Uae traffic alert:അറ്റകുറ്റപ്പണികള്‍: ദുബൈയിലെ പ്രധാന റൂട്ടുകളില്‍ രണ്ടുദിവസം റോഡ് അടച്ചിടും
Uae traffic alert: ദുബൈ: ദുബൈയിലെ പ്രധാന റൂട്ടുകളില്‍ രണ്ടുദിവസം താല്‍ക്കാലികമായി റോഡ് അടച്ചിടുമെന്ന് റോഡ്‌സ് & ട്രാന്‍സ്‌പോര്‍ട്ട് അതോറിറ്റി (Roads & Transport Authority -RTA) മുന്നറിയിപ്പ് നല്‍കി. നാളെ പുലര്‍ച്ചെ 12 മണി വരെയാണ് അടച്ചിടുന്നത്. അടിസ്ഥാന സൗകര്യ വികസന പ്രവര്‍ത്തനങ്ങള്‍ നടക്കുന്നതിനാലാണ് ക്രമീകരണം.
ദുബൈഅല്‍ ഐന്‍ റോഡുമായി (ഇ66) ജബല്‍ അലി- ലെഹ്ബാബ് റോഡിനെ (ഇ77) ഇരു ദിശകളിലേക്കും വിഭജിക്കുന്ന പാലത്തില്‍ അറ്റകുറ്റപ്പണികള്‍ക്കായാണ് അടച്ചിടല്‍.
ദുബൈ – അല്‍ ഐന്‍ റോഡിലേക്കുള്ള ഇരു ദിശകളില്‍ നിന്നും വലത്തേക്ക് സ്വതന്ത്രമായി തിരിയാന്‍ ഡ്രൈവര്‍മാര്‍ക്ക് നിര്‍ദേശമുണ്ട്.
ദുബൈ – അല്‍ ഐന്‍ റോഡില്‍ നിന്ന് ജബല്‍ അലി -ലെഹ്ബാബ് റോഡിലേക്കുള്ള ലൂപ്പുകള്‍ വഴിയുള്ള എക്‌സിറ്റും അടച്ചിരിക്കും. ബദല്‍ റൂട്ടായി ഇ66ലെ അടുത്ത എക്‌സിറ്റ് എടുക്കാവുന്നതാണ്.
എല്ലാ ഡ്രൈവര്‍മാരും തങ്ങളുടെ യാത്രകള്‍ മുന്‍കൂട്ടി ആസൂത്രണം ചെയ്യാനും കൂടുതല്‍ യാത്രാ സമയം പ്രതീക്ഷിക്കാനും കാലതാമസം കുറയ്ക്കുന്നതിന് ബദല്‍ വഴികള്‍ ഉപയോഗിക്കാനും ആര്‍.ടി.എ അഭ്യര്‍ഥിച്ചു.
Comments (0)