Dubai airport: നിങ്ങളുടെ ദുബായ് യാത്ര സുരക്ഷിതമാക്കാം; എയർപോർട്ടിലെ പുതിയ മാർഗനിർദേശങ്ങൾ ഇങ്ങനെ
dubai airport:ദുബായ്: ദുബായ് വിമാനത്താവളത്തിൽ യാത്ര ചെയ്യുന്നവർക്ക് എളുപ്പവും മികച്ചതുമായ യാത്രാനുഭവം ഉറപ്പാക്കുന്നതിനായി ദുബായ് എയർപോർട്സ് നിർദ്ദേശങ്ങൾ നൽകുന്നു. എമിറേറ്റ്സ് വിമാനങ്ങളിൽ യാത്ര ചെയ്യുന്നവർക്ക് ഹോം ചെക്ക്-ഇൻ, ഏർലി ചെക്ക്-ഇൻ, സെൽഫ് സർവീസ് ചെക്ക്-ഇൻ സൗകര്യങ്ങൾ ഉപയോഗിക്കാം.
മറ്റ് വിമാനങ്ങളിൽ യാത്ര ചെയ്യുന്നവർ പുറപ്പെടുന്നതിന് 3 മണിക്കൂർ മുൻപ് വിമാനത്താവളത്തിൽ എത്തണം.കുടുംബത്തോടൊപ്പം യാത്ര ചെയ്യുന്ന 12 വയസ്സിന് മുകളിലുള്ള കുട്ടികൾക്ക് ഇമിഗ്രേഷൻ നടപടികൾ വേഗത്തിലാക്കാൻ സ്മാർട്ട് ഗേറ്റുകൾ ഉപയോഗിക്കാം. ലഗേജ് വീട്ടിൽ നിന്ന് തൂക്കിനോക്കുകയും രേഖകൾ മുൻകൂട്ടി കെെവശം വെക്കുക. സുരക്ഷാ പരിശോധനകൾക്ക് തയ്യാറെടുക്കുമ്പോൾ എല്ലാ പേപ്പറും കൃത്യമായി വെക്കണം. ഇത് വിമാനത്താവളത്തിൽ എത്തുമ്പോഴുള്ള സമ്മർദ്ദം കുറയ്ക്കാൻ സഹായിക്കും. യാത്രക്കാർക്ക് ദുബായ് മെട്രോ ഉപയോഗിച്ച് ടെർമിനൽ 1, 3 എന്നിവിടങ്ങളിലേക്ക് എത്തിച്ചേരാം. ജൂൺ 10, 2025 മുതൽ ജൂൺ 30, 2025 വരെ പാർക്കിംഗ് നിരക്കുകളിൽ ഇളവ് പ്രഖ്യാപിച്ചിട്ടുണ്ട്. ആ സൗക്യവും ഉപയോഗിക്കാം.
ബാറ്ററികളും പവർ ബാങ്കുകളും സുരക്ഷാ ഭീഷണിയായി കണക്കാക്കുന്നതിനാൽ അത് ഹാൻഡ് കൊണ്ടുപോകാൻ പാടില്ല. ബാറ്ററികളും പവർ ബാങ്കുകളും കൈവശം വെക്കുന്നവർ ലഗേജിൽ മാത്രമേ വെക്കാൻ പാടുള്ളൂ. സ്കൂൾ വെക്കെഷൻ ആരംഭിക്കാൻ പോകുകയാണ്. വിമാനത്താവളത്തിലേക്കുള്ള റോഡുകളിൽ തിരക്ക് അനുഭവപ്പെടാൻ സാധ്യതയുണ്ട്. അതിനാൽ യാത്രക്കാർ കൂടുതൽ സമയം കണക്കാക്കി യാത്ര പുറപ്പെടുക.
ഭിന്നശേഷിയുള്ള യാത്രക്കാർക്കായി പ്രത്യേക സൗകര്യങ്ങൾ ദുബായ് എയർപോർട്ടിൽ ഒരുക്കിയിട്ടുണ്ട്. വിമാനത്താവളത്തിൽ എത്തുന്ന യാത്രക്കാർക്ക് ലോകോത്തര സൗകര്യങ്ങളായ റെസ്റ്റോറന്റുകൾ, ഡ്യൂട്ടി ഫ്രീ ഷോപ്പിംഗ്, ഹോട്ടൽ, എക്സ്ക്ലൂസീവ് ലോഞ്ച് എന്നിവ ഉപയോഗിക്കാം.
ദുബായ് എയർപോർട്ട് വഴി അവധിക്കാല യാത്രകൾ ചെയ്യുന്ന പ്രവാസികൾക്ക് യാത്ര സുഗമമാക്കുന്നതിനും അനാവശ്യ പ്രശ്നങ്ങൾ ഒഴിവാക്കുന്നതിനും ചില കാര്യങ്ങൾ ശ്രദ്ധിക്കേണ്ടതുണ്ട്. പ്രത്യേകിച്ച് തിരക്കുള്ള സമയങ്ങളിൽ, പെരുന്നാളിന് നാട്ടിൽ പോകാൻ സാധിക്കാത്ത പലരും കുട്ടികൾക്ക് സ്കൂൾ വെക്കേഷൻ ആകുമ്പോൾ നാട്ടിലേക്ക് പോകാൻ കാത്തിരിക്കുന്നവർ ആണ്.
പാസ്‌പോർട്ടിന് കുറഞ്ഞത് ആറ് മാസത്തെ കാലാവധിയുണ്ടെന്ന് ഉറപ്പുവരുത്തുക.
രാജ്യത്തേക്ക് കടക്കാൻ ആവശ്യമായ വിസയുണ്ടോ എന്ന് പരിശോധിക്കുക. വിസ ഓൺ അറൈവൽ ആണെങ്കിൽ അതിനുള്ള മാനദണ്ഡങ്ങൾ എല്ലാം ശരിയാണോ എന്ന് കണ്ട് പിടിക്കണം.
യുഎഇയിലേക്ക് തിരികെ വരുന്ന പ്രവാസിയാണെങ്കിൽ എമിറേറ്റ്സ് ഐഡി നിർബന്ധമാണ്. ഇത് കൈവശമുണ്ടെന്ന് ഉറപ്പാക്കുക. ഫ്ലൈറ്റ് ടിക്കറ്റിന്റെ കോപ്പിയും യാത്ര വിവരങ്ങളും കൈവശം വെക്കുക. കുട്ടികളോടൊപ്പമാണ് യാത്രയെങ്കിൽ ജനന സർട്ടിഫിക്കറ്റ് പോലുള്ള രേഖകൾ ആവശ്യമായി വന്നേക്കാം. അതുമായി ബന്ധപ്പെട്ട രേഖകൾ കെെവശം വെക്കണം.
Comments (0)