dubai -sharjaha services:ദുബായിൽ നിന്ന് ഷാർജയിലേക്ക് ഇനി കുറഞ്ഞ ചെലവിൽ യാത്ര ചെയ്യാം; എങ്ങനെ എന്നല്ലേ? ഇതാ പുതിയ വഴികൾ
dubai- sharjaha service:ദുബായ്: ദുബായിൽ നിന്ന് ഷാർജയിലേക്കും തിരിച്ചുമുള്ള യാത്ര ദുബായ്, ഷാർജ എമിറേറ്റുകളിലെ താമസക്കാർക്കും ജോലി ചെയ്യുന്നവർക്കും ഒരു പ്രധാന കാര്യമാണ്. ഈ രണ്ട് എമിറേറ്റുകളും തമ്മിലുള്ള ദൈനംദിന യാത്രയ്ക്ക് പലതരം പൊതുഗതാഗത മാർഗ്ഗങ്ങൾ ലഭ്യമാണ്. ദുബായിൽ നിന്ന് ഷാർജയിലേക്ക് യാത്ര ചെയ്യുന്നവർക്ക് കുറഞ്ഞ ചെലവിൽ ബസ്, ഫെറി തുടങ്ങിയ പൊതുഗതാഗത മാർഗ്ഗങ്ങൾ ഉപയോഗിക്കാം.സ്വന്തമായി വാഹനമില്ലാത്തവർക്കും, ടാക്സി ഉപയോഗിക്കാൻ മടിയുള്ളവർക്കും ഇത് വളരെ ഉപകാരപ്രദമാണ്. ആർടിഎയുടെ ബസുകളും, ഫെറി സർവീസുകളും ഷാർജയുടെ പ്രധാന സ്ഥലങ്ങളിലേക്ക് എളുപ്പത്തിൽ എത്തിച്ചേരാൻ നിങ്ങളെ സഹായിക്കുന്നു.
ദുബായ്-ഷാർജ യാത്രക്ക് നിരവധി ബസ് റൂട്ടുകൾ ആർടിഎ ഒരുക്കിയിട്ടുണ്ട്. മേയ് മാസത്തിൽ പുതിയ ബസ് സർവീസ് E308 സ്റ്റേഡിയം ബസ് സ്റ്റേഷനിൽ നിന്ന് ഷാർജയിലെ ജുബൈൽ ബസ് സ്റ്റേഷനിലേക്ക് ആരംഭിച്ചു. ഈ ബസുകളിലെല്ലാം ഒരു യാത്രക്ക് 12 ദിർഹമാണ് ചാർജ് ഈടാക്കുന്നത്. സാധാരണയായി രാവിലെ 4 മണി മുതൽ അടുത്ത ദിവസം പുലർച്ചെ 1 മണി വരെ ബസുകൾ ലഭ്യമാണ്. കൃത്യമായ സമയം അറിയാൻ ആർടിഎയുടെ S’hail ആപ്പ് ഉപയോഗിക്കാം. ഗൂഗിൾ മാപ്‌സ് വഴിയും സമയം കണ്ടെത്താൻ സാധിക്കും.
ഷാർജയിൽ നിന്ന് ദുബായിലേക്ക് ഷാർജ് RTAയുടെ ബസുകളും ലഭ്യമാണ്. അൽ ജുബൈൽ, അൽ റോള്ള ടെർമിനൽ, അൽ മുവൈല എന്നിവിടങ്ങളിൽ നിന്നാണ് പ്രധാനമായും ബസുകൾ പുറപ്പെടുന്നത്. ദുബായിൽ നിന്ന് ഷാർജയിലേക്ക് കാർ, ബസ് അല്ലാതെയുള്ള ഫെറി സർവീസ് RTA ആരംഭിക്കുന്നത് 2023 മുതൽ ആരംഭിച്ചു. ഏകദേശം 35 മിനിറ്റ് ആണ് യാത്രാ സമയം.
ഫെറിയിലെ ടിക്കറ്റ് നിരക്കുകൾ:- Regular ടിക്കറ്റ്: 15 ദിർഹം
– Gold Class Cabin: 25 ദിർഹം
– 5 വയസ്സിൽ താഴെയുള്ള കുട്ടികൾക്ക് സൗജന്യമാണ്.
ഫെറിയുടെ സമയം: തിങ്കൾ മുതൽ വ്യാഴം വർ സർവീസ് ഉണ്ടായിരിക്കും.
– ഷാർജ അക്വേറിയം സ്റ്റേഷനിൽ നിന്ന്: രാവിലെ 7am, 8:30am, ഉച്ചയ്ക്ക് 1pm, വൈകുന്നേരം 4:45pm, 6:15pm
– അൽ ഗുബൈബ സ്റ്റേഷനിൽ നിന്ന്: രാവിലെ 7:45am, ഉച്ചയ്ക്ക് 12pm, വൈകുന്നേരം 4pm, 5:30pm, 7pm
വെള്ളി , ശനി, ഞായർ ദിവസങ്ങളിൽ ഫെറി സർവീസ് സമയത്തിൽ വിത്യാസം ഉണ്ട്.
– ഷാർജ അക്വേറിയം സ്റ്റേഷനിൽ നിന്ന്: ഉച്ചയ്ക്ക് 2pm, വൈകുന്നേരം 4pm, 6pm, രാത്രി 9pm
– അൽ ഗുബൈബ സ്റ്റേഷനിൽ നിന്ന്: ഉച്ചയ്ക്ക് 3pm, വൈകുന്നേരം 5pm, രാത്രി 8pm, 10pm
ടിക്കറ്റുകൾ ഓൺലൈനിൽ ബുക്ക് ചെയ്യാവുന്നതാണ്. RTAയുടെ marine transport website – rta.marine.ae വഴി ടിക്കറ്റ് ബുക്ക് ചെയ്യാം. ബുക്ക് ചെയ്ത ശേഷം QR code ലഭിക്കും. ഇത് ഗേറ്റിൽ കാണിച്ചാൽ മതി. നിങ്ങൾക്ക് യാത്ര ചെയ്യാം. ഷാർജയിൽ താമസിക്കുന്ന പലരും ദുബായിൽ വന്ന് ജോലി ചെയ്യുന്നവർ ആണ്. ദുബായ്-ഷാർജ യാത്രാമാർഗ്ഗങ്ങൾ തിരഞ്ഞെടുക്കുമ്പോൾ, തിരക്കേറിയ സമയങ്ങളിൽ റോഡുകളിലെ തിരക്ക് ഒരു പ്രധാന ഘടകമാണ്. എന്നിരുന്നാലും, പൊതുഗതാഗത മാർഗ്ഗങ്ങൾ ഉപയോഗിച്ച്, യാത്രാ സമയം കുറയ്ക്കാനും ചെലവ് നിയന്ത്രിക്കാനും സാധിക്കും. ദുബായിൽ ജോലിയുള്ളവരും എന്നാൽ ഷാർജയിൽ താമസിക്കുന്നവരുമായ നിരവധി പ്രവാസികൾ എല്ലാ ദിവസവും ഈ രണ്ട് എമിറേറ്റുകൾക്കിടയിൽ യാത്ര ചെയ്യാറുണ്ട്. ദുബായിലെ ഉയർന്ന ജീവിതച്ചെലവ് കാരണം, കുറഞ്ഞ വാടകയും സൗകര്യപ്രദമായ ജീവിത സാഹചര്യങ്ങളുമുള്ള ഷാർജയിൽ താമസിക്കാൻ പല പ്രവാസികളും താൽപ്പര്യപ്പെടുന്നു. ഇത് ദുബായ്-ഷാർജ റൂട്ടിലെ യാത്രാ തിരക്ക് വർദ്ധിപ്പിക്കുന്നു. രാവിലെയും വൈകുന്നേരവും ഈ റൂട്ടുകളിൽ കനത്ത ഗതാഗതക്കുരുക്ക് അനുഭവപ്പെടുന്നത് ഒരു സാധാരണ കാഴ്ചയാണ്.
Comments (0)