Summer offer in uae; ഈ വേനലവധി ആഘോഷമാക്കി യുഎഇയിൽ തന്നെ താങ്ങാം;ആകർഷകമായ ഓഫറുകളുമായി ഹോട്ടലുകൾ
Summer offer in uae:യുഎഇ: വേനൽ അവധികാലം എത്തിയതോടെ മറ്റ് രാജ്യങ്ങൾ സന്ദർശിക്കാൻ ആഗ്രഹിക്കുന്ന യുഎഇ നിവാസികൾ യുഎഇയിൽ തന്നെ അവധികാലം ആഘോഷിക്കുന്നതായ റിപ്പോർട്ടുകൾ പുറത്ത്. വിമാന ടിക്കറ്റുകളുടെ വിലവർധനയും വിസ ലഭിക്കുന്നതിലെ ബുദ്ധിമുട്ടുകളും വിദേശ യാത്രകൾക്ക് വലിയ തലവേദനയാണ് സൃഷ്ടിക്കുന്നത്.സാധാരണയായി ഈ സമയങ്ങളിൽ ചൂട് കൂടുതലാണെങ്കിലും യാത്രാച്ചെലവ് കുറവായതുകൊണ്ടാണ് പലരും വേനൽക്കാലമാണ് യാത്രയ്ക്കായി തിരഞ്ഞെടുക്കാറുള്ളത്. എന്നാൽ ഈ വർഷം ടിക്കറ്റ് നിരക്ക് കുതിച്ചുയർന്നതും വിസ ലഭിക്കുന്നതിലെ കാലതാമസവും യാത്രികരെ ഏറെ ബുദ്ധിമുട്ടിലാക്കുന്നു.
കൂടാതെ വിമാന നിരക്കുകൾ കുതിച്ചുയർന്നതോടെ അന്താരാഷ്ട്ര യാത്രകൾ കൂടുതൽ ചെലവേറിയതായതായും യുഎഇയിൽ തന്നെ തങ്ങാൻ ആളുകളെ പ്രേരിപ്പിക്കുന്നു. ഇതോടെ നിരവധി യുഎഇ നിവാസികൾ വേനൽ അവധിക്കാലം യുഎഇയിൽ തന്നെ ആസ്വദിക്കാൻ തീരുമാനിച്ചിരിക്കുകയാണ്.
കഴിഞ്ഞ വർഷങ്ങളിൽ വിദേശത്തേക്ക് പോയ ആളുകൾ പോലും ഇത്തവണ യുഎഇയിൽ സമയം ചെലവഴിക്കാൻ തിരഞ്ഞെടുക്കുന്നു. ഇതിന് കാരണം യുഎഇയിലെ പല ഹോട്ടലുകളും റിസോർട്ടുകളും വേനൽക്കാലത്ത് ആകർഷകമായ ഓഫറുകൾ പ്രഖ്യാപിച്ചു എന്നതാണ്. ഇതിൽ ഏറ്റവും ശ്രദ്ധേയമായ ഒന്നാണ് വെറും 99 ദിർഹമിന് താമസ സൗകര്യം എന്ന ഓഫർ.
സാധാരണയായി ഒരു ദിവസത്തെ ഹോട്ടൽ താമസത്തിന് വലിയ തുക മുടക്കേണ്ടി വരുന്ന സ്ഥാനത്ത് ഇത്രയും കുറഞ്ഞ നിരക്കിൽ താമസസൗകര്യം ലഭിക്കുന്നത് ലോ ബഡ്ജറ്റ് യാത്രികർക്ക് വലിയ സഹായമാണ് നൽകുന്നത്. ഈ വർഷം വിദേശത്തേക്കുള്ള വിമാന ടിക്കറ്റുകൾക്ക് വൻ വിലവർദ്ധനയാണ് ഉണ്ടായിരിക്കുന്നത്.
ഇത് പല കുടുംബങ്ങൾക്കും വിദേശയാത്രകൾ താങ്ങാനാവാത്തതാക്കുകയും ചെയ്തു. വിസ നടപടികൾ സങ്കീർണ്ണമാവുകയും കാലതാമസം നേരിടുകയും ചെയ്യുന്നത് യാത്ര മുടങ്ങാൻ കാരണമാകുന്നു. വിമാന ടിക്കറ്റുകൾ കൂടാതെ ഹോട്ടൽ താമസം, ഭക്ഷണം, മറ്റ് വിനോദങ്ങൾ എന്നിവയുടെയെല്ലാം ചെലവ് ഉയർന്നതും ജനങ്ങളെ സ്വന്തം നാട്ടിൽ അവധിക്കാലം ആഘോഷിക്കാൻ പ്രേരിപ്പിക്കുന്നതായി വിദഗ്ദ്ധർ പറയുന്നു.
പലരും യാത്രാച്ചെലവുകൾ കൂട്ടിനോക്കിയപ്പോൾ കഴിഞ്ഞ വർഷങ്ങളെ അപേക്ഷിച്ച് ഇത്തവണ ചെലവുകൾ ഇരട്ടിയായതായി വ്യക്തമാണ്. നാലംഗ കുടുംബത്തിന് ഒരു ചെറിയ വിദേശ യാത്ര പോലും വളരെ ചെലവേറിയതാണെന്ന് പലരും അഭിപ്രായപ്പെടുന്നത്. പ്രാദേശിക അവധിക്കാല യാത്രകളോടുള്ള വർദ്ധിച്ചുവരുന്ന താൽപ്പര്യം നിറവേറ്റുന്നതിനായി പല ഹോട്ടലുകളും റിസോർട്ടുകളും മികച്ച വേനൽക്കാല ഡീലുകൾ വാഗ്ദാനം ചെയ്യുന്നു.
ഇവയിൽ സാധാരണ സമയത്തിന് മുൻപേ മുറികളിൽ പ്രവേശിക്കാനുള്ള നേരത്തെയുള്ള ചെക്ക്-ഇൻ, മടങ്ങിപ്പോകുമ്പോൾ കൂടുതൽ സമയം മുറി ഉപയോഗിക്കാനുള്ള ലേറ്റ് ചെക്ക് ഔട്ട്, കുറഞ്ഞ മുറി നിരക്കുകൾ, ഭക്ഷണത്തിന് കിഴിവുകൾ, കുട്ടികൾക്കും മുതിർന്നവർക്കും ഒരുപോലെ ആസ്വദിക്കാൻ കഴിയുന്ന വിനോദ പരിപാടികൾ എന്നിവയെല്ലാം ഉൾപ്പെടുന്നു.
ഈ ആകർഷകമായ ഓഫറുകൾ കുടുംബങ്ങൾക്ക് വലിയ സാമ്പത്തിക ഭാരമില്ലാതെ യുഎഇയുടെ മനോഹരമായ കാഴ്ചകളും ആധുനിക സൗകര്യങ്ങളും ആസ്വദിക്കാൻ അവസരമൊരുക്കുകയും. വിദേശയാത്രകൾക്ക് പകരം സ്വന്തം നാട്ടിൽ തന്നെ വേനൽ അവധി ആഘോഷിക്കാൻ ആഗ്രഹിക്കുന്നവർക്ക് ഈ ഡീലുകൾ ഏറെ പ്രയോജനകരമാകുകയും ചെയ്യുന്നു.
Comments (0)