ചൂട് ശമിക്കും; കുവൈറ്റിൽ അടുത്തയാഴ്ച്ച മുതൽ താപനില കുറയും
രാജ്യത്തെ താപനില കുറയുന്നതോടെ അടുത്ത ആഴ്ച മുതൽ കനത്ത ചൂടിൽനിന്ന് ആശ്വാസം ലഭിക്കുമെന്ന് കാലാവസ്ഥാ നിരീക്ഷകൻ അബ്ദുൽ അസീസ് അൽ ഖരാവി അറിയിച്ചു. വായു പിണ്ഡത്തിലുണ്ടാകുന്ന മാറ്റങ്ങളാണ് താപനില കുറയ്ക്കാൻ സഹായിക്കുന്നത്.
അടുത്ത പത്ത് ദിവസത്തേക്ക് മിതമായ കാലാവസ്ഥയായിരിക്കും. അതിരാവിലെ സുഖകരമായ തണുപ്പ് അനുഭവപ്പെടുമെങ്കിലും ഉച്ചയ്ക്ക് താപനില വീണ്ടും ഉയരും. പടിഞ്ഞാറൻ മരുഭൂമി പ്രദേശങ്ങളിൽ നേരിയ പൊടി മാത്രമേ ഉണ്ടാകൂ എന്നതിനാൽ അടുത്ത ദിവസങ്ങളിൽ പൊടിയുടെ അളവ് കുറവായിരിക്കും.
ഈ വർഷത്തെ വേനൽക്കാലം അസാധാരണമായിരുന്നെന്ന് അൽ ഖരാവി അഭിപ്രായപ്പെട്ടു. മുൻ വർഷങ്ങളെ അപേക്ഷിച്ച് ചൂട് കുറവായിരുന്നെന്നും, പൊടി നിറഞ്ഞ ദിവസങ്ങൾ കൂടുതലായിരുന്നെന്നും അദ്ദേഹം ചൂണ്ടിക്കാട്ടി. നിലവിലെ വിവരങ്ങൾ അനുസരിച്ച് തണുപ്പുള്ളതും മഴ ലഭിക്കുന്നതുമായ ഒരു ശൈത്യകാലം പ്രതീക്ഷിക്കാം.
Comments (0)