PRAVASI NEWS DAILY

Uae taxi:യുഎഇ : യുഎഇയിലെ യാത്രക്കാർക്ക് ബോൾട്ട് ആപ്പ് ഉപയോഗിച്ച് ഒരു ക്യാബ് വാടകയ്‌ക്കെടുക്കുമ്പോൾ 30 ശതമാനം വരെ ക്യാഷ് ബാക്ക് നേടാം. ദുബായ് ടാക്സി കമ്പനിയായ ഡിടിസി 6,000-ത്തിലധികം ടാക്സികളെ ആഗോള റൈഡ് ഹെയ്‌ലിംഗ് പ്ലാറ്റ്‌ഫോമായ ബോൾട്ട് ആപ്പിലേക്ക് യോജിപ്പിച്ചു.കൂടാതെ പീപ്പിൾ ഓഫ് ഡിറ്റർമിനേഷൻ ടാക്സികളും ലേഡീസ് & ഫാമിലി പിങ്ക് ടാക്സികളും ഉൾപ്പെടുന്നു, ഇത് വഴി യുഎഇയിലെ എമിറേറ്റിലുടനീളം സമഗ്രവും വിശ്വസനീയവുമായ ഗതാഗതം ഉറപ്പാക്കുകയും ചെയ്യുന്നു. ഈ സഹകരണത്തിന്റെ ഭാഗമായി, ബോൾട്ട് ആപ്പ് വഴി ഉപയോക്താക്കൾ നടത്തുന്ന ആദ്യത്തെ മൂന്ന് ടാക്സി യാത്രകൾക്കാണ് 30% ക്യാഷ്ബാക്ക് ലഭിക്കുക.

തിരക്കേറിയ സമയങ്ങളിൽ സാധാരണ ഈടാക്കുന്ന സർജ് പ്രൈസിംഗ് അതായത് ഉയർന്ന നിരക്ക് ഈ യാത്രകൾക്ക് ബാധകമല്ല എന്നത് ദുബായിലെ ആപ്പ് അധിഷ്ഠിത ടാക്സി സേവനങ്ങളുടെ വർദ്ധിച്ചുവരുന്ന ആവശ്യകതയ്ക്ക് വലിയൊരു പ്രോത്സാഹനമായി മാറുകയാണ്. കൂടാതെ സംയോജനത്തോടെ, ദുബായിലെ താമസക്കാർക്കും വിനോദസഞ്ചാരികൾക്കും ഇനി ബോൾട്ട് ആപ്പ് വഴി നേരിട്ട് ഡിടിസി ടാക്സികൾ ബുക്ക് ചെയ്യാം.

ഇത് യാത്രക്കാർക്ക് പല രീതിയിലുള്ള നേട്ടങ്ങൾ നൽകുകയും ചെയ്യുന്നു. കൂടാതെ സുതാര്യമായ നിരക്കുകൾ, ബോൾട്ടിന്റെ സ്വന്തം മാപ്പിംഗ് സംവിധാനം വഴിയുള്ള കൃത്യമായ യാത്രാപാത, അടിയന്തര സാഹചര്യങ്ങൾക്കുള്ള ബട്ടണുകൾ, തത്സമയ ട്രാക്കിംഗ്, ഉയർന്ന സേവന നിലവാരം ഉറപ്പാക്കുന്ന ഡ്രൈവർ റേറ്റിംഗ് സംവിധാനം തുടങ്ങിയ ആപ്പിലുള്ള വിപുലമായ സുരക്ഷാ ഫീച്ചറുകൾ ഇനി യാത്രക്കാർക്ക് ലഭ്യമാകും.

യുഎഇയിലെ ഏറ്റവും വലിയ ടാക്സി ഓപ്പറേറ്ററെന്ന നിലയിലും, മേഖലയിലെ 6 ബില്യൺ ദിർഹത്തിന്റെ ടാക്സി, ഇ-ഹെയ്‌ലിംഗ് വിപണിയിലെ ഡിജിറ്റൽ ഗതാഗത രംഗത്തെ നേതാവെന്ന നിലയിലും ഡിടിസിയുടെ സ്ഥാനം കൂടുതൽ ഉറപ്പിക്കുക എന്നതാണ് ഈ പദ്ധതിയുടെ പ്രധാന ലക്ഷ്യം മെന്നും വ്യക്തമാക്കി.

6,000ലധികം ഡിടിസി വാഹനങ്ങൾ ബോൾട്ട് പ്ലാറ്റ്‌ഫോമുമായി സംയോജിപ്പിക്കുന്നത് യുഎഇയിലെ ഏറ്റവും വലിയ ഇ-ഹെയ്‌ലിംഗ് ശൃംഖല കെട്ടിപ്പടുക്കുക എന്ന ഞങ്ങളുടെ കാഴ്ചപ്പാടിലേക്കുള്ള ഒരു സുപ്രധാന മുന്നേറ്റമാണ്. ദുബായിലുടനീളം ഡിജിറ്റൽ പരിവർത്തനം, സൗകര്യം, സേവന മികവ് എന്നിവയോടുള്ള ഞങ്ങളുടെ പ്രതിബദ്ധതയാണ് ഈ നടപടി വ്യക്തമാക്കുന്നത് എന്ന് ദുബായ് ടാക്സി കമ്പനിയുടെ ചീഫ് ഓപ്പറേഷൻസ് ഓഫീസർ അമ്മാർ അൽ ബ്രൈക്കി അഭിപ്രായപെട്ടതായി ഗൾഫ് ന്യൂസ് റിപ്പോർട്ട് ചെയ്തു.

Home

Emirates lucky draw:100 ഉം 200 ഉം കോടിയല്ല അതുക്കും മേലെ!!! ഇന്ത്യക്കാരനെ തേടിയെത്തിയത് കോടികളുടെ വമ്പൻ ഭാഗ്യം; മനുഷ്യസേവനമാണ് പ്രധാനമെന്ന് ഭാഗ്യശാലി

യുഎഇയിലെ സ്ക്കൂളുകളിൽ പ്രവേശനംതേടി ഇന്ത്യയിൽ നിന്നുള്ള കുട്ടികളുടെ തിരക്ക്, കൂടുതലും മലയാളി കുട്ടികൾ