Hajj guidlines in uae:ഹജ്ജ് തീർഥാടകാരുടെ ശ്രദ്ധയ്ക്ക്!!! പുതിയ മാർഗ്ഗനിർദ്ദേശങ്ങൾ പുറത്തിറക്കി യുഎഇ ആരോഗ്യ പ്രതിരോധ മന്ത്രാലയം
Hajj guidlines in uae:യുഎഇ: ഹജ്ജ് തീർഥാടനത്തിന് തയ്യറെടുക്കുന്ന മുഴുവൻ ആളുകളും ആവശ്യമായ പ്രതിരോധ കുത്തിവയ്പ്പുകൾ എടുത്തിട്ടുണ്ടെന്നും യാത്ര പുറപ്പെടുന്നതിന് മുൻപായി അന്താരാഷ്ട്ര വാക്സിനേഷൻ എടുത്തത് കാർഡുകളിൽ രേഖപ്പെടുത്തിയിട്ടുണ്ടെന്ന് ഉറപ്പാക്കണമെന്നും ആരോഗ്യ പ്രതിരോധ മന്ത്രാലയം അറിയിച്ചു.തീർഥാടകർക്ക് നിർബന്ധമായും എടുക്കേണ്ട രണ്ട് വാക്സിനേഷനുകൾ മെനിഞ്ചോകോക്കൽ വാക്സിനും സീസണൽ ഇൻഫ്ലുവൻസ വാക്സിനുമാണെന്നും വ്യക്തമാക്കി. യുഎഇയിലുടനീളമുള്ള പൊതു സ്വകാര്യ ആരോഗ്യ സംരക്ഷണ കേന്ദ്രങ്ങളിൽ ഈ വാക്സിനുകൾ ലഭ്യമാണ്. ശരീരത്തിന് ആവശ്യമായ പ്രതിരോധശേഷി ലഭിക്കുന്നതിന് യാത്ര പുറപ്പെടുന്നതിന് കുറഞ്ഞത് 10 ദിവസം മുമ്പെങ്കിലും ഈ വാക്സിനുകൾ എടുക്കേണ്ടത് അത്യാവശ്യമാണ് എന്നും അറിയിച്ചു.
കൂടാതെ 65 വയസ്സോ അതിൽ കൂടുതലോ പ്രായമുള്ളവർക്കും വിട്ടുമാറാത്ത ആരോഗ്യപ്രശ്നങ്ങളുള്ളവർക്കും ന്യൂമോകോക്കൽ വാക്സിൻ, കോവിഡ് 19 വാക്സിൻ തുടങ്ങിയ ഓപ്ഷണൽ വാക്സിനേഷനുകൾ എടുക്കുന്നത് നല്ലതാണെന്നും മന്ത്രാലയം വ്യക്തമാക്കി. പ്രതിരോധ കുത്തിവെപ്പുകൾക്ക് പുറമെ തീർത്ഥാടകർക്ക് ആവശ്യമായ മറ്റ് ആരോഗ്യ സുരക്ഷാ മാർഗ്ഗനിർദ്ദേശങ്ങളും വിശദീകരിച്ചു.
യാത്ര പുറപ്പെടുന്നതിന് മുൻപ് ഒരു ഡോക്ടറെ സന്ദർശിച്ച് ആവശ്യമായ നിർദ്ദേശങ്ങൾ തേടണം നിർദ്ദേശിച്ച മരുന്നുകൾ യഥാർത്ഥ പാക്കേജിംഗിൽ ആവശ്യത്തിന് കൈവശം വെക്കുക, ആരോഗ്യസ്ഥിതിയും മരുന്ന് കഴിക്കേണ്ട രീതിയും വിശദീകരിക്കുന്ന ഒരു മെഡിക്കൽ റിപ്പോർട്ട്ക കയ്യിൽ കരുതുക തുടങ്ങിയ കാര്യങ്ങളും പറഞ്ഞു.
അതേസമയം തീർഥാടകരുടെ ആരോഗ്യവും ക്ഷേമവും ഉറപ്പാക്കുന്നതിനായി എമിറേറ്റ്സ് ഹെൽത്ത് സർവീസസ് ഹജ്ജുമായി ബന്ധപ്പെട്ട മെഡിക്കൽ പരിശോധനകൾക്കും വാക്സിനേഷനുകൾക്കുമായി ഒരു പ്രത്യേക ഓൺലൈൻ ബുക്കിംഗ് സംവിധാനം കൂടെ ആരംഭിച്ചിട്ടുണ്ട്. തീർത്ഥാടകർക്ക് എമിറേറ്റ്സ് ഹെൽത്ത് സർവീസസ് ആപ്പ് വഴിയോ 800 8877 എന്ന നമ്പറിൽ ബന്ധപ്പെട്ടോ അപ്പോയിന്റ്മെന്റുകൾ ബുക്ക് ചെയ്യാൻ സാധിക്കും.
പുണ്യകർമ്മങ്ങൾക്കായി ജിദ്ദയിലെ കിംഗ് അബ്ദുൽ അസീസ് അന്താരാഷ്ട്ര വിമാനത്താവളത്തിൽ എത്തുന്ന ആദ്യ തീർത്ഥാടക സംഘങ്ങളെ സ്വീകരിക്കാനായി യുഎഇയുടെ ഔദ്യോഗിക ഹജ്ജ് പ്രതിനിധി സംഘം മക്കയിൽ ഒരുക്കങ്ങൾ തുടങ്ങി. തീർത്ഥാടകരുടെ താമസത്തിലുടനീളം സുഖവും സുരക്ഷയും ഉറപ്പാക്കുന്നതിനുള്ള ഒരുക്കങ്ങളും ഭരണപരവും വൈദ്യശാസ്ത്രപരവുമായ ക്രമീകരണങ്ങളും സംഘം ഉറപ്പ് വരുത്തും.
ജനറൽ അതോറിറ്റി ഓഫ് ഇസ്ലാമിക് അഫയേഴ്‌സ് ആൻഡ് എൻഡോവ്‌മെൻ്റ് നിശ്ചയിച്ചിട്ടുള്ള മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കാൻ യുഎഇയുടെ ഔദ്യോഗിക ഹജ്ജ് പ്രതിനിധി സംഘം മിനയിലെയും അറഫത്തിലെയും താമസ സ്ഥലങ്ങളിൽ പരിശോധന നടത്തി. ജിഎഐഎ ഇയുടെ കണക്കനുസരിച്ച് ഈ വർഷം 6,228 എമിറാത്തികൾ ഹജ്ജ് നിർവഹിക്കും എന്നാണ് അറിയിപ്പ് കൂടാതെ ഇതിൽ 5,648 പേർ ആദ്യമായി ഹജ്ജ് ചെയ്യുന്നവരുമാണ്.
Comments (0)