ദോഹയിലെ ഡ്രൈവർമാർ ശ്രദ്ധിക്കുക! വാരാന്ത്യത്തിൽ പ്രധാന റോഡിൽ ഗതാഗത നിയന്ത്രണം
ദോഹ: റോഡ് അറ്റകുറ്റപ്പണികൾ നടക്കുന്നതിനാൽ ഷെറാട്ടൺ ഇന്റർസെക്ഷനിൽ നിന്ന് അൽ താവൂൻ ഇന്റർസെക്ഷനിലേക്കുള്ള റോഡിൽ താൽക്കാലികമായി ഗതാഗത നിയന്ത്രണം ഏർപ്പെടുത്തിയതായി പബ്ലിക് വർക്ക്സ് അതോറിറ്റി (അഷ്ഗാൽ) അറിയിച്ചു. 2025 ഓഗസ്റ്റ് 15, വെള്ളിയാഴ്ച രാത്രി 12:00 മുതൽ 2025 ഓഗസ്റ്റ് 16, ശനിയാഴ്ച രാവിലെ 5:00 വരെയാണ് ഗതാഗതം ഭാഗികമായി അടച്ചിടുന്നത്.
വാഹനം ഓടിക്കുന്നവർക്ക് ബുദ്ധിമുട്ടുകൾ ഉണ്ടാകാതിരിക്കാൻ, ഈ സമയങ്ങളിൽ ബദൽ റോഡുകളും മറ്റ് പാതകളും ഉപയോഗിക്കാൻ അഷ്ഗാൽ നിർദ്ദേശിച്ചു. കൃത്യസമയത്ത് പണികൾ പൂർത്തിയാക്കാനും ഗതാഗതത്തെ ഇത് ഏറ്റവും കുറഞ്ഞ രീതിയിൽ മാത്രം ബാധിക്കുകയുള്ളൂ എന്നും അതോറിറ്റി ഉറപ്പുനൽകുന്നു.
രാജ്യത്തെ അടിസ്ഥാന സൗകര്യങ്ങൾ മെച്ചപ്പെടുത്താനും റോഡ് ശൃംഖലയുടെ കാര്യക്ഷമത വർദ്ധിപ്പിക്കാനും ലക്ഷ്യമിട്ടുള്ള അഷ്ഗാലിന്റെ നിരന്തര ശ്രമങ്ങളുടെ ഭാഗമായാണ് ഈ നടപടി. ഇത് സുഗമമായ ഗതാഗതവും റോഡ് ഉപയോക്താക്കളുടെ സുരക്ഷയും ഉറപ്പാക്കാൻ സഹായിക്കും.
Comments (0)