PRAVASI NEWS DAILY

UAE to Oman for Under 100 AED ;ദുബൈ: നിങ്ങൾ ഒരു യുഎഇ നിവാസിയോ വിനോദസഞ്ചാരിയോ ആയിക്കൊള്ളട്ടെ, ഒമാനിലേക്ക് ഏറ്റവും കുറഞ്ഞ ചെലവിൽ യാത്ര ചെയ്യാൻ ആഗ്രഹിക്കുന്നുണ്ടെങ്കിൽ അതിനുള്ള ഏറ്റവും നല്ല ഓപ്ഷൻ ഇതാണ്. അബൂദബിയിൽ നിന്നും ഷാർജയിൽ നിന്നും മസ്കത്തിലേക്ക് ദിവസേന അന്താരാഷ്ട്ര ബസുകൾ സർവിസ് നടത്തുന്നുണ്ട്. ഇതിൽ ഒന്നിൽ യാത്ര ചെയ്യുന്നത് ചെലവ് കുറക്കാൻ നിങ്ങളെ സഹായിക്കും. ഒമാന്റെ ദേശീയ പൊതുഗതാഗത കമ്പനിയായ മുവാസലാത്താണ് ഈ സർവിസുകൾ നടത്തുന്നത്, അതിർത്തി കടന്നുള്ള യാത്രയ്ക്ക് സൗകര്യപ്രദവും ബജറ്റ് സൗഹൃദവുമായ ഓപ്ഷനാണ് ഇത്. 

അബൂദബി – മസ്കത്ത്
2023 ഒക്ടോബറിൽ, യുഎഇയിൽ നിന്ന് ഒമാനിലേക്കുള്ള ബസ് സർവിസ് പുനരാരംഭിച്ചു. റൂട്ട് 202 ബസ് മസ്‌കത്തിനും അബൂദബിക്കും ഇടയിൽ അൽ ഐൻ വഴി സഞ്ചരിക്കുന്നു, വഴിയിൽ നിരവധി സ്റ്റോപ്പുകൾ ഉണ്ട്. മസ്‌കത്തിലേക്കുള്ള മടക്കയാത്രയ്ക്കായി അബൂദബി സെൻട്രൽ ബസ് സ്റ്റേഷനിൽ നിന്നും ബസുകൾ ലഭിക്കും.

ബസ് പിക്ക്-അപ്പ് പോയിന്റുകൾ

1) അബൂദബി സെൻട്രൽ ബസ് സ്റ്റേഷൻ – അൽ വഹ്ദയിലെ റാഷിദ് ബിൻ സയീദ് അൽ മക്തൂം സ്ട്രീറ്റിൽ സ്ഥിതി ചെയ്യുന്നു, സോൺ 1.

2) അൽ ഐൻ സെൻട്രൽ ബസ് സ്റ്റേഷൻ – സെൻട്രൽ ഡിസ്ട്രിക്റ്റിലെ അൽ വിഫാദ സ്ട്രീറ്റിൽ സ്ഥിതി ചെയ്യുന്നു.

യാത്രാ ചെലവ്

വൺവേ ടിക്കറ്റിന്റെ നിരക്ക് 11.5 ഒമാൻ റിയാൽ ആണ് (ദിർഹം 109.70) ആണ്, അതേസമയം ഒരു റൗണ്ട് ട്രിപ്പിന്റെ നിരക്ക് 22 ഒമാൻ റിയാൽ (ദിർഹം 209.82) ആണ്. 45 മിനിറ്റ് മുതൽ ഒരു മണിക്കൂർ വരെ ഇടവേള ഉൾപ്പെടെ ആകെ യാത്രാ സമയം ഏകദേശം ഒമ്പത് മണിക്കൂറാണെന്ന് മുവാസലാത്ത് പറയുന്നു.

ബസ് സമയം

അബൂദബിയിൽ നിന്ന് പുറപ്പെടുന്ന സമയം: രാവിലെ 11.45

മസ്കത്തിൽ എത്തിച്ചേരുന്ന സമയം: രാത്രി 9.50

യാത്രാ ദൈർഘ്യം: ഏകദേശം 10 മണിക്കൂർ

ഷാർജ – മസ്കത്ത്

2024 ഫെബ്രുവരിയിൽ മുവാസലാത്ത് ഷാർജയെ മസ്‌കത്തുമായി ബന്ധിപ്പിക്കുന്ന ഒരു പുതിയ ബസ് റൂട്ട് ആരംഭിച്ചു. റൂട്ട് 203 ഷാർജയിൽ നിന്ന് മസ്‌കത്തിലേക്കും, മസ്കത്തിൽ നിന്ന് ഷാർജയിലേക്കും പ്രതിദിനം രണ്ട് സർവിസുകൾ നടത്തുന്നു.

ചെലവ്

വൺവേ ടിക്കറ്റ് 10 ഒമാൻ റിയാൽ (ദിർഹം 95)

റൗണ്ട് ട്രിപ്പ് നിരക്ക് 19 ഒമാൻ റിയാൽ (ദിർഹം 180.50).

ബസ് സമയം

ഷാർജയിൽ നിന്നും മസ്കത്തിൽ നിന്നും പുറപ്പെടുന്ന സമയം: ദിവസവും രാവിലെ 6.30 നും വൈകുന്നേരം 4 നും.

യാത്രാ ദൈർഘ്യം: എട്ട് മണിക്കൂർ

പിക്ക്-അപ്പ്, ഡ്രോപ്പ്-ഓഫ് പോയിന്റുകൾ

പിക്ക്-അപ്പ് പോയിന്റ്: അൽ ജുബൈൽ ബസ് സ്റ്റേഷൻ, ഷാർജ

അധിക പിക്ക്-അപ്പ്: കൽബ ഫോർട്ട്, ഷാർജ

മസ്കത്തിലെ ഡ്രോപ്പ്-ഓഫ് പോയിന്റുകൾ

അൽ മബേല നടപ്പാലം, അൽ ഖൗദ് പാലം, ബുർജ് സഹ്‌വ ബസ് സ്റ്റേഷൻ, മസ്‌കത്ത് അന്താരാഷ്ട്ര വിമാനത്താവളം, അസൈബ ബസ് സ്റ്റേഷൻ.

യാത്രക്കാർക്ക് 23 കിലോഗ്രാം ലഗേജും 7 കിലോഗ്രാം ഹാൻഡ് ബാ​ഗേജും അനുവദനീയമാണ്. കൂടാതെ 2 OMR (19.08 ദിർഹം) അധികം നൽകിയാൽ 10 കിലോഗ്രാം വരെ അധിക ലഗേജ് കൊണ്ടു പോകാം, അല്ലെങ്കിൽ 5 OMR (47.71 ദിർഹം) അധികം നൽകിയാൽ 25 കിലോഗ്രാം വരെ അധിക ലഗേജ് കൊണ്ടു പോകാവുന്നതാണ്. 

1 uae dirham in indian rupees പരിശോധിക്കാം യുഎ ഇ ലെ ഇന്നത്തെ വിനിമയ നിരക്ക്

ഇനി ടിക്കറ്റ് നിരക്കും ഫ്ലൈറ്റിന്റെ സമയവും അറിയാൻ എവിടെയും പോകേണ്ട ഈ അടിപൊളി ആപ്പ് ഡൌൺലോഡ് ചെയ്യൂ ഏറ്റവും കുറഞ്ഞ നിരക്കിൽ യാത്ര ചെയ്യൂ

ബി​ഗ് ടിക്കറ്റ് നറുക്കെടുപ്പിൽ മലയാളിക്ക് സ്വന്തമാക്കിയത് ഒന്നര ലക്ഷം ദിർഹം

ചുട്ടുപൊള്ളി യുഎഇ: താപനില 44 ഡിഗ്രി സെൽഷ്യസിലേക്ക്…