PRAVASI NEWS DAILY

dubai school fees:ദുബായ്: സ്വകാര്യ സ്കൂളുകളിലെ ഫീസുകളെ കുറിച്ച് അറിയാൻ നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി രക്ഷിതാക്കളെ സഹായിക്കാൻ എത്തുന്നു. സ്കൂൾ ഫീസ് ഫാക്ട് ഷീറ്റ് എന്ന രേഖയിലൂടെ ഫീസുകളെക്കുറിച്ച് വ്യക്തമായ വിവരം ലഭിക്കും. ഇത് രക്ഷിതാക്കൾക്ക് സ്കൂൾ ഫീസിനെക്കുറിച്ച് ഒരു ധാരണ നൽകുന്നു. 2022 ജൂൺ മുതലാണ് ഈ സംവിധാനം നിലവിൽ വന്നത്. ഓരോ അധ്യയന വർഷം തുടങ്ങുന്നതിന് മുൻപ് തന്നെ എല്ലാ സ്വകാര്യ സ്കൂളുകളും ഈ രേഖ നൽകണം. ഫീസ് സംബന്ധിച്ചുള്ള എല്ലാ വിവരങ്ങളും ഇതിൽ ഉണ്ടാകും.
നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി യുടെ വെബ്സൈറ്റിലും സ്കൂളിന്റെ വെബ്സൈറ്റിലും ഇത് ലഭ്യമാണ്. ഓരോ വർഷവും ഈ ഫാക്ട് ഷീറ്റ് പുതുക്കും. ഇതിൽ ഒരു QR കോഡ് ഉണ്ടാകും. ഇത് ഉപയോഗിച്ച് രേഖയുടെ ആധികാരികത ഉറപ്പുവരുത്താം.

ദുബായിലെ എല്ലാ സ്വകാര്യ സ്കൂളുകളും ഇത് നിർബന്ധമായും നൽകണം. ഓരോ അധ്യയന വർഷം തുടങ്ങുന്നതിന് മുൻപ് രക്ഷിതാക്കൾക്ക് ഈ രേഖ നൽകിയിരിക്കണം എന്നാണ് നിയമം. ഇതിൽ രക്ഷിതാക്കൾ അടയ്‌ക്കേണ്ട ഫീസുകളെക്കുറിച്ചുള്ള വിവരങ്ങൾ ഉണ്ടാകും. രക്ഷിതാക്കൾക്ക് അവരുടെ സാമ്പത്തികപരമായ കാര്യങ്ങൾ മുൻകൂട്ടി പ്ലാൻ ചെയ്യാൻ ഇതിലൂടെ സഹായിക്കുന്നു. ഒരു വർഷമാണ് ഈ ഫാക്ട് ഷീറ്റിന്റെ കാലാവധി.

ട്യൂഷൻ ഫീസ്, അപേക്ഷ ഫീസ്, രജിസ്ട്രേഷൻ ഫീസ്, റീ-എൻറോൾമെന്റ് ഫീസ് എന്നിവ
നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി യുടെ നിയന്ത്രണത്തിലുള്ളവയാണ്. ഈ ഫിസ് വിവരങ്ങൾ ഷീറ്റിൽ ഉണ്ടായിരിക്കും. സ്കൂളുമായി ബന്ധപ്പെട്ട മറ്റു ചിലവുകൾ. ഉദാഹരണത്തിന് യാത്രാ ചിലവ്, എക്സ്ട്രാ കരിക്കുലർ ആക്ടിവിറ്റീസ്, സ്കൂൾ ട്രിപ്പുകൾ, പുസ്തകങ്ങൾ എന്നിവയുടെ വിവരങ്ങൾ ഈ ഷീറ്റിൽ ഉണ്ടായിരിക്കും. ഓപ്ഷണൽ ഫീസുകൾ സാധാരണയായി പാഠ്യപദ്ധതിയുടെ ഭാഗമല്ല. സ്കൂളോ അല്ലെങ്കിൽ മറ്റു സ്ഥാപനങ്ങളോ നൽകുന്ന സേവനങ്ങൾക്ക് ഈടാക്കുന്ന ഫീസാണിത്. രക്ഷിതാക്കൾക്ക് താല്പര്യമുണ്ടെങ്കിൽ മാത്രം ഈ ഫീസ് കൊടുത്താൽ മതി. മുൻകൂട്ടി എല്ലാ ഫീസുകളെ കുറിച്ച് വിവരങ്ങൾ ലഭിച്ചാൽ ഫീസ് അടക്കുന്നത് സംബന്ധിച്ച് ഒരു ധാരണ രക്ഷിതാക്കൾക്ക് ലഭിക്കും.

ദുബായിലെ സ്വകാര്യ സ്കൂളുകളിൽ ട്യൂഷൻ ഫീസ് കൂട്ടുന്നതിന് ചില നിയമങ്ങളുണ്ട്.
നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി യുടെ അനുമതിയില്ലാതെ ഫീസ് കൂട്ടാൻ കഴിയില്ല. ഇത് രക്ഷിതാക്കൾക്ക് സാമ്പത്തികപരമായ സ്ഥിരത നൽകുന്നു.

രക്ഷിതാക്കളുടെ ഇടയിലുള്ള പ്രധാന സംശയങ്ങളിൽ ഒന്നാണ് പുസ്തകങ്ങളും യൂണിഫോമുകളും സ്കൂളിൽ നിന്ന് തന്നെ വാങ്ങണോ? എന്നാൽ ഇതിൽ ചില മാറ്റങ്ങളുണ്ട്:
– നിർബന്ധമായ പുസ്തക ഫീസ് ചിലപ്പോൾ നൽകണ്ടിവരും. അങ്ങനെയാണെങ്കിൽ രക്ഷിതാക്കൾ പുസ്തകങ്ങൾ സ്കൂളിൽ നിന്ന് തന്നെ വാങ്ങണം.
– ഓപ്ഷണൽ പുസ്തക ഫീസ് എന്ന സംവിധാനം ചിലപ്പോൾ ഉണ്ടാകും. അങ്ങനെയാണെങ്കിൽ രക്ഷിതാക്കൾക്ക് പുസ്തകങ്ങൾ സ്കൂളിൽ നിന്നോ പുറത്തുനിന്നോ വാങ്ങാനുള്ള സൗകര്യമുണ്ട്.
ചില സ്കൂളുകൾ പുസ്തകങ്ങളുടെ വില ട്യൂഷൻ ഫീസിൽ തന്നെ ഉൾപ്പെടുത്തും. അതിനാൽ വേറെ പണം നൽകേണ്ടതില്ല. യൂണിഫോം സ്കൂളിൽ നിർബന്ധമാണ്. എന്നാൽ ചില സ്കൂളുകൾ പുറത്തുനിന്നുള്ള കടകളിൽ നിന്നും വാങ്ങാൻ അനുവദിക്കും.

എങ്ങനെ ഫീസ് ഫാക്ട് ഷീറ്റ് ലഭിക്കും?
khda.gov.ae/en/Education-Directory/Schools എന്ന വെബ്സൈറ്റ് സന്ദർശിക്കുക
ഏത് സ്കൂളിന്റെ ഫാക്ട് ഷീറ്റാണ് വേണ്ടത് ആ സ്കൂളിന്റെ പേര് തിരഞ്ഞെടുക്കുക.
സ്കൂളിന്റെ പേജ് തുറന്നു വരും.
“ഫീസ് ഷീറ്റ്” എന്ന് വലതുവശത്ത് കാണുന്ന ബട്ടണിൽ ക്ലിക്ക് ചെയ്യുക. അപ്പോൾ നിങ്ങൾക്ക് സ്കൂൾ ഫീസ് ഫാക്ട് ഷീറ്റ് കാണാൻ കഴിയും.
സ്കൂളിന്റെ ഫീസ് ഫാക്ട് ഷീറ്റിൽ വിവരങ്ങൾ ലഭിക്കുന്നത് രക്ഷിതാക്കൾക്ക് വളരെ ഉപകാരമാണ്. ഒരു വർഷത്തേക്കുള്ള അവരുടെ ബജറ്റ് പ്ലാൻ ചെയ്യാൻ സാധിക്കും

Home

യുഎഇ ലോട്ടറി : ഭാഗ്യശാലികൾ ഇവരാണ്, ഏഴ് വിജയികൾ, 100,000 ദിർഹം വീതം സമ്മാനം

യുഎഇയിൽ നിയന്ത്രിത മരുന്നുകൾ കടത്തിയ ഏഷ്യൻ യാത്രക്കാരന് സംഭവിച്ചത്!