PRAVASI NEWS DAILY

Air India Express Flight Onam Offers:യുഎഇ: ഇത്തവണത്തെ ഓണത്തിന് യുഎഇയിൽ നിന്ന് നാട്ടിലേക്ക് പോകാൻ പ്ലാൻ ഉണ്ടോ? ഉണ്ടെങ്കിൽ അടിപൊളി ഓഫറുകളുമായി എയർ ഇന്ത്യ എക്സ്‌പ്രസും ട്രാവൽ ഏജൻസികളും രംഗത്ത്. സാധാരണയായി ഈ സമയങ്ങളിൽ വിമാന ടിക്കറ്റ് നിരക്കുകൾ കുത്തനെ ഉയരാറാണ് പതിവ്. എന്നാൽ ഈ ഓഫറുകൾ പ്രഖ്യാപിച്ചതോടെ യുഎഇയിലെ മലയാളി പ്രവാസികൾക്ക് ആശ്വാസമായി മാറിയിരിക്കുകയാണ്.189 ദിർഹത്തിന് യുഎഇയിൽ നിന്ന് കേരളത്തിലേക്ക് യാത്ര ചെയ്യാനുള്ള അവസരമാണ് നിലവിൽ വാഗ്ദാനം ചെയ്യുന്നത്. ആദ്യം എയർ ഇന്ത്യ എക്സ്പ്രസ് ആണ് ഈ ഓഫറിന് തുടക്കമിട്ടത്. ഇതോടെ ദുബായ്, ഷാർജ, അബുദാബി എന്നിവിടങ്ങളിൽ നിന്ന് കൊച്ചി, കോഴിക്കോട്, തിരുവനന്തപുരം തുടങ്ങിയ സ്ഥലങ്ങളിലേക്ക് കുറഞ്ഞ നിരക്കിൽ യാത്ര ചെയ്യാം.

ഉയർന്ന യാത്രാച്ചെലവ് കാരണം ഓണാക്കാലത്ത് നാട്ടിലേക്ക് വരാൻ മടിക്കുന്നവർക്ക് ഇത് ഒരു മികച്ച അവസരമായി മാറുന്നു. ടിക്കറ്റുകൾ വേഗത്തിൽ വിറ്റുപോവാൻ സാധ്യതയുള്ളതിനാൽ താൽപ്പര്യമുള്ളവർ ഉടൻ തന്നെ ബുക്ക് ചെയ്യേണ്ടതാണ്. യുഎഇയിൽ നിന്ന് കേരളത്തിലേക്കുള്ള യാത്രയ്ക്ക് ഇത്രയും കുറഞ്ഞ തുകയിൽ ടിക്കറ്റുകൾ ലഭിക്കുക എന്നത്

യുഎഇയിൽ നിന്ന് കേരളത്തിലേക്കുള്ള യാത്രയ്ക്ക് വെറും 189 ദിർഹം മുതൽ ടിക്കറ്റുകൾ ലഭ്യമാക്കുന്ന ആകർഷകമായ യാത്രാ ഡീലുകളാണ് എയർ ഇന്ത്യ എക്സ്പ്രസ് പ്രഖ്യാപിച്ചത്. സാധാരണയായി ഓണക്കാലത്ത് വിമാന ടിക്കറ്റുകളുടെ നിരക്ക് കുത്തനെ ഉയരാറാണ് പതിവ്. എന്നാൽ ഇത്തവണ മലയാളി പ്രവാസികൾക്ക് ആശ്വാസമാകുകയാണ്.

അതേസമയം 189 ദിർഹം എന്ന തുക യാത്രക്കാർക്ക് യാത്രാച്ചെലവിൽ വലിയ ലാഭം നൽകുന്നുണ്ടെന്നാണ് യുഎഇയിലെ ട്രാവൽ ഏജൻസി അധികൃതർ വ്യക്തമാകുന്നത്. നിലവിൽ യുഎഇയിലെ ദുബായ്, ഷാർജ, അബുദാബി എന്നീ വിമാനത്താവളങ്ങളിൽ നിന്ന് കൊച്ചി, കോഴിക്കോട്, തിരുവനന്തപുരം എന്നിവിടങ്ങളിലേക്ക് നേരിട്ടുള്ള സർവീസുകളാണ് നടത്തുന്നത്.

കൂടാതെ ഈ റൂട്ടുകളിൽ ഓഫറുകൾ ലഭിക്കുന്നതിനാൽ യാത്രക്കാർക്ക് അവരുടെ സൗകര്യമനുസരിച്ച് യാത്ര തിരഞ്ഞെടുക്കാനും സാധിക്കും. എയർ ഇന്ത്യ എക്സ്പ്രസിന്റെ ഔദ്യോഗിക വെബ്സൈറ്റ് വഴിയോ, അംഗീകൃത ട്രാവൽ ഏജൻസികൾ വഴിയോ ഈ ടിക്കറ്റുകൾ ബുക്ക് ചെയ്യാം.
ഓഫറുകൾ പരിമിത കാലത്തേക്ക് മാത്രം ആയതിനാൽ ടിക്കറ്റുകൾ ബുക്ക് ആകാനുള്ള സാധ്യതയും ഏറെയാണ്.

അതേസമയം യുഎഇയിലെ സ്മാർട്ട് ട്രാവൽ ഗ്രൂപ്പ് എന്ന ട്രാവൽ ഏജൻസിയും ഓണക്കാല ഓഫറുകൾ പ്രഖ്യാപിച്ചു. അതായത് ദുബായിൽ നിന്ന് കോഴിക്കോടേക്ക് വൺവേ ടിക്കറ്റുകൾ 189 ദിർഹത്തിന് നൽകുന്നതായാണ് അറിയിച്ചത്. കൂടാതെ 30 കിലോ ബാഗേജ് അലവൻസും നൽകുന്നു. ആദ്യമായാണ് ഒരു ട്രാവൽ ഏജൻസി ഇതുപോലെ ഓഫറുകൾ നൽകുന്നത്.