PRAVASI NEWS DAILY

Uae credit card bill: യുഎഇ: യുഎഇയിലെ മിക്ക താമസക്കാരും നിലവിൽ നേരിടുന്ന പ്രശ്നമാണ് ക്രെഡിറ്റ് കാർഡ് ബില്ലുകളിലുണ്ടാക്കുന്ന വർധനവ്. ഉയർന്ന ജീവിതച്ചെലവുകളും സാമ്പത്തിക അനിശ്ചിതത്വങ്ങളും കാരണം ക്രെഡിറ്റ് കാർഡ് ഉപയോഗം കൂടുന്നത് ഒരു സാധാരണയാണ്. എന്നാൽ എന്തുകൊണ്ടാണ് ക്രെഡിറ്റ് കാർഡ് ബില്ലുകൾ ഇത്ര വേഗം വർധിക്കുന്നത്? എന്നാൽ ഇതിന് പിന്നിൽ പല കാരണങ്ങളുണ്ട്. ജീവിതച്ചെലവുകളിലെ വർധനവ്, ഉയർന്ന പലിശ നിരക്കുകൾ, അശ്രദ്ധമായ ഉപയോഗം എന്നിവയെല്ലാം പ്രധാന പങ്ക് വഹിക്കുന്നു എന്നാണ് വിദഗ്ദ്ധർ വ്യക്തമാക്കുന്നത്. കൂടാതെ യുഎഇയിൽ വർധിച്ചുവരുന്ന ജീവിതച്ചെലവുകൾ പല കുടുംബങ്ങളുടെയും പ്രതിമാസ ബജറ്റിനെ കാര്യമായി ബാധിക്കുന്നതായി നേരത്തെ ചില റിപ്പോർട്ടുകളിൽ വ്യക്തമാക്കുകയും ചെയ്തിരുന്നു.പലചരക്ക് സാധനങ്ങൾ, ഇന്ധനം, യൂട്ടിലിറ്റി ബില്ലുകൾ, സ്കൂൾ ഫീസ് തുടങ്ങിയ ദൈനംദിന ആവശ്യങ്ങൾക്കുള്ള ചെലവുകൾക്ക് പോലും പണം തികയാതെ വരുമ്പോൾ പല ആളുകളും ക്രെഡിറ്റ് കാർഡുകളെയാണ് ആശ്രയിക്കുന്നത്. അതിനാൽ തന്നെ ക്രെഡിറ് കാർഡ് ബില്ലുകൾ വർധിക്കാൻ ഇത് ഒരു പ്രധാന കാരണമായി എന്നാണ് വിദ്ഗധരുടെ അഭിപ്രായം.

വരുമാനത്തിൽ ഒരു കുറവുണ്ടാകുമ്പോൾ ആ വിടവ് പലപ്പോഴും കാർഡ് ഉപയോഗിച്ച് കൊണ്ട് നികത്തപ്പെടുന്നു. എന്നാൽ ഈ ചെറിയ ചാർജുകൾ പെട്ടെന്ന് തന്നെ വലിയൊരു തുകയായി മാറാനും സാധ്യതയുണ്ട്. ഇതാണ് പലപ്പോഴും പ്രശ്നങ്ങൾ സൃഷ്ടിക്കുന്നതും. കൂടാതെ ഇത് സാധാരണക്കാരനിൽ മാത്രമല്ല സ്ഥിരതയുള്ള ഒരു സമ്പദ്‌വ്യവസ്ഥയിൽ പോലും ഇത് സംഭവിക്കുന്നതയാണ് വിദഗ്‌ദ്ധർ വ്യക്തമാകുന്നത്.

പലചരക്ക് സാധനങ്ങൾക്ക് പ്രതിമാസം ഏതാനും നൂറ് ദിർഹം അധികമായി ക്രെഡിറ്റ് കാർഡ് വഴി ചെലവഴിക്കുന്നത് വലിയ കാര്യമായി തോന്നില്ല. എന്നാൽ കുറച്ച് മാസങ്ങൾക്കുള്ളിൽ ആ റോളിംഗ് ബാലൻസുകൾ വളരുകയും വലിയൊരു തുകയായി മാറുകയും ചെയ്യാം. കൂടാതെ ബാലൻസ് കൈവശം വയ്ക്കുമ്പോൾ, പലിശ കുമിഞ്ഞുകൂടാൻ തുടങ്ങും. കാരണം യുഎഇയിലെ മിക്ക ക്രെഡിറ്റ് കാർഡുകളും പ്രതിമാസം 2.99% മുതൽ 3.25% വരെ പലിശ നിരക്കാണ് ഈടാക്കുന്നത്. ചില സന്ദർഭങ്ങളിൽ ഇത് പ്രതിവർഷം 40% ൽ കൂടുതലായിരിക്കും. അതിനാൽ നിങ്ങൾ 1,000 ദിർഹം സ്വൈപ്പ് ചെയ്‌ത് വേഗം തന്നെ തിരിച്ചടച്ചില്ലെങ്കിൽ കാലക്രമേണ അധികം സാധനങ്ങൾ വാങ്ങിക്കുന്നിലെങ്കിലും 1,400 ദിർഹമോ അതിൽ കൂടുതലോ ചെലവഴിക്കേണ്ടി വന്നേക്കാം.

കൂടാതെ അത്യാവശ്യ ചെലവുകൾക്കായി കാർഡിനെ ആശ്രയിക്കുകയാണെങ്കിൽ നിങ്ങളുടെ ഏറ്റവും കുറഞ്ഞ പേയ്‌മെന്റുകൾ വർധിക്കും ഇത് നിങ്ങൾ ഇതിനകം കടപ്പെട്ടിരിക്കുന്നത് വീട്ടുന്നത് ബുദ്ധിമുട്ടാക്കും. സ്കൂൾ ചെലവുകൾ, വേനൽക്കാലത്തെ ഊർജ്ജ ബില്ലുകൾ, പെട്ടെന്നുള്ള മെഡിക്കൽ ചെലവുകൾ തുടങ്ങിയ ദൈനംദിന ചെലവുകളിലെ ചെറിയ വർധനവ് പോലും സാമ്പത്തിക ദിനചര്യയെ തകിടം മറിച്ചേക്കാം. ഇത്തരം പ്രശ്നങ്ങൾ വന്നാൽ സാധാരണയായി ബാലൻസ് പൂർണ്ണമായും അടച്ചുതീർക്കുന്ന താമസക്കാർ കൂടുതൽ സമയം ബാലൻസ് കൊണ്ടുനടക്കാൻ തുടങ്ങിയേക്കാം, ഇത് പ്രതീക്ഷിച്ചതിലും വേഗത്തിൽ കടം വർധിക്കുന്നതിന് കാരണമാകും.

നിങ്ങളുടെ കാർഡ് ബാലൻസ് വർധിക്കുന്നതിനനുസരിച്ച് പ്രതിമാസ പലിശ നിരക്കും വർധിക്കുന്നു. അതായത് നിങ്ങളുടെ ഭാവി പേയ്‌മെന്റുകളിൽ ഭൂരിഭാഗവും മുതലിലേക്കല്ല പലിശയിലേക്കാണ് പോകുന്നത്. വർധിച്ചുവരുന്ന ചെലവുകൾ കൈകാര്യം ചെയ്യാൻ നിങ്ങൾ നിങ്ങളുടെ കാർഡ് ഉപയോഗിക്കുകയും തുടർന്ന് ആ കടം വീട്ടുന്നതിനായി കൂടുതൽ ചെലവഴിക്കുകയും ചെയ്യുന്നു. പക്ഷെ കാലക്രമേണ ഇത് നിങ്ങളുടെ സമ്പാദ്യം, പുതിയ ക്രെഡിറ്റിന് യോഗ്യത നേടാനുള്ള കഴിവ് എന്നിവയെ ചുരുക്കിയേക്കാമെന്നും വിദഗ്ദ്ധർ വ്യക്തമാക്കി.

കൂടാതെ ഇത്തരം പ്രവണതകൾ നിയന്ത്രിക്കാൻ 30 ദിവസത്തെ ചെലവുകൾ ട്രാക്ക് ചെയ്യാം ശേഷം മുഴുവൻ തിരിച്ചടവിനും മുൻഗണന നൽകുക, കൂടാതെ ക്രെഡിറ്റ് കാർഡുകൾ എടുക്കുമ്പോൾ കുറഞ്ഞ നിരക്കിലുള്ള കാർഡുകൾ തെരഞ്ഞെടുക്കുക. അവശ്യവസ്തുക്കൾക്ക് ഡെബിറ്റിലേക്ക് മാറുക, സ്ഥിര നിരക്കിലുള്ള വ്യക്തിഗത വായ്പകൾ ഉപയോഗിക്കുക തുടങ്ങിയ കാര്യങ്ങൾ ശ്രദ്ധിച്ചാൽ ക്രെഡിറ്റ് കാർഡ് ബില്ലുകൾ വാര്ഡകുന്നത് തടയാൻ സാധിക്കും.