work permit in uae;യുഎഇയിൽ വർക്ക് പെർമിറ്റ് നടപടികൾ ലളിതമാക്കി മന്ത്രാലയം; ഇനി ജോലി നേടാൻ വളരെ എളുപ്പം
Work permit in uae:പുതിയ ജീവനക്കാരെ രാജ്യത്തിന് പുറത്ത് നിന്ന് കൊണ്ടുവരാൻ തൊഴിലുടമകൾക്ക് മാനവ വിഭവശേഷി, സ്വദേശിവൽക്കരണ മന്ത്രാലയം നാല് എളുപ്പവഴികൾ നിർദ്ദേശിച്ചു. ലളിതമായ ഈ രീതിയിലൂടെ എങ്ങനെ വർക്ക് പെർമിറ്റ് നേടാമെന്ന വിശദവിവരം ആണ് മന്ത്രാലം തങ്ങളുടെ സോഷ്യൽ മീഡിയയിൽ പങ്കുവെച്ചിരിക്കുന്നത്. രാജ്യത്തിന് പുറത്തുള്ളവരെ നിയമിക്കാൻ ആഗ്രഹിക്കുന്ന സ്ഥാപനങ്ങൾക്കാണ് ഈ സേവനം ലഭിക്കുക.പുതിയ സംവാധാനം വഴി ജോലിക്ക് വിദഗ്ധരെയും അല്ലാത്തവരെയും നിയമിക്കാം. തൊഴിലുടമകൾ അവരുടെ യൂസർ നെയിം, പാസ്‌വേർഡ് അല്ലെങ്കിൽ ഡിജിറ്റൽ ഐഡന്റിറ്റി ഉപയോഗിച്ച് ലോഗിൻ ചെയ്യണം. ശേഷം ആവശ്യമായ വിവരങ്ങൾ നൽകണം. അപേക്ഷ പൂർത്തിയായാൽ അത് മന്ത്രാലത്തിലേക്ക് അയക്കണം. ചില പെർമിറ്റുകൾക്ക് ഉടൻ അനുമതി ലഭിക്കും. രേഖകളോ വിവരങ്ങളോ നൽകി കഴിഞ്ഞ ശേഷം എന്തെങ്കിലും കൂടുതൽ വിവരങ്ങൾ ആവശ്യമെങ്കിൽ മന്ത്രാലയം തൊഴിലുടമയെ അറിയിക്കും.
യുഎയിക്ക് പുറത്തുള്ള ജീവനക്കാർക്ക് വർക്ക് പെർമിറ്റ് എടുക്കാൻ തൊഴിലുടമകൾ എന്തെല്ലാം കാര്യങ്ങൾ ശ്രദ്ധിക്കണംആദ്യം യുഎഇ ഡിജിറ്റൽ ഐഡി ഉപയോഗിച്ച് ലോഗിൻ ചെയ്യുക. അതിനു ശേഷം അപേക്ഷ സമർപ്പിക്കുക. ഈ അപേക്ഷ പിന്നീട് മന്ത്രാലയം പരിശോധിച്ച് ആവശ്യമായ രേഖകൾ ഉണ്ടോയെന്ന് ഉറപ്പുവരുത്തും. എന്തെങ്കിലും കുറവുണ്ടെങ്കിൽ സ്ഥാപനത്തെ അറിയിക്കും. എല്ലാം ശരിയാണെങ്കിൽ പെർമിറ്റ് നൽകും. ഫെഡറൽ ഫീസും ഇൻഷുറൻസും അടച്ച് അംഗീകാരം ലഭിച്ചാൽ, ജീവനക്കാരന് ജോബ് ഓഫർ ലെറ്റർ നൽകാം.
വിദഗ്ധരായ ജീവനക്കാരുടെ വിദ്യാഭ്യാസ യോഗ്യതകൾ മന്ത്രാലയം പരിശോധിക്കും. ഉന്നത വിദ്യാഭ്യാസ മന്ത്രാലയം വഴിയായിരിക്കും പരിശോധന നടത്തുക. ഇതിന് ഫീസ് ഉണ്ടാകും. പരിശോധനയുടെ ഫലം രണ്ടാഴ്ചയ്ക്കുള്ളിൽ ലഭിക്കും. ജീവനക്കാരൻ യുഎയിയിൽ തന്നെയാണെങ്കിൽ മെഡിക്കൽ ഫിറ്റ്നസ് ടെസ്റ്റ് പാസ്സായി കഴിഞ്ഞാൽ ലേബർ കരാർ നൽകാം. അപേക്ഷകൻ വിദഗ്ധ തൊഴിലാളിയാണോ അല്ലയോ എന്ന് മന്ത്രാലയം പരിശോന നടത്തി തീരുമാനിക്കും. വ്യക്തമായ പാസ്‌പോർട്ട് കോപ്പിയും ഫോട്ടോയും ഉണ്ടെങ്കിൽ അപേക്ഷയ്ക്ക് പെട്ടെന്ന് അംഗീകാരം ലഭിക്കും.
ജീവനക്കാരൻ കെെവശം വെക്കേണ്ട ആവശ്യമായ രേഖകൾ
1. വെള്ള നിറത്തിലുള്ള പശ്ചാത്തലത്തിൽ എടുത്ത കളർ ഫോട്ടോ.
2. കുറഞ്ഞത് ആറുമാസമെങ്കിലും കാലാവധിയുള്ള പാസ്‌പോർട്ട് കോപ്പി.
3. തൊഴിലുടമയും ജീവനക്കാരനും ഒപ്പിട്ട ജോബ് ഓഫർ.
4. വിദ്യാഭ്യാസ സർട്ടിഫിക്കറ്റ് ; സർട്ടിഫിക്കറ്റിൽ ജീവനക്കാരന്റെ പേര് ഉണ്ടായിരിക്കണം. അത് വിദേശകാര്യ മന്ത്രാലയം സാക്ഷ്യപ്പെടുത്തിയതായിരിക്കണം.
5. ശമ്പളം 4,000-ൽ കുറവാണെങ്കിൽ, തൊഴിലാളിക്ക് സർട്ടിഫിക്കറ്റ് ഉണ്ടെങ്കിൽ പോലും വിദഗ്ധനായി കണക്കാക്കില്ല.
പാകിസ്ഥാൻ, അഫ്ഗാനിസ്ഥാൻ, ഇറാഖ്, ഇറാൻ എന്നീ രാജ്യങ്ങളിൽ നിന്നുള്ളവർക്ക് അവരുടെ നാഷണൽ ഐഡി കാർഡ് ആവശ്യമാണ്. ഐഡി കാർഡ് കാലാവധിയുള്ളതും വ്യക്തമായി കാണാൻ കഴിയുന്നതുമായിരിക്കണം.
നിമങ്ങൾ ലളിതമാക്കിയത് പോലേ തന്നെ മന്ത്രാലയം ചില നിബന്ധനകളും വ്യവസ്ഥകളും മുന്നോട്ടുവെച്ചിട്ടുണ്ട്. ജീവനക്കാരന് കുറഞ്ഞത് 18 വയസ്സ് പ്രായം ഉണ്ടായിരിക്കണം. തൊഴിലുകൾ ചെയ്യുന്നതിന് ആവശ്യമായ നിയമപരമായ യോഗ്യതകൾ ഉണ്ടായിരിക്കണം. ജോലിക്കെടുക്കുന്ന സ്ഥാപനത്തിന്റെ ട്രേഡ് ലൈസൻസ് കാലാവധിയുള്ളതായിരിക്കണം. സ്ഥാപനത്തിന് വേണ്ടി ഒപ്പിടാൻ അധികാരമുള്ള ഒരാളായിരിക്കണം പെർമിറ്റിന് അപേക്ഷിക്കേണ്ടത്. ജീവനക്കാരന്റെ കെെവശം മറ്റൊരു വർക്ക് പെർമിറ്റ് ഉണ്ടാകാൻ പാടില്ല. മന്ത്രാലയത്തിൽറെ ഈ പുതിയ നിയമങ്ങൾ യുഎഇയിലേക്ക് ജോലിക്ക് വരുന്ന ആളുകൾക്കും തൊഴിലുടമകൾക്കും ഒരുപോലെ ഉപകാരപ്രദമാകും. നടപടിക്രമങ്ങൾ എളുപ്പമാക്കുന്നതിലൂടെ കൂടുതൽ ആളുകൾക്ക് തൊഴിൽ അവസരങ്ങൾ ലഭിക്കാനും ഇത് സഹായിക്കും
Comments (0)