PRAVASI NEWS DAILY

Uae law; യുഎഇ: 2025 ജൂൺ മുതൽ ഡിസംബർ വരെ യുഎഇയിൽ പുതിയ നിയമങ്ങളും പിഴകളും പ്രാബല്യത്തിൽ വന്നു. സ്വദേശിവൽക്കരണം പ്രോത്സാഹിപ്പിക്കുന്നതിനുള്ള പിഴ വർധിപ്പിച്ചു, പുതിയ പോഷകാഹാര ലേബലിംഗ് നിയമങ്ങൾ നടപ്പാക്കി, ദുബായിൽ സാലിക് ടോൾ സംവിധാനം വിപുലീകരിച്ചു, പാർക്കിംഗ് ഫീസിലും സ്വകാര്യതാ നിയമങ്ങളിലും മാറ്റങ്ങൾ വരുന്നു.

വിഷൻ 2030 സംരംഭങ്ങളുടെ ഭാഗമായി യുഎഇ നിയമപരമായ ചട്ടക്കൂടുകൾ കാലാനുസൃതമായി പരിഷ്കരിക്കുന്നു.സ്വദേശിവൽക്കരണം ലക്ഷ്യമിട്ടുള്ള നിയമലംഘനങ്ങൾക്കുള്ള പിഴകൾ 2025 ജൂലൈയിൽ വർദ്ധിപ്പിച്ചു. 50-ൽ അധികം ജീവനക്കാരുള്ള സ്വകാര്യ കമ്പനികൾ 2025 അവസാനത്തോടെ തങ്ങളുടെ ജീവനക്കാരിൽ കുറഞ്ഞത് 4% എങ്കിലും യുഎഇ പൗരന്മാരായിരിക്കണം എന്ന് ഉറപ്പാക്കണം. നിയമലംഘനത്തിന് 96,000 ദിർഹം പിഴ ഈടാക്കും. കഴിഞ്ഞ മാസം ഇത് സംബന്ധിച്ച സർക്കുലർ പുറത്തിറക്കി.

അബുദാബിയിൽ ജൂൺ 1 മുതൽ പുതിയ പോഷകാഹാര ലേബലിംഗ് സമ്പ്രദായം നിലവിൽ വന്നു. എല്ലാ പാക്കേജ്ഡ് ഭക്ഷണങ്ങളിലും പോഷകാഹാര ഗ്രേഡിംഗ് നിർബന്ധമാക്കിയിട്ടുണ്ട്.
Mark ഇല്ലാത്ത ഉൽപ്പന്നങ്ങൾ പിൻവലിക്കുകയും ബന്ധപ്പെട്ടവർക്ക് പിഴ ചുമത്തുകയും ചെയ്യും. ഒരു ഉൽപ്പന്നത്തിന്റെ പോഷകമൂല്യം A മുതൽ E വരെ ഗ്രേഡ് ചെയ്യുന്നു, A ആണ് ഏറ്റവും മികച്ചത്. ബേക്കറി ഉൽപ്പന്നങ്ങൾ, എണ്ണകൾ, പാലുത്പന്നങ്ങൾ, കുട്ടികളുടെ ഭക്ഷണങ്ങൾ, പാനീയങ്ങൾ എന്നിവയ്‌ക്കെല്ലാം ഇത് ബാധകമാണ്.

ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി ജൂൺ 2025-ൽ രണ്ട് പുതിയ സാലിക് ഗേറ്റുകൾ തുറന്നു. തിരക്ക് നിയന്ത്രിക്കുന്നതിന്റെ ഭാഗമായിട്ടാണ് ഇത്. Business Bay Crossing, Al Khail Road near Dubai Hills എന്നിവിടങ്ങളിലാണ് പുതിയ ഗേറ്റുകൾ. ഓരോ തവണ ഗേറ്റ് കടന്നുപോകുമ്പോളും 4 ദിർഹം ഈടാക്കും. മറ്റ് റൂട്ടുകളിലെ തിരക്ക് കുറയ്ക്കുന്നതിനും നഗരത്തിലെ പ്രധാന വാണിജ്യ കേന്ദ്രങ്ങളിലേക്കുള്ള ഗതാഗം സുഗമമാക്കുന്നതിനും വേണ്ടിയാണ് പുതിയ ഗേറ്റുകൾ സ്ഥാപിച്ചത് എന്ന് RTA അറിയിച്ചു.

ദുബായ് ഇൻ്റഗ്രേറ്റഡ് ട്രാൻസ്പോർട്ട് സെൻ്റർ പാർക്കിംഗ് ഫീസ് പരിഷ്കരിക്കാൻ പദ്ധതിയിടുന്നു. ഇത് 2025 അവസാനത്തോടെ നടപ്പിലാക്കും എന്നാണ് റിപ്പോർട്ട്. കൂടുതൽ തിരക്കുള്ള സ്ഥലങ്ങളിൽ ഡിമാൻഡ് അനുസരിച്ച് നിരക്ക് ഈടാക്കുന്ന രീതിയും, കൂടുതൽ സമയം പാർക്കിങിന് പണം ഈടാക്കുന്ന രീതിയും, സീസണൽ പാർക്കിംഗ് പെർമിറ്റുകളിൽ മാറ്റങ്ങൾ വരുത്തുന്നതും ഇതിൽ ഉൾപ്പെടും.

യുഎഇയുടെ പുതിയ വ്യക്തിഗത ഡാറ്റാ സംരക്ഷണ നിയമം ഡിസംബർ 2025-ഓടെ പൂർണ്ണമായി നടപ്പിലാക്കും. ഇത് സ്വകാര്യ കമ്പനികൾ ഉപഭോക്താക്കളുടെ ഡാറ്റ ശേഖരിക്കുന്നതിലും സംഭരിക്കുന്നതിലും ഉപയോഗിക്കുന്നതിലും മാറ്റങ്ങൾ വരുത്തും. നിയമലംഘനം നടത്തുന്നവർക്ക് ഒരു മില്യൺ ദിർഹം വരെ പിഴ ഈടാക്കാൻ സാധ്യതയുണ്ട്

Emergency contact numbers;പ്രവാസികളെ ശ്രദ്ധിക്കുക; യുഎഇയിൽ അടിയന്തര ഘട്ടങ്ങളിൽ വിളിക്കേണ്ട നമ്പറുകൾ ഇതാ

Emergency contact numbers;പ്രവാസികളെ ശ്രദ്ധിക്കുക; യുഎഇയിൽ അടിയന്തര ഘട്ടങ്ങളിൽ വിളിക്കേണ്ട നമ്പറുകൾ ഇതാ

Emergency contact numbers;പ്രവാസികളെ ശ്രദ്ധിക്കുക; യുഎഇയിൽ അടിയന്തര ഘട്ടങ്ങളിൽ വിളിക്കേണ്ട നമ്പറുകൾ ഇതാ

Home