PRAVASI NEWS DAILY

summer holiday destinations:ദുബായ്: ദുബായിൽ കൊടും ചൂട് തുടങ്ങി. ഒരോ ദിവസവും രാജ്യത്ത് താപനില കൂടി കൊണ്ടിരിക്കുകയാണ്. താപനില 40 ഡിഗ്രി സെൽഷ്യസിനു മുകളിൽ പോകാൻ സാധ്യതയുണ്ടെന്നാണ് ഇപ്പോൾ പുറത്തുവരുന്ന റിപ്പോർട്ട്. എന്നിരുന്നാലും ഈ സമയത്ത് ദുബായിൽ സന്ദർശിക്കാൻ ഒരുപാട് സ്ഥലങ്ങൾ ഉണ്ട്. സ്കീ ദുബായ്, IMG വേൾഡ്‌സ് ഓഫ് അഡ്വഞ്ചർ, ഗ്രീൻ പ്ലാനറ്റ്, കിഡ്‌സാനിയ, AYA ആയ, ദുബായ് പാർക്ക്‌സ് ആൻഡ് റിസോർട്‌സ്, ദുബായ് അക്വേറിയം ആൻഡ് അണ്ടർവാട്ടർ സൂ, ബൗൺസ്, വൈൽഡ് വാഡി, ദുബായ് ഹിൽസ് മാൾ എന്നിങ്ങനെ വിവിധ തരത്തിലുള്ള വിനോദ സ്ഥലങ്ങൾ ഇവിടെയുണ്ട്. എല്ലാ പ്രായക്കാർക്കും ആസ്വദിക്കാനാവുന്ന ഈ സ്ഥലങ്ങൾ വേനൽക്കാലത്തും തുറന്നു പ്രവർത്തിക്കും.

ചൂടിൽ വീടിനുള്ളിൽ ഒതുങ്ങിക്കൂടാതെ കുടുംബത്തോടൊപ്പം ആസ്വദിക്കാൻ നിങ്ങൾക്ക് ഈ സ്ഥലങ്ങൾ തെരഞ്ഞെടുക്കാം. വേനൽ കടുക്കുമ്പോൾ പലപ്പോഴും പല സ്ഥലങ്ങളും ദുബായ് അടച്ചിടും.

വേനൽകാലത്ത് തുറക്കുന്ന ദുബായിലെ സ്ഥലങ്ങളുടെ പ്രത്യേകതകൾ പരിചയപ്പെടാം

1. സ്കീ ദുബായ്: വേനൽക്കാലത്ത മഞ്ഞിൽ കളിക്കാൻ ആഗ്രഹമുണ്ടോ? എങ്കിൽ സ്കീ ദുബായിലേക്ക് പോകാം. ഇത് Mall of the Emirates-ൽ ആണ് സ്ഥിതി ചെയ്യുന്നത്. വർഷം മുഴുവനും ഇത് തുറന്നു പ്രവർത്തിക്കും. “തണുപ്പുള്ള കാലാവസ്ഥ സ്വപ്നം കാണുന്നവർക്ക് ഇവിടം സന്ദർശിക്കാം,” .

2. IMG വേൾഡ്‌സ് ഓഫ് അഡ്വഞ്ചർ: നിങ്ങളുടെ ഇഷ്ട കാർട്ടൂൺ കഥാപാത്രങ്ങളെ കണ്ടുമുട്ടാൻ ആഗ്രഹമുണ്ടോ? IMG വേൾഡ്‌സ് ഓഫ് അഡ്വഞ്ചർ പാർക്കിൽ എത്തിയാൽ നിങ്ങൾക്ക് അവരെ കാണാം. രസകരമായ റൈഡുകൾ ആസ്വദിക്കാനും ഇവിടെ സൗകര്യമുണ്ട്. IMG വേൾഡ്‌സ് ഓഫ് അഡ്വഞ്ചറിൽ എല്ലാ പ്രായക്കാർക്കും ആസ്വദിക്കാവുന്ന റൈഡുകളുണ്ട്. മാത്രമല്ല പേടി തോന്നുന്ന സ്ഥലങ്ങളും ഇവിടെയുണ്ട്.

3. ഗ്രീൻ പ്ലാനറ്റ്:പ്രകൃതിയെ സ്നേഹിക്കുന്നവർക്ക് ഗ്രീൻ പ്ലാനറ്റ് സന്ദർശിക്കാം. ദുബായ് സിറ്റി വാകിലാണ് ഇത് സ്ഥിതി ചെയ്യുന്നത്. ഇതൊരു ഉഷ്ണമേഖലാ മഴക്കാടുകളുടെ മാതൃകയാണ്. 3,000-ൽ അധികം ഇനം സസ്യങ്ങൾ, പക്ഷികൾ, ഉരഗങ്ങൾ, മൃഗങ്ങൾ എന്നിവ ഇവിടെയുണ്ട്. ലോകത്തിലെ ഏറ്റവും വലിയ മനുഷ്യനിർമ്മിതവും സ്വയം സുസ്ഥിരവുമായ മരം ഇവിടെയുണ്ട്. കുട്ടികളെ കൊണ്ട് പോകുന്നവർക്ക് ഇതൊരു നല്ല പഠനാനുഭവമായിരിക്കും.

4. കിഡ്‌സാനിയ:വേനൽ അവധിക്കാലത്ത് കുട്ടികൾക്ക് രസകരവും വിജ്ഞാനപ്രദവുമായ ഒരനുഭവം വേണമെങ്കിൽ കിഡ്‌സാനിയ തിരഞ്ഞെടുക്കാം. ദുബായ് മാളിലാണ് ഈ ഇൻഡോർ വേദി സ്ഥിതി ചെയ്യുന്നത്. ഇത് വർഷം മുഴുവനും തുറന്നു പ്രവർത്തിക്കും. കുട്ടികൾക്ക് അവരുടെ ഭാവിയെക്കുറിച്ച് സ്വപ്നം കാണാനും പഠിക്കാനുമുള്ള ഒരിടം കൂടിയാണിത്.

5. AYA:നിങ്ങളുടെ Instagram പേജ് മനോഹരമാക്കാൻ AYA സഹായിക്കും. വാഫി Mall-ലാണ് ഇത് സ്ഥിതി ചെയ്യുന്നത്. ഇവിടെ ഹൈടെക് ലൈറ്റുകളും ഗ്രാഫിക്സുമുണ്ട്. 12 വ്യത്യസ്ത മേഖലകളിലാണ് ഒരുക്കിയിരിക്കുന്നത്. ഓരോന്നിനും ഓരോ കഥകളാണ് പറയാനുള്ളത്.

6. ദുബായ് പാർക്ക്‌സ് ആൻഡ് റിസോർട്‌സ്:മോഷൻഗേറ്റ്, ലെഗോ ലാൻഡ്, Lego land Water Park എന്നിവയുൾപ്പെടെ മികച്ച Theme പാർക്കുകൾ ഇവിടെയുണ്ട്. Lego കട്ടകൾ കൊണ്ടുള്ള രൂപങ്ങളും, ആവേശകരമായ Water റൈഡുകളും ഇവിടെയുണ്ട്.

7. ദുബായ് അക്വേറിയം ആൻഡ് അണ്ടർവാട്ടർ സൂ:ദുബായ് മാളിലാണ് ഇത് സ്ഥിതി ചെയ്യുന്നത്. സന്ദർശകർക്ക് ഗ്ലാസ്സിലൂടെ അക്വേറിയത്തിലെ കാഴ്ചകൾ കാണാം. 300-ൽ അധികം സ്രാവുകളെയും സ്റ്റിംഗ് റേ-കളെയും ഇവിടെ കാണാം. കടലിനെ സ്നേഹിക്കുന്നവർക്ക് ടണലിലൂടെ നടക്കാം. അടുത്തുള്ള കാഴ്ചകൾ കാണാനും, വെള്ളത്തിനടിയിൽ ഇറങ്ങാനും സൗകര്യമുണ്ട്.
8. ബൗൺസ്:ചൂടത്ത് പുറത്തിറങ്ങാൻ മടിയാണോ? വ്യായാമം മുടങ്ങാതിരിക്കാൻ ബൗൺസിൽ പോകാം. ഇവിടെ ചാടാനും, മറിയാനും സാധിക്കും. സ്ലാം ഡങ്ക്, ഡോഡ്ജ്ബോൾ, Zip Line തുടങ്ങിയ വിവിധ റെെഡുകളും ഇവിടെയുണ്ട്.
9. വൈൽഡ് വാഡി:Burj Al Arab-ന് അടുത്തുള്ള ജുമൈറ-ലാണ് വൈൽഡ് വാഡി സ്ഥിതി ചെയ്യുന്നത്. ചൂടിനെ മറികടക്കാൻ ഇത് സഹായിക്കും. ഇവിടെ 30-ൽ അധികം റൈഡുകളുണ്ട്. കൂടാതെ ഭക്ഷണം കഴിക്കാനുള്ള സൗകര്യവുമുണ്ട്.
10. ദുബായ് ഹിൽസ് മാൾ:ദുബായ് ഹിൽസ് മാളിൽ സാഹസികമായ റൈഡുകളുണ്ട്. “കുട്ടികൾക്കായി Adventure Park ഇവിടെയുണ്ട്. കൂടാതെ rock climbing, slide തുടങ്ങിയ 11 കളിസ്ഥലങ്ങൾ ഇവിടെയുണ്ട്. വേനൽ കാലത്ത് അവധികാലം കളൾഫുൾ ആക്കാൻ ഈ സ്ഥലങ്ങൾ തെരഞ്ഞെടുക്കാം.

Malayalam voice typing;ടൈപ്പ് ചെയ്ത് ബുദ്ധിമുട്ടേണ്ട… ഇനി പറഞ്ഞാൽ മതി ഇവൻ ടൈപ്പ് ചെയ്യും, അതും മലയാളത്തിൽ എങ്ങനെയെന്നല്ലേ? അറിയാം

യുഎഇയില്‍ പുതിയ ഇന്‍റർസിറ്റി ബസ് സർവീസ് പ്രഖ്യാപിച്ചു; സയമക്രമം ഇപ്രകാരം