PRAVASI NEWS DAILY

ഓണം പ്രമാണിച്ച് യുഎഇയിൽ നിന്ന് കേരളത്തിലേക്ക് കുറഞ്ഞ നിരക്കിൽ വിമാന ടിക്കറ്റുകൾ എന്ന് കണ്ടാൽ ചാടി വീഴല്ലേ. കാരണം എയർ ഇന്ത്യ എക്സ്പ്രസ്സിന്റെ ഈ പ്രഖ്യാപനം വന്നതോടെ നിരവധി വ്യാജ വാർത്തകളാണ് ഇപ്പോൾ സോഷ്യൽ മീഡിയ ഉൾപ്പെടെയുള്ള പ്ലാറ്റ്‌ഫോമുകളിലേക്ക് വരുന്നത്.

ഓണക്കാലമായാൽ യുഎഇയിൽ നിന്ന് കേരളത്തിലേക്കുള്ള വിമാന ടിക്കറ്റ് നിരക്കുകൾ സാധാരണയായി വർധിക്കാറാണ് പതിവ്. കൂടാതെ എയർ ഇന്ത്യയുടെ ഈ പ്രഖ്യാപനം മലയാളി പ്രവാസികൾക്ക് വൻ ആശ്വാസമാകുകയാണ്. വേനൽ അവധിക്ക് നാട്ടിൽ എത്താൻ പറ്റാത്ത ആളുകൾക്ക് കുറഞ്ഞ നിരക്കിൽ നാട്ടിലേക്ക് വരാനുള്ള മികച്ച അവസരമായി മാറുന്നു. എന്നാൽ ഈ ഈ പ്രഖ്യാപനത്തിന് പിന്നാലെ നിരവധി വ്യാജ വാർത്തകളും തെറ്റിദ്ധാരണകളും വർധിക്കുന്നു അതിനാൽ ഇത്തരം വ്യാജ വാർത്തകളിൽ വീഴാതെ ഔദ്യോഗിക പ്രഖ്യാപനം മാത്രം സ്വീകരിക്കണമെന്നും അത് ശരിയാണോ എന്ന് സ്ഥിരീകരിക്കണമെന്നും അധികൃതർ അറിയിച്ചു.

നിലവിൽ എയർ ഇന്ത്യ എക്സ്പ്രസും ട്രാവൽ ഏജൻസിയായ സ്മാർട്ട് ട്രാവൽ ഗ്രൂപ്പും മാത്രമാണ് ഓണക്കാലത്ത് കുറഞ്ഞ നിരക്കിൽ വിമാന ടിക്കറ്റുകൾ നൽകുന്നത്. അതിനാൽ ഇത്തരത്തിലുള്ള മറ്റ് വാർത്തകൾ എല്ലാം തന്നെ വ്യാജമാണ്. ഒരു പോസ്റ്റിൽ ഒരു ദിവസത്തേക്ക് എല്ലാ വിമാന ടിക്കറ്റുകളും കുറഞ്ഞ നിരക്കിൽ ലഭിക്കുമെന്ന് അവകാശപ്പെടുന്ന രീതിയിൽ കണ്ടെത്തി.

കൂടാതെ നിരവധി ആളുകളാണ് ഇതിന് പിന്നാലെ പോയതും ഇത് വ്യാജമാണോ എന്ന് ഉറപ്പുവരുത്താനായി അധികൃതർ നടത്തിയ പരിശോധനയിൽ അത് വ്യാജമാണെന്നും ഇതിന് പിന്നിൽ ഒരു സംഘം തന്നെ പ്രവർത്തിക്കുന്നതായാണ് വ്യക്തമാകുന്നത്. ഈ കാര്യം ഔദ്യോഗികമായി സ്ഥിരീകരിച്ചില്ലെങ്കിലും യുഎഇയിലെ മാധ്യമങ്ങൾ ചില സൂചനകൾ നൽകുന്നു. അതേസമയം ഇത്തരത്തിൽ ചില വ്യാജ വെബ്സൈറ്റുകളും സോഷ്യൽ മീഡിയ പേജുകളും ഔദ്യോഗിക വിവരങ്ങൾ എന്ന പേരിൽ തെറ്റായ ലിങ്കുകളും ചിത്രങ്ങളും
നൽകാറുണ്ട്. ഇതുവഴി വ്യക്തിഗത വിവരങ്ങൾ ചോർത്തി ഓൺലൈൻ തട്ടിപ്പുകൾ നടത്തുക എന്നതാണ് തട്ടിപ്പ് സംഘത്തിന്റെ പ്രധാന ലക്ഷ്യം.

അതിനാൽ വിമാനക്കമ്പനികളുടെ ഔദ്യോഗിക വെബ്സൈറ്റുകളോ ആപ്ലിക്കേഷനുകളോ മാത്രം ഉപയോഗിച്ച് ടിക്കറ്റുകൾ ബുക്ക് ചെയ്യുക. കൂടാതെ ഫേസ്ബുക്ക്, വാട്സാപ്പ് തുടങ്ങിയ പ്ലാറ്റ്‌ഫോമുകളിൽ വരുന്ന വാർത്തകൾ പെട്ടെന്ന് വിശ്വസിക്കാതിരിക്കുകയും ഒരു വാർത്ത കണ്ടാൽ അതിന്റെ സത്യാവസ്ഥ ഉറപ്പാക്കാൻ ഔദ്യോഗിക ഉറവിടങ്ങൾ പരിശോധിക്കുകയും ചെയ്യേണ്ടത് അത്യാവശ്യമാണ്.