Rak transport: യുഎഇയിൽ ഇനി കുറഞ്ഞ പൈസയ്ക്ക് യാത്ര ചെയ്യാം;എങ്ങനെയെന്നല്ലേ? അറിയാം…
Rak transport;യുഎഇയിലെ ഗതാഗത സംവിധാനത്തിന് ഒരു പുതിയ ഉണർവ് നൽകുന്ന പദ്ധതിയാണ് ഇപ്പോൾ റാസൽ ഖൈമ ട്രാൻസ്പോർട്ട് അതോറിറ്റി പ്രഖ്യാപിച്ചിരിക്കുന്നത്. എമിറേറ്റിലുടനീളം ഗതാഗത ബന്ധം കൂടുതൽ മെച്ചപ്പെടുത്തുന്നതിന്‍റെ ഭാഗമായി ഓറഞ്ച് ബസ് റൂട്ട് എന്ന പേരില്‍ നഗരത്തില്‍ പുതിയ ബസ് റൂട്ട് ആരംഭിച്ചു. നഗരത്തിലെ പ്രധാന സ്ഥലങ്ങളെ ബന്ധിപ്പിച്ച് യാത്ര സമയം കുറയ്ക്കുകയാണ് ലക്ഷ്യം.
30 മിനിറ്റിനുള്ളിൽ നഗരത്തിന്റെ എല്ലാ ഭാഗത്തേക്കും എത്താൻ കഴിയും. ഒരു യാത്രക്ക് 8 ദിർഹമാണ് ചാർജ് ഇടാക്കുകയെന്ന് റാസൽ ഖൈമ ട്രാൻസ്പോർട്ട് അതോറിറ്റി അറിയിച്ചു.ഓറഞ്ച് ബസ് റൂട്ട് അൽ നഖീൽ ഏരിയ മുതൽ സൗത്ത് അൽ ദൈത്തിലെ മെയിൻ ബസ് സ്റ്റേഷൻ വരെയാണ്. നഗരത്തിലെ പ്രധാന സ്ഥലങ്ങളിലൂടെ ബസ് കടന്നുപോകുണ്ട്. ഏകദേശം 25 മുതൽ 30 മിനിറ്റിനുള്ളിൽ ഒരു ഭാഗത്തേക്ക് യാത്ര ചെയ്യാം. ഓറഞ്ച് ബസ് റൂട്ടിലെ പ്രധാന സ്റ്റോപ്പുകൾ ഇവയാണ്: അൽ നഖീൽ, ജുൽഫർ ടവേഴ്സ്, അൽ സദാഫ് റൗണ്ട് എബൗട്ട്, ഡ്രൈവിംഗ് സ്കൂൾ, പോസ്റ്റ് ഓഫീസ്, ക്ലോക്ക് റൗണ്ട് എബൗട്ട്, ഫ്ലമിംഗോ ബീച്ച്, അൽ ദൈത് സൗത്തിലെ മെയിൻ ബസ് സ്റ്റേഷൻ. എന്നിവങ്ങളിലൂടെയാണ് ഓറഞ്ച് ബസ് റൂട്ട് കടന്നു പോകുന്നത്. ബസ് ഓരോ ദിവസവും 20 ട്രിപ്പുകൾ ഉണ്ടാകും. രാവിലെ 6:30ന് ആദ്യ ട്രിപ്പ് ആരംഭിക്കും. രാത്രി 8:30ന് അവസാന ട്രിപ്പ് ഉണ്ടാകും. ഒരു യാത്രക്ക് 8 ദിർഹമാണ് ടിക്കറ്റ് നിരക്ക്.
ഓറഞ്ച് റൂട്ട് ആരംഭിക്കുന്നതിലൂടെ ഗതാഗത സംവിധാനം ശക്തിപ്പെടുത്താനാകും. കൂടുതൽ ആളുകൾ പൊതുഗതാഗതത്തെ ആശ്രയിക്കാൻ ഇത് പ്രോത്സാഹിപ്പിക്കും. കുറഞ്ഞ ചിലവിൽ എല്ലാവർക്കും എളുപ്പത്തിൽ എത്തിച്ചേരാൻ സാധിക്കുന്ന ഒരു ഗതാഗത മാർഗ്ഗമാണിത്. ഈ പുതിയ സർവീസ് മറ്റ് ഗതാഗത മാർഗ്ഗങ്ങളുമായി ബന്ധിപ്പിക്കും. റാസൽ ഖൈമയിലെ നാല് പ്രധാന റൂട്ടുകളെയും ബന്ധിപ്പിക്കുന്നതിലൂടെ യാത്ര എളുപ്പമാകും. റാസൽ ഖൈമ ട്രാൻസ്പോർട്ട് അതോറിറ്റി നേരത്തെ ആരംഭിച്ച ഗതാഗത ശൃംഖലയുടെ ഭാഗമാണ് ഓറഞ്ച് റൂട്ട്. കൂടുതൽ സ്ഥലങ്ങളിലേക്ക് സർവീസ് വ്യാപിപ്പിക്കാനും കൂടുതൽ ആളുകളിലേക്ക് എത്തിക്കാനും ഇത് ലക്ഷ്യമിടുന്നു. ഇത് യാത്രക്കാർക്ക് വളരെ ഉപകാരപ്രദമാകും.
ഓറഞ്ച് റൂട്ട് ആരംഭിക്കുന്നതിലൂടെ ഗതാഗത രംഗത്ത് വലിയ മാറ്റങ്ങൾ വരുത്താൻ സാധിക്കും എന്ന് റാസൽ ഖൈമ ട്രാൻസ്പോർട്ട് അതോറിറ്റി അധികൃതർ പറഞ്ഞു. പൊതുഗതാഗത രംഗത്ത് പുതിയ മാറ്റങ്ങൾ കൊണ്ടുവരാൻ ഈ പദ്ധതി സഹായിക്കുമെന്നും അവർ കൂട്ടിച്ചേർത്തു. ഓറഞ്ച് റൂട്ട് താമസക്കാര്‍ക്കും സന്ദര്‍ശകര്‍ക്കും ഒരുപോലെ പ്രയോജനപ്പെടും. റാസല്‍ഖൈമയുടെ സമഗ്രമായ ഗതാഗത മാസ്റ്റര്‍ പ്ലാന്‍ 2030ന്‍റെ ഭാഗമായാണ് ഓറഞ്ച് റൂട്ട് പ്രഖ്യാപിച്ചത്
തിരക്കേറിയ നഗരങ്ങളിൽ യാത്ര ചെയ്യുന്ന സാധാരണക്കാർക്കും വിനോദസഞ്ചാരികൾക്കും ഒരുപോലെ ഉപകാരപ്രദമാകുന്ന ഈ സർവീസ് പൊതുഗതാഗത രംഗത്ത് ഒരു പുതിയ മുന്നേറ്റം സൃഷ്ടിക്കുമെന്നാണ് പ്രതീക്ഷിക്കുന്നത്. സാധാരണ ബസ് സർവീസുകളേക്കാളും മറ്റ് പൊതുഗതാഗത മാർഗ്ഗങ്ങളേക്കാളും കുറഞ്ഞ നിരക്കിൽ ഓറഞ്ച് ബസ് റൂട്ടിൽ യാത്ര ചെയ്യാൻ സാധിക്കും. ഇത് സാമ്പത്തികമായി പിന്നോക്കം നിൽക്കുന്നവർക്കും ദിവസവും യാത്ര ചെയ്യുന്നവർക്കും വലിയ ആശ്വാസമാകും. ഭിന്നശേഷിക്കാർക്കും പ്രായമായവർക്കും എളുപ്പത്തിൽ കയറാനും ഇറങ്ങാനും സൗകര്യപ്രദമായ രീതിയിലായിരിക്കും ബസുകളുടെ രൂപകൽപ്പന. എയർ കണ്ടീഷനിംഗ്, സുഖപ്രദമായ സീറ്റുകൾ, വൈഫൈ സൗകര്യം തുടങ്ങിയവ യാത്രക്കാർക്ക് കൂടുതൽ മെച്ചപ്പെട്ട സൗകര്യങ്ങളും ബസിൽ ഉണ്ടായിരിക്കും.
നഗരത്തിലെ തിരക്കും യാത്രാ ചെലവും ഓർത്ത് ബുദ്ധിമുട്ടുന്നവർക്ക് ഓറഞ്ച് ബസ് റൂട്ട് ഒരു അനുഗ്രഹമായിരിക്കും. ഇത് യുഎഇയുടെ പൊതുഗതാഗത ചരിത്രത്തിലെ ഒരു സുപ്രധാന നാഴികക്കല്ലായി മാറും. പുതിയ സംരംഭം യുഎഇയിലെ ഗതാഗത സംവിധാനത്തിന് ഒരു പുതിയ ഉണർവ് നൽകുമെന്നും കൂടുതൽ ആളുകളെ പൊതുഗതാഗതത്തിലേക്ക് ആകർഷിക്കുമെന്നാണ് അധികൃതർ പ്രതീക്ഷിക്കുന്നത്.
Comments (0)