PRAVASI NEWS DAILY

Quiet Cracking: ജോലിസ്ഥലത്തെ സമ്മർദ്ദം കാരണം നിങ്ങൾ ഒറ്റയ്ക്കിരുന്ന് കരയാറുണ്ടോ? കടുത്ത മാനസിക സമ്മർദ്ദമുണ്ടായിട്ടും ജോലി ഉപേക്ഷിക്കാൻ കഴിയാത്ത അവസ്ഥയിലാണോ നിങ്ങൾ? എങ്കിൽ നിങ്ങൾ ‘ക്വയറ്റ് ക്രാക്കിംഗ്’ എന്ന പുതിയ പ്രതിഭാസത്തിന് അടിപ്പെട്ടിരിക്കാൻ സാധ്യതയുണ്ടെന്ന് വിദഗ്ദ്ധർ മുന്നറിയിപ്പ് നൽകുന്നു.

‘ക്വയറ്റ് ക്രാക്കിംഗ്’ എന്നാൽ പുറമേക്ക് ജോലിയിൽ സജീവമായിരിക്കുകയും എന്നാൽ ഉള്ളിന്റെയുള്ളിൽ കടുത്ത മാനസിക സംഘർഷം അനുഭവിക്കുകയും ചെയ്യുന്ന അവസ്ഥയാണ്. അമിതമായ ജോലിഭാരം, അംഗീകാരമില്ലായ്മ, ശമ്പള വർദ്ധനവ് ഇല്ലാത്തത്, ഭാവിയെക്കുറിച്ചുള്ള ആശങ്കകൾ എന്നിവയെല്ലാം ഈ അവസ്ഥയിലേക്ക് നയിക്കാം.

ഇത് സാധാരണയായി കണ്ടുവരുന്ന ‘ബേൺഔട്ടി’ൽ നിന്ന് വ്യത്യസ്തമാണ്. ബേൺഔട്ട് വ്യക്തിയുടെ പ്രകടനം മോശമാകുമ്പോൾ, ‘ക്വയറ്റ് ക്രാക്കിംഗ്’ ഉള്ളവർ പുറമേ മികച്ച പ്രകടനം കാഴ്ചവെക്കുകയും എന്നാൽ ഉള്ളിൽ തളരുകയും ചെയ്യുന്നു. ഈ അവസ്ഥ തുടർന്നാൽ അത് ബേൺഔട്ടിലേക്കും പിന്നീട് വിഷാദരോഗത്തിലേക്കും നയിച്ചേക്കാം.

ഈ പ്രതിസന്ധിയെ മറികടക്കാൻ ചില കാര്യങ്ങൾ ശ്രദ്ധിക്കാം:

• ജോലിയും വ്യക്തിജീവിതവും തമ്മിൽ അതിർവരമ്പുകൾ സ്ഥാപിക്കുക.
• സഹപ്രവർത്തകരുമായോ സുഹൃത്തുക്കളുമായോ നിങ്ങളുടെ വിഷമങ്ങൾ തുറന്നു സംസാരിക്കുക.
• മാനസികോല്ലാസത്തിനായി സമയം കണ്ടെത്തുക.
• ആവശ്യത്തിന് വിശ്രമിക്കുകയും നന്നായി ഉറങ്ങുകയും ചെയ്യുക.
• മാനസിക പിരിമുറുക്കം താങ്ങാനാവാത്ത അവസ്ഥയിലാണെങ്കിൽ ഒരു വിദഗ്ദ്ധന്റെ സഹായം തേടാൻ മടിക്കരുത്.

നിങ്ങളുടെ മാനസികാരോഗ്യം സംരക്ഷിക്കേണ്ടത് വളരെ പ്രധാനമാണ്. ജോലിയിലെ സമ്മർദ്ദങ്ങളെ അതിജീവിക്കാൻ ഈ നിർദ്ദേശങ്ങൾ നിങ്ങളെ സഹായിക്കുമെന്ന് കരുതുന്നു.