Earn Extra Income For Expats In Uae;പ്രവാസികളെ അറിഞ്ഞിരുന്നോ?യുഎഇയിൽ അധിക വരുമാനം നേടാൻ ചില ‘പുതിയ’ വഴികൾ;അറിയാം വിശദമായി..
Earn Extra Income For Expats In Uae;യുഎഇ: യുഎഇയിൽ ജീവിതച്ചെലവ് ക്രമാതീതമായി ഉയരുന്നത് പല ആളുകൾക്കും നിരവധി പ്രതിസന്ധികൾ ഉണ്ടാക്കിയിട്ടുണ്ട്. വാടക മുതൽ ദൈനംദിന പലചരക്ക് സാധനങ്ങൾക്ക് വരെ മുന്നത്തെക്കാൾ കൂടുതൽ പണം നൽകേണ്ടി വരുന്നു. ഈ സാഹചര്യത്തിൽ കുറച്ചധികം വരുമാനം നേടുന്നത് എല്ലാവർക്കും വലിയ ആശ്വാസമായിരിക്കും. എന്നാൽ അധിക വരുമാനം നേടാനുള്ള രസകരവുമായ ചില വഴികൾ അറിയാം.ആരോഗ്യ, ഫിറ്റ്നസ് ഡാറ്റ
ദിവസവും 10,000 ചുവടുകൾ നടന്ന് ആരോഗ്യത്തോടെയിരിക്കാൻ ഇഷ്ടപ്പെടുന്ന ഒരാളാണോ നിങ്ങൾ? എന്നാൽ ആ നടത്തത്തിന് പണം ലഭിക്കും. അതാണ് സ്വെറ്റ്‌കോയിൻ ആപ്പ്. അതായത് നമ്മൾ നടക്കുന്നതിന് ഡിജിറ്റൽ കറൻസിയായി പ്രതിഫലം നൽകുന്ന ഒരു ഫിറ്റ്നസ് റിവാർഡ് ആപ്പാണ് സ്വെറ്റ്‌കോയിൻ. ഇത് വഴി നമുക്ക് പണം കണ്ടെത്താം.
ആദ്യം നിങ്ങളുടെ ഫോണിൽ സ്വെറ്റ്‌കോയിൻ ആപ്പ് ഇൻസ്റ്റാൾ ചെയ്യുക. ശേഷം
നടത്തം ട്രാക്ക് ചെയ്യുക നിങ്ങൾ നടക്കുന്ന ഓരോ ചുവടും ഈ ആപ്പ് കൃത്യമായി രേഖപ്പെടുത്തുന്നു. തുടർന്ന് നിങ്ങളുടെ നടത്തത്തിനനുസരിച്ച് $SWEAT എന്ന ഡിജിറ്റൽ ടോക്കണുകൾ നിങ്ങൾക്ക് ലഭിക്കും.
കൂടാതെ ആപ്പിലെ മാർക്കറ്റ് പ്ലേയ്‌സിൽ നിന്ന് വിവിധ ഉൽപ്പന്നങ്ങളും സേവനങ്ങളും വാങ്ങാൻ ഈ ടോക്കണുകൾ ഉപയോഗിക്കാം. കൂടാതെ നിങ്ങൾക്ക് താൽപ്പര്യമുള്ള ജീവകാരുണ്യ പ്രവർത്തനങ്ങൾക്ക് ഈ ഡിജിറ്റൽ കറൻസി സംഭാവന ചെയ്യാനും കൂടാതെ നിങ്ങൾക്ക് മറ്റ് ക്രിപ്‌റ്റോകറൻസികൾ പോലെ ഇത് ട്രേഡ് ചെയ്യാനോ വിൽക്കാനോ കഴിയും.
ഫ്ലൈറ്റ് ട്രാക്കിംഗ്
നിങ്ങളുടെ വീടിന്റെ മേൽക്കൂരയിലോ ബാൽക്കണിയിലോ ഒരു ചെറിയ ഉപകരണം വെച്ച് പണം സമ്പാദിക്കാൻ കഴിയുമെന്ന് അറിയുമോ? എങ്കിൽ അങ്ങനെയും പണം സമ്പാദിക്കാം. ടെക്നോളജി കമ്പനിയായ വിംഗ്ബിറ്റ്സ് വഴി കടന്നുപോകുന്ന വിമാനങ്ങളിൽ നിന്നുള്ള ഫ്ലൈറ്റ് ട്രാക്കിംഗ് ഡാറ്റ ശേഖരിക്കുന്നതിലൂടെ പണം സമ്പാദിക്കാം. ആദ്യം $495 വിലയുള്ള ഒരു ഉപകരണം വാങ്ങിക്കുക.
ശേഷം ആകാശം വ്യക്തമായി കാണുന്ന, തടസ്സങ്ങളില്ലാത്ത കാഴ്ചയുള്ള ഒരു ഉയർന്ന സ്ഥലത്ത് മേൽക്കൂരയിലോ ബാൽക്കണിയിലോ ഇത് സ്ഥാപിക്കുക. ഈ ഉപകരണം വിമാനങ്ങളിൽ നിന്നുള്ള ഡാറ്റ ശേഖരിക്കാൻ തുടങ്ങുമ്പോൾ നിങ്ങൾക്ക് ഡിജിറ്റൽ ടോക്കണുകൾ ലഭിച്ചുതുടങ്ങും. സാധാരണയായി, ഈ ഉപകരണത്തിലൂടെ പ്രതിമാസം $100 മുതൽ $200 വരെ വരുമാനം നേടാൻ സാധിക്കും.
കൂടാതെ ഡാറ്റ നൽകുന്ന വ്യക്തിക്ക് സ്വന്തം ഡിജിറ്റൽ ടോക്കണുകളുടെ രൂപത്തിലാണ് പ്രതിഫലം നൽകുന്നത്, ഇത് പിന്നീട് പണമായി മാറ്റിയെടുക്കാനും കഴിയും. ഇതൊരു പുതിയ വരുമാന മാർഗ്ഗമാണ് പ്രത്യേകിച്ചും നല്ല കാഴ്ചയുള്ള ഉയർന്ന സ്ഥലങ്ങളിൽ താമസിക്കുന്നവർക്ക് ഇത് വളരെ പ്രയോജനമാണ്.
സൗരോർജ്ജം
സൗരോർജ്ജം ഉത്പാദിപ്പിച്ച് പണം സമ്പാദിക്കുകയും ഒപ്പം ഭൂമിയെ രക്ഷിക്കാൻ സഹായിക്കുന്ന ദുബായ് സർക്കാറിന്റെ പിന്തുണയോടെയുള്ള പദ്ധതിയാണ് ഷംസ് ദുബായ്. ഈ പദ്ധതിയിലൂടെ നിങ്ങളുടെ വീടിന്റെ മേൽക്കൂരയിൽ ഉത്പാദിപ്പിക്കുന്ന അധിക വൈദ്യുതി ദുബായ് ഇലക്ട്രിസിറ്റി ആൻഡ് വാട്ടർ അതോറിറ്റി ഗ്രിഡിലേക്ക് നൽകി നിങ്ങൾക്ക് സ്വന്തം യൂട്ടിലിറ്റി ബില്ലിൽ ക്രെഡിറ്റുകൾ നേടാൻ സാധിക്കും.
നിങ്ങളുടെ വീടിന്റെ വൈദ്യുത മീറ്റർ മാറ്റി ബൈ ഡയറക്ഷണൽ സ്മാർട്ട് മീറ്റർ സ്ഥാപിക്കുക. ഇത് നിങ്ങൾ ഗ്രിഡിൽ നിന്ന് ഉപയോഗിക്കുന്ന വൈദ്യുതിയുടെ അളവും ഗ്രിഡിലേക്ക് തിരികെ നൽകുന്ന അധിക വൈദ്യുതിയുടെ അളവും കൃത്യമായി രേഖപ്പെടുത്തും. ഇത് വഴി സോളാർ പാനലുകൾ നന്നായി പരിപാലിക്കുകയാണെങ്കിൽ 25 വർഷത്തിലധികം ആയുസ്സുണ്ടാകുകയും കൂടുതൽ സോളാർ പാനലുകൾ ഉണ്ടെങ്കിൽ ദുബായ് ഇലക്ട്രിസിറ്റി ആൻഡ് വാട്ടർ അതോറിറ്റിയ്ക്ക് തിരികെ വിൽക്കാനും സാധിക്കും.
Comments (0)