Dubai airport:ദുബായ് വിമാനത്താവളത്തിലെ സ്മാർട് ഗേറ്റ്; ഉപയോഗിക്കാന്‍ നിങ്ങള്‍ യോഗ്യരാണോ? ആർക്കൊക്കെ പ്രയോജനപ്പെടുത്താം
Dubai airport;യുഎഇ: ദുബായ് വിമാനത്താവളത്തിൽ എത്തുന്ന യാത്രക്കാർക്ക് മിനിറ്റുകൾക്കുള്ളിൽ സ്മാർട് ഗേറ്റിലൂടെ പാസ്പോർട്ട് സുരക്ഷാ പരിശോധന പൂർത്തിയാക്കാനുള്ള സംവിധാനമുണ്ട്. യാത്രക്കാർക്ക് വളരെ വേഗത്തിലും എളുപ്പത്തിലും നടപടിക്രമങ്ങൾ പൂർത്തിയാക്കാൻ ഇത് സഹായിക്കും. യുഎഇ, ജിസിസി പൗരന്മാർ, യുഎഇ താമസക്കാർ, ബയോമെട്രിക് പാസ്‌പോർട്ടുള്ള വിസ ഓൺ അറൈവൽ യാത്രക്കാർ എന്നിവർക്ക് ഈ സ്മാർട് ഗേറ്റുകൾ ഉപയോഗിക്കാൻ സാധിക്കും.എന്നാൽ ഇതിന് പ്രത്യേക രജിസ്ട്രേഷൻ ഒക്കെ നടത്തേണ്ടതുണ്ട്. ദുബായ് വിമാനത്താവളത്തിൽ എത്തുമ്പോൾ പാസ്പോർട്ട് കൺട്രോൾ ടച്ച്‌പോയിന്റിലാണ് രജിസ്റ്റർ ചെയ്യേണ്ടത്. രജിസ്റ്റർ ചെയ്തുകഴിഞ്ഞാൽ, പിന്നീട് രേഖകളൊന്നും സ്കാൻ ചെയ്യാതെ തന്നെ പച്ച ലൈറ്റിലേക്ക് നോക്കി നിങ്ങൾക്ക് ഗേറ്റ് കടന്ന് പോകാൻ സാധിക്കും. അന്താരാഷ്ട്ര യാത്രാക്കാരില്‍ ഭൂരിഭാഗവും ആളുകൾ സ്മാർട് ഗേറ്റില്‍ രജിസ്ട്രേഷന്‍ പൂർത്തിയാക്കിയവരാകും. എന്നാലും അക്കാര്യം ഒന്നൂടെ ഉറപ്പിക്കുന്നത് വളരെ നല്ലതാണ്.
ഇതിനായി ജിഡിആർഎഫ്എയുടെ വെബ്സൈറ്റ് വഴി സാധിക്കും. ജിഡിആർഎഫ്എ വെബ്സൈറ്റിൽ കയറി ‘സ്മാർട്ട് ഗേറ്റ് രജിസ്ട്രേഷൻ ഇൻക്വറി ‘എന്നതിൽ ക്ലിക് ചെയ്ത് സർവീസ് സ്റ്റാർട്ട് എന്ന ഓപ്ഷൻ തിരഞ്ഞെടുക്കുക. ശേഷം നിങ്ങളുടെ ഫയല്‍ നമ്പർ, യുഡിബി അല്ലെങ്കിൽ എമിറേറ്റ്സ് യൂണിഫൈഡ് നമ്പർ, എമിറേറ്റ്സ് ഐഡി നമ്പർ, പാസ്പോർട്ട് നമ്പർ ഇവയിലേതെങ്കിലും ഒന്ന് നൽകുക. ഫയല്‍ നമ്പർ എന്നതുകൊണ്ട് ഉദ്ദേശിക്കുന്നത് വീസ സ്റ്റിക്കറിന്മേലുളള നമ്പറാണ്. ശേഷം ജനനതീയതിയും, ജെൻഡർ കൂടി കൂടി നൽകി ആപ്ലിക്കേഷൻ സമർപ്പിക്കാം. ഇതോടെ സ്മാർട് ഗേറ്റില്‍ നിങ്ങള്‍ രജിസ്ട്രേഡ് ആണെങ്കില്‍ റെക്കോർഡ് രജിസ്ട്രേഡാണ്, സ്മാർട് ഗേറ്റ് ഉപയോഗിക്കാം എന്ന സന്ദേശം നിങ്ങൾക്ക് ലഭിക്കും. രജിസ്ട്രേഷൻ പൂർത്തിയാക്കിയ ശേഷം, യാത്രക്കാർക്ക് പിന്നീട് ഗേറ്റുകൾ ഉപയോഗിക്കുമ്പോൾ യാതൊരു രേഖകളും സ്കാൻ ചെയ്യേണ്ടതില്ല. ഗേറ്റിലെ പച്ച ലൈറ്റിലേക്ക് നോക്കിയാൽ മാത്രം മതിയാകും.
സ്മാർട് ഗേറ്റിലൂടെ കടക്കേണ്ടതെങ്ങനെ? എന്നത് ഇനി വ്യക്തമാക്കാം, വിമാനത്താവളത്തിൽ എളുപ്പത്തിലും വേഗത്തിലും സുരക്ഷാപരിശോധന പൂർത്തിയാക്കാനാകുമെന്നുളളതാണ് സുരക്ഷ ഗേറ്റിന്‍റെ ഏറ്റവും വലിയ പ്രത്യേകത. ആദ്യം സ്മാർട് ഗേറ്റില്‍ പ്രവേശിച്ച് നിർദ്ദിഷ്ട സ്ഥലത്ത് നിൽക്കുക ,മുഖത്ത് മാസ്കോ ഗ്ലാസോ തലയില്‍ തൊപ്പിയോ ഉണ്ടെങ്കില്‍ അത് മാറ്റാൻ പ്രത്യേകം ശ്രദ്ധിക്കണം. ശേഷം ബോർഡിങ് പാസും പാസ്പോർട്ടും കൈയ്യില്‍ കരുതുക, മുന്നിൽ കാണുന്ന ക്യാമറയിലെ പച്ച നിറത്തിലേക്കുനോക്കി, നിർദ്ദേശങ്ങള്‍ പാലിക്കുക, ബയോമെട്രിക് പരിശോധന പൂർത്തിയായാല്‍ സ്മാർട് ഗേറ്റുകള്‍ നിങ്ങൾക്കായി തുറക്കും.
പാസ്പോർട്ട് പരിശോധന പൂർത്തിയായെന്ന് മനസിലാക്കി സ്മാർട് ഗേറ്റിലൂടെ നിങ്ങൾക്ക് പുറത്തിറങ്ങാവുന്നതാണ്. സ്മാർട്ട് ഗേറ്റിലൂടെ കടക്കുന്ന യാത്രക്കാർക്ക് ഉയരം 1.2 മീറ്ററില്‍ കുറയരുത് എന്നും നിർബന്ധമുണ്ട്. ഈ പുതിയ സംവിധാനം വിമാനത്താവളത്തിലെ യാത്രാ സമയം ഗണ്യമായി കുറയ്ക്കുകയും തിരക്ക് ഒഴിവാക്കുകയും ചെയ്യും. ദുബായ് വിമാനത്താവളത്തിലെ ഈ സൗകര്യം യാത്രക്കാർക്ക് കൂടുതൽ സുഗമമായ യാത്രാനുഭവമാണ് നൽകുക. ഇതിന് പുറമെ വിമാനത്താവളത്തിൽ ചെക്ക്-ഇൻ, ഇമിഗ്രേഷൻ, ലോഞ്ച് പ്രവേശനം, ബോർഡിംഗ് എന്നിവ വേഗത്തിലാക്കാൻ മുഖം തിരിച്ചറിയൽ സാങ്കേതികവിദ്യയും ഏർപ്പെടുത്തിയിട്ടുണ്ട്.ഇത് യാത്രാ നടപടിക്രമങ്ങൾ കൂടുതൽ വേഗത്തിലും സുരക്ഷിതവും ആക്കുന്നു.
ദുബായ് വിമാനത്താവളത്തിലെ സ്മാർട് ഗേറ്റ്; ഉപയോഗിക്കാന്‍ നിങ്ങള്‍ യോഗ്യരാണോ? ആർക്കൊക്കെ പ്രയോജനപ്പെടുത്താം
ഈ പുതിയ സംവിധാനങ്ങളെല്ലാം ദുബായ് വിമാനത്താവളത്തിലെ യാത്രക്കാരുടെ അനുഭവം കൂടുതൽ മെച്ചപ്പെടുത്തുന്നതിനും നടപടിക്രമങ്ങൾ വേഗത്തിലാക്കുന്നതിനും ലക്ഷ്യമിട്ടുള്ളതാണ്. കാലത്തിനനുസരിച്ചുള്ള സാങ്കേതികവിദ്യകൾ ഉപയോഗിക്കുന്നതിലൂടെ ദുബായ് വിമാനത്താവളം ലോകത്തിലെ മുൻനിര വിമാനത്താവളങ്ങളിൽ ഒന്നായി മാറുകയാണ്.
Comments (0)