള്ള വ്യക്തികളെ കണ്ടെത്തുന്നു.
തുടർന്ന് തിരഞ്ഞെടുക്കപ്പെട്ട സംസാരിച്ച് മുന്നോട്ട് പോകാം എന്ന ധാരണയിലെത്തുകയും. അതിനുശേഷം, ഓരോ വ്യക്തിയും അവരുടെ പേജിൽ ലോഗിൻ ചെയ്ത്, തങ്ങളുടെ വിവരങ്ങൾ രേഖപ്പെടുത്തുന്നതിനും ഔദ്യോഗിക വിവാഹ നടപടിക്രമങ്ങളുമായി മുന്നോട്ട് പോകുന്നതിനും ഇലക്ട്രോണിക് അപ്രൂവൽ എന്ന ബട്ടൺ ക്ലിക്ക് ചെയ്യണം.
ഷാരികിയുടെ സേവനങ്ങൾ പ്രയോജനപ്പെടുത്തുന്നതിന് 1,099 ദിർഹമാണ് സബ്‌സ്‌ക്രിപ്‌ഷൻ ഫീസ്. ഈ തുകയിൽ നാല് ഇലക്ട്രോണിക് കോംപാറ്റിബിലിറ്റി ശ്രമങ്ങൾ ഉൾപ്പെടുന്നു, കൂടാതെ പ്രൊഫൈലിന് കാലഹരണ തീയതിയില്ല എന്നത് ഇതിന്റെ പ്രത്യേകതയാണ്.
Comments (0)