ജലീബ് അൽ-ഷുയൂഖ്, ഖൈതാൻ പ്രദേശങ്ങളിൽ സുരക്ഷ പരിശോധന ; കുവൈറ്റ് മുനിസിപ്പാലിറ്റി അനധികൃത തെരുവ് മാർക്കറ്റുകൾ പൊളിച്ചുമാറ്റി
കുവൈറ്റ് സിറ്റി : കുവൈറ്റിൽ നിയമലംഘനങ്ങൾ ചെറുക്കുന്നതിനുള്ള തുടർച്ചയായ ശ്രമങ്ങളുടെ ഭാഗമായി, ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഹിസ് എക്സലൻസി ഷെയ്ഖ് ഫഹദ് യൂസഫ് സൗദ് അൽ-സബഹിന്റെ നേരിട്ടുള്ള മേൽനോട്ടത്തിൽ ക്രിമിനൽ സുരക്ഷാ മേഖല ജലീബ് അൽ-ഷുയൂഖ്, ഖൈതാൻ പ്രദേശങ്ങളിൽ സുരക്ഷ പരിശോധന ആരംഭിച്ചു.
.
ജനറൽ ഫയർ ഡിപ്പാർട്ട്‌മെന്റ്, കുവൈറ്റ് മുനിസിപ്പാലിറ്റി, വൈദ്യുതി, ജലം, പുനരുപയോഗ ഊർജ്ജ മന്ത്രാലയം, പൊതുമരാമത്ത് മന്ത്രാലയം, പരിസ്ഥിതിക്കായുള്ള പൊതു അതോറിറ്റി എന്നിവയുൾപ്പെടെ ഒന്നിലധികം സംസ്ഥാന ഏജൻസികളുമായി ഏകോപിപ്പിച്ചാണ് ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻസ് ആണ് പരിശോധനകൾ നടത്തുന്നത്.
കാമ്പയിനിന്റെ ഭാഗമായി, ലൈസൻസിംഗ് ചട്ടങ്ങൾ ലംഘിച്ചതിന് 19 വാണിജ്യ സ്ഥാപനങ്ങൾ അധികൃതർ അടച്ചുപൂട്ടി. പെർമിറ്റില്ലാതെ പ്രവർത്തിക്കുന്ന ബിസിനസുകൾക്കെതിരെ നടപടി എടുത്തു.. കുവൈറ്റ് മുനിസിപ്പാലിറ്റി നിരവധി അനധികൃത തെരുവ് മാർക്കറ്റുകൾ പൊളിച്ചുമാറ്റി. 26 നിയമലംഘകരെ അറസ്റ്റ് ചെയ്തു. നിരവധി മൊബൈൽ പലചരക്ക് വാഹനങ്ങൾ കണ്ടുകെട്ടി. നിയമങ്ങൾ പാലിക്കാത്ത ബിസിനസുകൾ കർശനമായി നിരീക്ഷിക്കാനും, ഉടനടി നടപടി സ്വീകരിക്കാനും ഷെയ്ഖ് ഫഹദ് യൂസഫ് അൽ-സബാഹ് നിർദ്ദേശം നൽകി.
Comments (0)