Eid offer in uae:ഈ ബലിപ്പെരുന്നാൾ ആഘോഷമാക്കാം അടച്ചുപൊളിക്കാം!!!യുഎഇയിലെങ്ങും വൻ ഓഫറുകൾ, ഡിസ്കൗണ്ടുകളുടെ പെരുമഴ
Eid offer in uae:ദുബായ്: ഈദ് അൽ അദ്ഹ പ്രമാണിച്ച് ജൂൺ 5 മുതൽ 8 വരെ ദുബായിൽ പൊതു പാർക്കിംഗ് സൗജന്യമായിരിക്കുമെന്ന് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി അറിയിച്ചു. അതേസമയം മൾട്ടി ലെവൽ പാർക്കിംഗ് ടെർമിനലുകളിൽ പണം ഈടാക്കും. ദുബായ് മെട്രോയുടെയും ട്രാം, ബസ് സർവീസുകളുടെയും സമയക്രമങ്ങളിലും മാറ്റങ്ങളുണ്ട്. എല്ലാ ഹോളിഡേ സമയങ്ങളിലും ഇത്തരത്തിലുള്ള ഓഫറുകൾ അധികൃതർ പ്രഖ്യാപിക്കാർ ഉണ്ട്.ഈദ് അൽ അദ്ഹ ആഘോഷത്തോടനുബന്ധിച്ച് ദുബായിലെ പൊതുജനങ്ങൾക്കുള്ള പാർക്കിംഗ്, മെട്രോ, ബസ് സമയക്രമങ്ങൾ എന്നിവ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) പ്രഖ്യാപിച്ചു. ജൂൺ 5 മുതൽ 8 വരെ പൊതു പാർക്കിംഗ് സൗജന്യമായിരിക്കുമെന്നും മൾട്ടി ലെവൽ പാർക്കിംഗ് ടെർമിനലുകളിൽ സാധാരണപോലെ പണം ഈടാക്കുമെന്നും ആർടിഎ അറിയിച്ചു.
ദുബായ് മെട്രോ ബുധനാഴ്ച, ജൂൺ 4 മുതൽ ശനിയാഴ്ച, ജൂൺ 7 വരെ രാവിലെ 5 മുതൽ പുലർച്ചെ 1 വരെ (അടുത്ത ദിവസം) പ്രവർത്തിക്കും. ദുബായ് ട്രാം ജൂൺ 4 മുതൽ ജൂൺ 7 വരെ രാവിലെ 6 മുതൽ പുലർച്ചെ 1 വരെ (അടുത്ത ദിവസം) സർവീസ് നടത്തും. ഏറ്റവും പുതിയ ബസ് സമയക്രമം അറിയാൻ യാത്രക്കാർ S’hail ആപ്പ് പരിശോധിക്കണമെന്ന് അധികൃതർ അറിയിച്ചു. ചില ബസുകൾ താൽക്കാലികമായി സർവീസ് നടത്തില്ല.
ജൂൺ 4 മുതൽ 8 വരെ അൽ ഗുബൈബ ബസ് സ്റ്റേഷനിൽ നിന്ന് E100 ബസ് റൂട്ട് പ്രവർത്തിക്കില്ല. ഈ സമയത്ത് അബുദാബിയിലേക്ക് പോകാൻ ഇബ്ൻ ബത്തൂത്ത ബസ് സ്റ്റേഷനിൽ നിന്ന് E101 ഉപയോഗിക്കാവുന്നതാണ്. അൽ ജാഫിലിയ ബസ് സ്റ്റേഷനിൽ നിന്ന് സായിദ് അന്താരാഷ്ട്ര വിമാനത്താവളത്തിലേക്ക് E102 ബസ് റൂട്ട് ഇബ്ൻ ബത്തൂത്ത ബസ് സ്റ്റേഷൻ, മുസ്സഫ വഴി കടന്നുപോകാതെ നേരിട്ട് സർവീസ് നടത്തും.
ആർടിഎ കസ്റ്റമർ ഹാപ്പിനെസ് സെന്ററുകളും ഈദ് അൽ അദ്ഹ അവധിക്കാലത്ത് അടച്ചിരിക്കും. എന്നാൽ ഉം റമൂൽ, ദേര, അൽ ബർഷ, ആർടിഎ ആസ്ഥാനം എന്നിവിടങ്ങളിലെ സ്മാർട്ട് കസ്റ്റമർ ഹാപ്പിനെസ് സെന്ററുകൾ 24 മണിക്കൂറും പ്രവർത്തിക്കും. ജൂൺ 5 മുതൽ 7 വരെ സർവീസ് പ്രൊവൈഡർ സെന്ററുകൾ അടച്ചിരിക്കും. താഴെ പറയുന്ന കേന്ദ്രങ്ങളിൽ ജൂൺ 8 ന് ടെക്നിക്കൽ ടെസ്റ്റിംഗ് സർവീസുകൾ പുനരാരംഭിക്കും. എല്ലാ സേവനങ്ങളും, ഇടപാട് പ്രോസസ്സിംഗ്, ടെക്നിക്കൽ ടെസ്റ്റിംഗ് എന്നിവ ഉൾപ്പെടെ ജൂൺ 9, 2025 മുതൽ എല്ലാ കേന്ദ്രങ്ങളിലും പുനരാരംഭിക്കും.
Comments (0)