PRAVASI NEWS DAILY

UAEs Commitment to Regulating labour relations:2021-ലെ 33-ാം നമ്പർ ഫെഡറൽ ഡിക്രി-നിയമം അനുസരിച്ച് തൊഴിൽ ബന്ധങ്ങൾ നിയന്ത്രിക്കുന്നതിനും തൊഴിലുടമകളുടെയും തൊഴിലാളികളുടെയും അവകാശ-ബാധ്യതകൾ സന്തുലിതമായി നിർവചിക്കുന്നതിനും യുഎഇ  പ്രതിജ്ഞാബദ്ധമാണ്. ഈ നിയമം തൊഴിലുടമകൾക്കും തൊഴിലാളികൾക്കും അവരുടെ അവകാശങ്ങൾ ഉറപ്പാക്കുന്നതിനൊപ്പം, മാനവ വിഭവ, എമിറേറ്റൈസേഷൻ മന്ത്രാലയത്തിന്റെ (MoHRE) തീരുമാനങ്ങളും, ചട്ടങ്ങളും പാലിക്കുന്നു.

യുഎഇ സർക്കാരിന്റെ ദർശനവും, ലക്ഷ്യങ്ങളും നിറവേറ്റുന്നതിന് മന്ത്രാലയം പ്രതിജ്ഞാബദ്ധമാണ്. ഈ ലക്ഷ്യം കൈവരിക്കുന്നതിനായി, തൊഴിലുടമകൾക്കായി ഒരു അവബോധ ടൂൾകിറ്റ് മന്ത്രാലയം പുറത്തിറക്കി. തൊഴിലാളികളുമായുള്ള കരാർ ബന്ധങ്ങൾ മെച്ചപ്പെടുത്തുന്ന പ്രധാന അവകാശങ്ങളും ബാധ്യതകളും പരിചയപ്പെടുത്തുക, സുസ്ഥിരവും സന്തുലിതവുമായ തൊഴിൽ അന്തരീക്ഷം സൃഷ്ടിക്കുക എന്നിവയാണ് ഈ ടൂൾകിറ്റിന്റെ ലക്ഷ്യം. 

തൊഴിലാളികൾക്കുള്ള ഏഴ് തരം അവധികൾ

2021-ലെ 33-ാം നമ്പർ ഫെഡറൽ ഡിക്രി-നിയമം അനുസരിച്ച്, സ്വകാര്യ മേഖലയിലെ തൊഴിലാളികൾക്ക് ഏഴ് തരം അവധികൾ ലഭ്യമാണ്. ഇവയിൽ വാർഷിക അവധി, രോഗാവധി, പഠന അവധി, രക്ഷാകർതൃ അവധി, മരണാനന്തര അവധി, ദേശീയ സേവന അവധി, സ്ത്രീ തൊഴിലാളികൾക്കുള്ള പ്രസവാവധി എന്നിവ ഉൾപ്പെടുന്നു.

ടൂൾകിറ്റിൽ വിശദീകരിച്ചിരിക്കുന്ന പ്രകാരം:

വാർഷിക അവധി

ഓരോ വർഷത്തെ സേവനത്തിനും 30 ദിവസത്തെ പൂർണ വേതനത്തോടുകൂടിയ അവധി ലഭിക്കും. ആറ് മാസത്തിൽ കൂടുതൽ മുതൽ ഒരു വർഷത്തിൽ താഴെ സേവനമുള്ളവർക്ക് മാസം രണ്ട് ദിവസം അവധി. അവധി ഉപയോഗിക്കാതെ സേവനം അവസാനിച്ചാൽ, ബാക്കി അവധിക്കുള്ള പ്രതിഫലം ലഭിക്കും.

പ്രസവാവധി: സ്ത്രീ തൊഴിലാളികൾക്ക് 60 ദിവസത്തെ പ്രസവാവധി ലഭിക്കും (45 ദിവസം പൂർണ വേതനത്തോടെ, തുടർന്നുള്ള 15 ദിവസം പകുതി വേതനത്തോടെ).

രോഗാവധി

ഒരു തൊഴിലാളിക്ക് തൊഴിലുമായി ബന്ധപ്പെടാത്ത രോഗമുണ്ടായാൽ, മൂന്ന് പ്രവൃത്തി ദിവസത്തിനുള്ളിൽ തൊഴിലുടമയെ (അല്ലെങ്കിൽ പ്രതിനിധിയെ) അറിയിക്കണം, അംഗീകൃത മെഡിക്കൽ സ്ഥാപനത്തിൽ നിന്നുള്ള റിപ്പോർട്ട് സമർപ്പിക്കണം. പ്രൊബേഷൻ കാലയളവിന് ശേഷം, തൊഴിലാളിക്ക് വർഷത്തിൽ 90 ദിവസം വരെ (തുടർച്ചയായോ വിടവിട്ടോ) രോഗാവധി ലഭിക്കും:

1) ആദ്യ 15 ദിവസം: പൂർണ വേതനം
2) അടുത്ത 30 ദിവസം: പകുതി വേതനം
3) ബാക്കി ദിവസങ്ങൾ: വേതനമില്ല

മരണാനന്തര അവധി

പങ്കാളിയുടെ മരണത്തിൽ അഞ്ച് ദിവസവും, മാതാപിതാക്കൾ, മക്കൾ, സഹോദരങ്ങൾ, പേരക്കുട്ടികൾ, മുത്തശ്ശി/മുത്തശ്ശൻ എന്നിവരുടെ മരണത്തിൽ മരണ തീയതി മുതൽ മൂന്ന് ദിവസം വരെ മരണാനന്തര അവധി ലഭിക്കും.

രക്ഷാകർതൃ അവധി

കുഞ്ഞിന്റെ ജനനത്തിന് ശേഷം ആറ് മാസത്തിനുള്ളിൽ, രക്ഷിതാക്കൾക്ക് (അച്ഛനോ അമ്മയോ) തുടർച്ചയായോ ഇടവിട്ടോ അഞ്ച് പ്രവൃത്തി ദിവസത്തെ അവധി ലഭിക്കും.

പഠന അവധി

യുഎഇയിലെ അംഗീകൃത വിദ്യാഭ്യാസ സ്ഥാപനങ്ങളിൽ ചേരുന്ന തൊഴിലാളികൾക്ക് പരീക്ഷ എഴുതുന്നതിനായി വർഷത്തിൽ 10 പ്രവൃത്തി ദിവസത്തെ പഠന അവധി ലഭിക്കും. എന്നാൽ ഇവർ കുറഞ്ഞത് രണ്ട് വർഷത്തെ സേവനം പൂർത്തിയാക്കിയിരിക്കണം.

ദേശീയ സേവന അവധി

നിർബന്ധിത ദേശീയ സേവനത്തിനായി യുഎഇ പൗരന്മാർക്ക് പൂർണ വേതനത്തോടുകൂടിയ അവധി ലഭിക്കും. ഇതിന് അധികൃതരിൽ നിന്നുള്ള തെളിവ് ആവശ്യമാണ്.

ഔദ്യോഗിക പൊതു അവധികൾ

കാബിനറ്റ് തീരുമാനപ്രകാരം നിശ്ചയിക്കപ്പെട്ട ഔദ്യോഗിക പൊതു അവധികളിൽ തൊഴിലാളികൾക്ക് പൂർണ വേതനത്തോടുകൂടിയ അവധി ലഭിക്കും. ജോലി സാഹചര്യങ്ങൾ മൂലം പൊതു അവധി ദിവസം ജോലി ചെയ്യേണ്ടി വന്നാൽ, തൊഴിലുടമ അതിന് പകരം മറ്റൊരു വിശ്രമ ദിനം നൽകുകയോ, സാധാരണ വേതനത്തിന് പുറമെ കുറഞ്ഞത് 50% അധിക വേതനം നൽകുകയോ ചെയ്യണം.

പ്രതിമാസ വേതനം

തൊഴിലുടമയും തൊഴിലാളിയും പ്രതിമാസ വേതനം സംബന്ധിച്ച് ധാരണയിലെത്തി, അത് തൊഴിൽ കരാറിൽ വ്യക്തമാക്കണം. നിയമങ്ങൾക്കനുസൃതമായി വേതനം യഥാസമയം നൽകാൻ തൊഴിലുടമ ബാധ്യസ്ഥനാണ്. മറ്റൊരു കരാർ ഇല്ലെങ്കിൽ, വേതനം യുഎഇ ദിർഹമിൽ നൽകണം.

സേവനാന്ത്യ ആനുകൂല്യങ്ങൾ

1) ഒരു വർഷം തുടർച്ചയായ സേവനത്തിന് ശേഷം, പ്രവാസി തൊഴിലാളികൾക്ക് സേവനാന്ത്യ ഗ്രാറ്റുവിറ്റിക്ക് അർഹതയുണ്ട്:

2) ആദ്യ അഞ്ച് വർഷത്തേക്ക് ഓരോ വർഷവും 21 ദിവസത്തെ അടിസ്ഥാന വേതനം

3) തുടർന്നുള്ള ഓരോ വർഷവും 30 ദിവസത്തെ അടിസ്ഥാന വേതനം

4) ഗ്രാറ്റുവിറ്റി അവസാന അടിസ്ഥാന വേതനത്തിന്റെ അടിസ്ഥാനത്തിൽ കണക്കാക്കും.

5) ബാധകമായ ദേശീയ സംവിധാനങ്ങൾക്കനുസൃതമായി യുഎഇ പൗരന്മാർക്ക് സേവനാന്ത്യ ആനുകൂല്യങ്ങൾ ലഭിക്കും.

Home

ഇനി ടിക്കറ്റ് നിരക്കും ഫ്ലൈറ്റിന്റെ സമയവും അറിയാൻ എവിടെയും പോകേണ്ട ഈ അടിപൊളി ആപ്പ് ഡൌൺലോഡ് ചെയ്യൂ ഏറ്റവും കുറഞ്ഞ നിരക്കിൽ യാത്ര ചെയ്യൂ

ഒരു ജീവൻ പൊലിഞ്ഞ നിമിഷം; കാൽനടയാത്രക്കാരനെ കാറിടിക്കുന്ന വീഡിയോയുമായി ഷാർജ പോലീസിന്റെ മുന്നറിയിപ്പ്