ഖത്തറിലെ വാട്ട്‌സ്ആപ്പ് ഉപയോക്താക്കൾ ആപ്ലിക്കേഷനുകൾ ഉടൻ അപ്‌ഡേറ്റ് ചെയ്യണം ; മുന്നറിയിപ്പുമായി എൻ‌സി‌എസ്‌എ
ദോഹ, ഖത്തർ: വാട്ട്‌സ്ആപ്പ് ഉപയോക്താക്കൾ അവരുടെ ആപ്ലിക്കേഷനുകൾ ഉടൻ അപ്‌ഡേറ്റ് ചെയ്യണമെന്ന് ആവശ്യപ്പെട്ട് ഖത്തറിലെ നാഷണൽ സൈബർ സുരക്ഷാ ഏജൻസി (എൻ‌സി‌എസ്‌എ) ഉയർന്ന തലത്തിലുള്ള സുരക്ഷാ മുന്നറിയിപ്പ് നൽകി. സോഷ്യൽ മീഡിയയിൽ പുറത്തിറക്കിയ പ്രസ്താവനയിൽ, ‘വാട്ട്‌സ്ആപ്പിന്റെ’ മാതൃ കമ്പനിയായ മെറ്റ, ആപ്പിൽ ഒരു ഗുരുതരമായ അപകടസാധ്യത തിരിച്ചറിഞ്ഞിട്ടുണ്ടെന്ന് ഏജൻസി എടുത്തുപറഞ്ഞു. വാട്സ് ആപ്പ് അപ്ലിക്കേഷനിലേക്കുള്ള ഹാക്കിങ് കുറയ്ക്കാനാണ് പുതിയ നീക്കം. അപകടസാധ്യത വർദ്ധിച്ച സാഹചര്യം കണക്കിലെടുത്ത് ഹാക്കിങ്ങിൽ നിന്ന് വിവരങ്ങൾ സംരക്ഷിക്കാനാണ് പുതിയ നിർദ്ദേശം. എല്ലാ ഉപയോക്താക്കളും കാലതാമസമില്ലാതെ അവരുടെ വാട്ട്‌സ്ആപ്പ് ആപ്ലിക്കേഷനുകൾ അടിയന്തിരമായി ഉറപ്പായും അപ്‌ഡേറ്റ് ചെയ്യണമെന്ന് NCSA ശുപാർശ ചെയ്യുന്നു.
Comments (0)