Dubai RTA:ഇനി വെറും 2 മണിക്കൂറിനുള്ളിൽ ദുബായിൽ ഡ്രൈവിങ് ലൈസൻസും വാഹന രജിസ്ട്രേഷൻ കാർഡും ലഭിക്കും; എങ്ങനെയന്നല്ലേ?അറിയാം….
Dubai RTA;ദുബായിലെ ഡ്രൈവിംഗ് ലൈസൻസുകളും വാഹന രജിസ്ട്രേഷൻ കാർഡുകളും ഇനി രണ്ട് മണിക്കൂറിനുള്ളിൽ ലഭിക്കും. ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റിയാണ് രണ്ട് മണിക്കൂർ ഡെലിവറി സേവനം വാഗ്ദാനം ചെയ്തത്. കൂടാതെ അബുദാബിയിലും ഷാർജയിലും ഒരേ ദിവസം ഡെലിവറി ചെയ്യാനും രണ്ട് ദിവസത്തിനുള്ളിൽ അന്താരാഷ്ട്ര എക്സ്പ്രസ് ഡെലിവറി ലഭ്യമാക്കാനുമാണ് പദ്ധതിയിടുന്നത്.ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റിയുടെ പുതിയ എക്സ്പ്രസ് ഡെലിവറി സേവനം പുത്തൻ ആശയങ്ങളിലേക്കാണ് വഴി തുറക്കുന്നത്. ദുബായിലെ ആളുകൾക്ക് അവരുടെ ഡ്രൈവിംഗ് ലൈസൻസോ വാഹന രജിസ്ട്രേഷൻ കാർഡോ വെറും രണ്ട് മണിക്കൂറിനുള്ളിൽ തന്നെ ലഭ്യമാക്കുക എന്നതാണ് ലക്ഷ്യമിടുന്നതും.
അബുദാബി, ഷാർജ എന്നിവിടങ്ങളിലെ ഉപഭോക്താക്കൾക്കും ഈ സേവനം ലഭ്യമാണ്. കൂടാതെ അതേ ദിവസം തന്നെ ലഭിക്കാനായുള്ള നാല് ഡെലിവറി ഓപ്ഷൻസുകളുമുണ്ട്. അതേസമയം ദുബായിൽ നിലവിലുള്ള ഡ്രൈവിംഗ് ലൈസൻസ്, വാഹന രജിസ്ട്രേഷൻ കാർഡുകൾ, ഓൺലൈൻ സർവീസുകൾ, തുടങ്ങിയ ഡോക്യുമെന്റുകൾ അന്താരാഷ്ട്ര ഷിപ്പിംഗ് വഴി വിദേശത്തുള്ളവർക്കും ലഭ്യമാകും എന്നതും കൂടുതൽ ഗുണകരമാണ്.
കൂടാതെ യുഎഇയിൽ ഡ്രൈവിംഗ് ലൈസൻസ് നേടാനുള്ള ഏറ്റവും എളുപ്പ മാർഗം ഗോൾഡൻ ചാൻസ് സ്കീം ആണ്. നിങ്ങൾ യോഗ്യതാ മാനദണ്ഡങ്ങൾ പാലിക്കുന്നുണ്ടെങ്കിൽ ഈ സ്കീം യോഗ്യരായ താമസക്കാർക്ക് ഡ്രൈവിംഗ് കോഴ്സ് കഴിഞ്ഞ് നേരിട്ട് റോഡ് ടെസ്റ്റിലേക്ക് പോകാൻ അനുവദിക്കുന്നു. ഇത് ഡ്രൈവിങ് ലൈസെൻസ് പെട്ടന്ന് ആവശ്യമുള്ളവർക്ക് കൂടുതൽ ഉപയോഗപ്രദമാണ്
ആർ‌ടി‌എയുടെ ഓൺലൈൻ ലൈസൻസിംഗ് സേവനങ്ങൾ ഉപയോഗിക്കുന്ന ഉപഭോക്താക്കൾക്ക് അവരുടെ രേഖകൾ എത്ര വേഗത്തിൽ ആവശ്യമാണെന്നതിനെ അടിസ്ഥാനപ്പെടുത്തി പ്രീമിയം മുതൽ അന്താരാഷ്ട്ര ഡെലിവറി വരെയുള്ള നാല് ഡെലിവറി ഓപ്ഷനുകളിൽ നിന്ന് നിന്ന് തിരഞ്ഞെടുക്കാമെന്ന് ആർ‌ടി‌എ വ്യക്തമാക്കിയിട്ടുണ്ട്. ഈ സേവനം ലാഭമാകുന്നതോടെ വൻ മാറ്റം തന്നെയാണ് ഡ്രൈവിങ് ലൈസൻസ് സംബന്ധിച്ച മേഖലകളിൽ ഉണ്ടാകാൻ പോകുന്നത്.
പ്രീമിയം , അതെ ദിവസം , സ്റ്റാൻഡേർഡ് , അന്തരാഷ്ട്ര സേവനം എന്നിങ്ങനെയാണ് തരാം തിരിച്ചത് ഇതിൽ പ്രീമിയം ദുബായിൽ മാത്രം ലഭ്യമാകുന്നതാണ്, ഇതിനായി 2 മണിക്കൂർ മാത്രം കാത്തിരുന്നാൽ മതി ആ സമയത്തിനുള്ളിൽ ഡ്രൈവിങ് ലൈസൻസ് ലഭ്യമാകാൻ സാധിക്കും. ഇതിനായി 50 ദിർഹം ആണ് ആവശ്യമായി വരിക.
അതേ ദിവസം തന്നെ ലഭിക്കുന്നത് വഴി അബുദാബി, ദുബായ്, ഷാർജ എന്നിവിടങ്ങളിലാണ് ഡെലിവറി ചെയ്യുക. അതേ ദിവസം തന്നെ അഞ്ച് മണിക്കൂറുകൾക്കുളിൽ തന്നെ ഡെലിവറി ചെയ്യാൻ ഇത് വഴി സാധിക്കും ഇതിനായി 35 ദിർഹം ആവശ്യമായി വരും. സ്റ്റാൻഡേർഡ് ആണെകിൽ ഇത് യുഎഇ മുഴുവൻ ലഭിക്കുന്ന സേവനമാണ്, ഇത് വഴി അടുത്ത ദിവസം തന്നെ ഡെലിവറി ചെയ്യും. 20 ദിർഹം മാണ് ചാർജായി ഈടാക്കുക.
അന്താരാഷ്ട്ര സേവനം ഇത് വഴി ലോകമെമ്പാടും ഡെലിവറി ചെയ്യാൻ സാധിക്കും ഇതിനായി 50 ദിർഹം ആണ് ആവശ്യമായി വരിക. അതേസമയം ഡ്രൈവിങ് ലൈസൻസിന്റെ രണ്ട് മണിക്കൂർ ഡെലിവറി സേവനത്തെക്കുറിച്ചും അതിന്റെ യോഗ്യതാ മാനദണ്ഡങ്ങളെക്കുറിച്ചും കൂടുതൽ അറിയാൻ നിങ്ങൾക്ക് ആർ‌ടി‌എയുടെ വെബ്‌സൈറ്റ് വഴിയോ ഉപഭോക്തൃ സേവന ചാനലുകൾ വഴിയോ ബന്ധപ്പെടാൻ സാധിക്കും
Comments (0)