uae rent:വാടക കൂടുതലാണോ? ഇനി നോ ടെൻഷൻ!! ഇതാ ദുബായിലെ ഈ പ്രദേശങ്ങളിൽ താമസക്കാർക്ക് ഇനി കുറഞ്ഞ ചിലവ്
Uae rent:യുഎഇയിലെ വാടക നിരക്ക് വർദ്ധനവ് കാണിക്കുന്നുണ്ടെങ്കിലും, ചില പ്രദേശങ്ങളിൽ ഈ വർദ്ധനവിന്റെ വേഗത ഇപ്പോൾ കുറയുന്നുണ്ട്. ജനസംഖ്യ വർധിച്ചപ്പോഴും, കൊവിഡ് മഹാമാരിക്ക് ശേഷം നിരവധി പേർ രാജ്യം വിട്ട സമയത്തും ആണ് വലിയ രീതിയിൽ വാടക യുഎഇയിൽ ഉയർന്നത്. എന്നാൽ ഇപ്പോൾ മൊത്തത്തിൽ വാടകയുടെ വർധനവ് കുറഞ്ഞുവരികയാണ്. പുതിയ കെട്ടിടങ്ങൾ വന്നതാണ് വാടക കുറയാൻ കാരണം എന്നാണ് റിയൽ എസ്റ്റേറ്റ് രംഗത്തെ വിദഗ്ധർ പറയുന്നത്.ദുബായിൽ വാടക കുറയാൻ പല കാരണങ്ങളുണ്ട്. പുതിയ സ്മാർട്ട് റെന്റൽ ഇൻഡെക്സ് വാടക കുറയ്ക്കാൻ ഉടമകളെ പ്രേരിപ്പിക്കുന്നു. കൂടുതൽ കെട്ടിടങ്ങൾ വരുന്നതോടെ വാടകയ്ക്ക് കൂടുതൽ സ്ഥലങ്ങൾ ലഭ്യമാകും.ദുബായിലെ ഏറ്റവും വലിയ റിയൽ എസ്റ്റേറ്റ് കമ്പനി ഉടമയായ ലൂയിസ് ഓൾസോപ്പ് വാടക കുറയുന്നതിനെ കുറിച്ച് ഇങ്ങനെ പറഞ്ഞു. വാടക വിപണിയിൽ വലിയ മാറ്റം ആണ് വരാൻ പോകുന്നത്. കണക്കുകൾ പ്രകാരം വാടകയിൽ 8% കുറവുണ്ടായിട്ടുണ്ട്.
അപ്പാർട്ട്മെന്റുകളുടെ വാടകയിൽ മുൻ വർഷത്തെ അപേക്ഷിച്ച് 9% കുറവുണ്ടായി. ഇത് വിപണിയിൽ ഒരു മാറ്റം വരുത്തുമെന്നും വാടകക്കാർക്കും ഉടമകൾക്കും ഒരുപോലെ ഗുണകരമാകുമെന്നും എന്ന് അദ്ദേഹം പറഞ്ഞു. ഖലീജ് ടെെംസിന് നൽകിയ അഭിമുഖത്തിലാണ് അദ്ദേഹം തന്റെ നിലപാട് വ്യക്തമാക്കിയിരിക്കുന്നത്.
എല്ലാ സ്ഥലങ്ങളിലും വാടക കുറയുന്നില്ല. പാം ജുമൈറ, ഡൗൺടൗൺ ദുബായ്, ദുബായ് ഹിൽസ് എസ്റ്റേറ്റ്, തുടങ്ങിയ പ്രധാന സ്ഥലങ്ങളിൽ വാടക കൂടുകയാണ് ചെയ്യുന്നത്. ആഢംബര വീടുകൾക്ക് ആവശ്യക്കാർ ഈ സ്ഥലങ്ങളിൽ കൂടുതലാണ്. എന്നാൽ ജുമൈറ വില്ലേജ് സർക്കിൾ, ദുബായ് സ്പോർട്സ് സിറ്റി, ഡിസ്കവറി ഗാർഡൻസ് തുടങ്ങിയ സ്ഥലങ്ങളിൽ വാടക കുറഞ്ഞുവരുന്നുണ്ട്.
പുതിയ വീടുകൾ കൂടുതലായി വരുന്ന ദുബായ് ക്രീക്ക് ഹാർബർ, മുഹമ്മദ് ബിൻ റാഷിദ് സിറ്റി, ദുബായ് ലാൻഡ് എന്നിവിടങ്ങളിൽ വാടക കുറയാൻ സാധ്യതയുണ്ടെന്നാണ് നിരീക്ഷകരുടെ അഭിപ്രായം. വാടകയ്ക്ക് കെട്ടിടങ്ങൾ നൽകുന്നതിൽ മത്സരിക്കുന്ന സ്ഥലങ്ങളാണ് ഈ പ്രദേശം മുഴുവൻ. ഇവിടെ മത്സരം കൂടുമ്പോൾ വാടക കുറയും. വാടക കുറയ്ക്കാത്തവർക്ക് വാടകക്കാർ ഇല്ലാതെ വരും. പുതിയ കെട്ടിടങ്ങൾ വരുന്ന സ്ഥലങ്ങളിൽ വാടകയിൽ മാറ്റങ്ങൾ വരാൻ സാധ്യതയുണ്ട്. എന്നാൽ എല്ലാ സ്ഥലങ്ങളിലും വാടക കുറയില്ല. ദുബായിയുടെ സാമ്പത്തിക സ്ഥിരതയും ജനസംഖ്യാ വളർച്ചയും ഇതിൽ ഒരു പ്രധാന ഘടകം ആയിരിക്കും.
യുഎഇയിൽ വാടകയുമായി ബന്ധപ്പെട്ട് Real Estate Regulatory Agency നിയമങ്ങൾ നിലവിലുണ്ട്. വാടക വർദ്ധിപ്പിക്കുന്നതിന് ഇവരുടെ നിബന്ധനകൾ പാലിക്കേണ്ടതുണ്ട്. വാടക കരാറുകൾ കൃത്യമായി രേഖപ്പെടുത്തുകയും ഇരു കക്ഷികളും അവയുടെ നിബന്ധനകൾ പാലിക്കുകയും ചെയ്യേണ്ടത് പ്രധാനമാണ്. ദുബായിൽ വാടകയ്ക്ക് വീടോ ഫ്ലാറ്റോ എടുക്കുമ്പോൾ അതാത് പ്രദേശങ്ങളിലെ നിലവിലെ വാടക നിരക്കുകൾ താരതമ്യം നടത്തുന്നത് നല്ലതായിരിക്കും. വാടക കരാർ ശ്രദ്ധാപൂർവ്വം വായിച്ച് മനസിലാക്കണം
യുഎഇയിലെ വാടക വിപണി പ്രവാസികളെ സംബന്ധിച്ചിടത്തോളം ഒരു പ്രധാന വിഷയമാണ്. വർദ്ധിച്ചു വരുന്ന വാടക നിരക്കുകൾ പരിഗണിച്ച് താമസ ബഡ്ജറ്റ് ആസൂത്രണം ചെയ്യുകയാണ് പതിവ്, വാടക കുറയുന്ന സ്ഥലങ്ങൾ കണ്ടെത്തി പലരും താമസം മാറും. വാടക കുറയുന്നു എന്ന വാർത്ത കൂടുതൽ ആശ്വാസം നൽകുന്നത് പ്രവാസികൾക്ക് തന്നെയായിരിക്കും. വാടക വിപണിയിലെ മാറ്റങ്ങൾ പ്രവാസികളുടെ ജീവിതച്ചെലവിൽ കാര്യമായ സ്വാധീനം ചെലുത്തുന്നതിനാൽ, പുതിയ നിയമങ്ങളെയും പ്രവണതകളെയും കുറിച്ച് ബോധവാന്മാരായിരിക്കുന്നത് വളരെ പ്രധാനമാണ്.
യുഎഇയിലെ വാടക വിപണി പ്രവാസികളെ സംബന്ധിച്ചിടത്തോളം ഒരു പ്രധാന വിഷയമാണ്. വർദ്ധിച്ചു വരുന്ന വാടക നിരക്കുകൾ പരിഗണിച്ച് താമസ ബഡ്ജറ്റ് ആസൂത്രണം ചെയ്യുകയാണ് പതിവ്, വാടക കുറയുന്ന സ്ഥലങ്ങൾ കണ്ടെത്തി പലരും താമസം മാറും. വാടക കുറയുന്നു എന്ന വാർത്ത കൂടുതൽ ആശ്വാസം നൽകുന്നത് പ്രവാസികൾക്ക് തന്നെയായിരിക്കും. വാടക വിപണിയിലെ മാറ്റങ്ങൾ പ്രവാസികളുടെ ജീവിതച്ചെലവിൽ കാര്യമായ സ്വാധീനം ചെലുത്തുന്നതിനാൽ, പുതിയ നിയമങ്ങളെയും പ്രവണതകളെയും കുറിച്ച് ബോധവാന്മാരായിരിക്കുന്നത് വളരെ പ്രധാനമാണ്.
Comments (0)