dubai airport smart gate:ഇനി വെറും സെക്കന്റുകൾ മതി ദുബായ് വിമാനത്താവളത്തിലെ സ്മാർട്ട് ഗേറ്റുകൾ കടക്കാൻ ; എങ്ങനെയെന്നല്ലേ; അറിയാം
യുഎഇ : ദുബായ് അന്താരാഷ്ട്ര വിമാനത്താവളത്തിലെ സ്മാർട്ട് ഗേറ്റുകളിലൂടെയുള്ള പ്രവേശനത്തിനായി നിങ്ങൾ രജിസ്റ്റർ ചെയ്തിട്ടുണ്ടോ? ഉണ്ടെങ്കിൽ അത് എങ്ങനെ എന്ന് കണ്ടെത്താം. നേരത്തെ ഗേറ്റുകൾ കടക്കാൻ ഒരുപാട് സമയം എടുത്തിരുന്നു എന്നാൽ ഇന്ന് പുത്തൻ സാങ്കേതിക വിദ്യയുടെ സഹായത്തോടെ സെക്കന്റുകൾക്കുള്ളിൽ കടക്കാൻ സാധിക്കും.ദുബായ് ജനറൽ ഡയറക്ടറേറ്റ് ഓഫ് ഫോറിൻ അഫയേഴ്‌സിന്റെ ഔദ്യോഗിക വെബ്‌സൈറ്റായ gdrfad.gov.ae-ൽ ലഭ്യമായ ‘ഇൻക്വയറി ഫോർ സ്മാർട്ട് ഗേറ്റ് രജിസ്ട്രേഷൻ’ വഴി ഓൺലൈൻ സേവനത്തിലൂടെ യാത്ര ചെയ്യുന്നതിന് മുന്നേ സ്മാർട്ട് ഗേറ്റ് ഉപയോഗിക്കാൻ നിങ്ങൾ യോഗ്യനാണോ എന്ന് പരിശോധിച്ച് കണ്ടെത്താം.
അടുത്തിടെ ദുബായ് അന്താരാഷ്ട്ര വിമാനത്താവളത്തിൾ നിന്ന് യാത്ര ചെയ്തവരാണെകിൽ പാസ്‌പോർട്ട് നിയന്ത്രണ ചെക്ക്‌പോസ്റ്റിലൂടെ കടന്ന അന്താരാഷ്ട്ര യാത്രക്കാർ സ്മാർട്ട് ഗേറ്റുകൾക്കായി രജിസ്റ്റർ ചെയ്തിട്ടുണ്ടാകാം. എന്നാൽ രജിസ്റ്റർ ചെയ്തില്ലെങ്കിൽ നിങ്ങൾക്ക് GDRFA-ദുബായ് പരിശോധിക്കാം.
ജിഡിആർഎഫ്എ അനുസരിച്ച് 1.2 മീറ്ററോ അതിൽ കൂടുതലോ ഉയരമുള്ള രജിസ്റ്റർ ചെയ്ത യാത്രക്കാർക്ക് സ്മാർട്ട് ഗേറ്റുകൾ ഉപയോഗിക്കാൻ അർഹതയുണ്ട്. കൂടാതെ യുഎഇ, ഗൾഫ് സഹകരണ കൗൺസിൽ പൗരന്മാർ, യുഎഇ നിവാസികൾ, വിസ ഓൺ അറൈവൽ, ഷെഞ്ചൻ യൂണിയൻ അതിഥികൾ, മുൻകൂട്ടി ഇഷ്യൂ ചെയ്ത വിസ ഉടമകൾ എന്നിവർക്കും ഉപയോഗിക്കാം.
കൂടാതെ സ്മാർട്ട് ഗേറ്റ്സ് ഉപയോഗിക്കാൻ നിങ്ങൾ രജിസ്റ്റർ ചെയ്തിട്ടുണ്ടെന്ന് കണ്ടെത്തിക്കഴിഞ്ഞാൽ സ്മാർട്ട് ഗേറ്റിൽ പ്രവേശിച്ച് ‘കാൽ’ ചിഹ്നത്തിൽ നിൽക്കുക. മുഖംമൂടികൾ, ഗ്ലാസുകൾ, തൊപ്പികൾ എന്നിങ്ങനെ നിങ്ങളുടെ മുഖം മൂടുന്ന രീതിയിലുള്ള വസ്തുക്കൾ നീക്കം ചെയ്യണം. ശേഷം നിങ്ങളുടെ ബയോമെട്രിക്സ് പരിശോധിക്കാൻ ക്യാമറയുടെ മുകളിലുള്ള പച്ച ലൈറ്റ് നോക്കി സ്ക്രീനിലെ നിർദ്ദേശങ്ങൾ പാലിക്കുക.
തുടർന്ന് ബയോമെട്രിക്സ് അംഗീകരിച്ചുകഴിഞ്ഞാൽ സ്മാർട്ട് ഗേറ്റുകൾ തുറക്കും ഇതോടെ പാസ്‌പോർട്ട് നിയന്ത്രണ പ്രക്രിയ പൂർത്തിയാകും.
അതേസമയം ചില സന്ദർഭങ്ങളിൽ നിങ്ങൾ യുഎഇ നിവാസിയാണെങ്കിൽ നിങ്ങളുടെ എമിറേറ്റ്സ് ഐഡിയോ പാസ്‌പോർട്ടോ നൽകാതെ തന്നെ സ്മാർട്ട് ഗേറ്റുകളിലൂടെ കടന്നുപോകാൻ സാധിക്കും. അതിനായി നിങ്ങൾ ക്യാമറയിലേക്ക് നോക്കി കുറച്ച് നിമിഷങ്ങൾ കാത്തിരിക്കുക മാത്രം ചെയ്താൽ മതി അതിൽ നിങ്ങളുടെ മുഴുവൻ പേരും ഫോട്ടോയും കാണാൻ സാധിക്കും.
കൂടാതെ ഇതിൽ രജിസ്റ്റർ ചെയ്യാൻ എമിറേറ്റ്സ് ഏകീകൃത നമ്പർ, എമിറേറ്റ്സ് ഐഡി നമ്പർ, പാസ്‌പോർട്ട് നമ്പർ, ജനനത്തീയതി, ലിംഗഭേദം, എന്നിവയാണ് ആവശ്യമായി വരിക. കൂടാതെ നിങ്ങൾ മുന്നേ രജിസ്റ്റർ ചെയ്തത് ആണെങ്കിൽ ജിഡിആർഎഫ്എ ദുബായ് ‘റെക്കോർഡ് രജിസ്റ്റർ ചെയ്തിട്ടുണ്ട്. നിങ്ങൾക്ക് സ്മാർട്ട് ഗേറ്റുകൾ ഉപയോഗിക്കാം’ എന്ന് നിങ്ങളെ അറിയിക്കും.
Comments (0)