കുവൈറ്റിൽ നിയമവിരുദ്ധ തൊഴിലാളികൾക്കെതിരെ നടപടിയുമായി അധികൃതർ ; കൂട്ട അറസ്റ്റ്
കുവൈറ്റ് സിറ്റി, ഓഗസ്റ്റ് 19: തൊഴിൽ നിയമവും അതിന്റെ നടപ്പാക്കൽ ചട്ടങ്ങളും പൂർണ്ണമായി പാലിക്കുന്നുണ്ടെന്ന് ഉറപ്പാക്കാൻ രജിസ്റ്റർ ചെയ്ത തൊഴിലുടമകളുടെ ഫയലുകൾ സൂക്ഷ്മമായി നിരീക്ഷിക്കുമെന്ന് പബ്ലിക് അതോറിറ്റി ഫോർ മാൻപവർ (പിഎഎം). നിയമലംഘകരെ ഉചിതമായ നിയമനടപടികൾക്കായി റെസിഡൻസ് അഫയേഴ്സ് ഇൻവെസ്റ്റിഗേഷൻസ് വകുപ്പിലേക്ക് റഫർ ചെയ്യും.
നിയമലംഘനങ്ങൾ തടയുന്നതിനും നിയമവിരുദ്ധമായ പ്രവർത്തനങ്ങളിൽ നിന്ന് തൊഴിൽ വിപണിയെ സംരക്ഷിക്കുന്നതിനുമായി വിവിധ പ്രദേശങ്ങളിൽ പരിശോധനാ സംഘങ്ങൾ കൂടുതൽ ശക്തമായ നിരീക്ഷണങ്ങൾ തുടരുമെന്ന് അതോറിറ്റി അറിയിച്ചു. നിയമവിരുദ്ധ തൊഴിലാളികളെ നിയമിക്കുന്നത് നടപടിക്ക് കാരണമാകുമെന്ന് അധികൃതർ മുന്നറിയിപ്പ് നൽകി. തൊഴിൽ നിയമം പൂർണ്ണമായും പാലിക്കാൻ ബിസിനസ്സ് ഉടമകളോടും വ്യക്തികളോടും അഭ്യർത്ഥിച്ചു.
ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബയുടെ നിർദ്ദേശപ്രകാരം, പിഎഎമ്മിന്റെ തൊഴിൽ പരിശോധനാ വകുപ്പ് പ്രദേശത്ത് വിപുലമായ പരിശോധനാ കാമ്പയിൻ ആരംഭിച്ചു. ജനറൽ ഡയറക്ടറേറ്റ് ഓഫ് റെസിഡൻസ് അഫയേഴ്സ് ഇൻവെസ്റ്റിഗേഷന്റെ പരിശോധനാ വകുപ്പുമായി സഹകരിച്ച് ഒരു സംയുക്ത സമിതിയാണ് പരിശോധന നടത്തുന്നത്. തൊഴിൽ, താമസ നിയമങ്ങൾ ലംഘിച്ചതിന് 168 തൊഴിലാളികളെ അറസ്റ്റ് ചെയ്തു. നിയമം ലംഘിച്ച 130 വീട്ടുജോലിക്കാർ, 38 അനധികൃത സ്വകാര്യ മേഖലയിലെ തൊഴിലാളികൾ തൊഴിൽ വിപണിയെ നിയന്ത്രിക്കുന്നതിലും തൊഴിൽ, താമസ നിയന്ത്രണങ്ങൾ കർശനമായി നടപ്പിലാക്കുന്നത് ഉറപ്പാക്കുന്നതിലും PAM പ്രതിജ്ഞാബദ്ധമാണെന്ന് വകുപ്പ് അവർത്തിച്ചു
Comments (0)