safest cities in the UAE;ദുബൈ അല്ലാ, യുഎഇയിലെ ഏറ്റവും സുരക്ഷിതമായ രണ്ടു നഗരങ്ങള്‍ ഇവ
safest cities in the UAE;ദുബൈ: ഫെഡറല്‍ കോംപറ്റിറ്റീവ്‌നെസ് ആന്‍ഡ് സ്റ്റാറ്റിസ്റ്റിക്‌സ് സെന്ററിന്റെ സെക്യൂരിറ്റി ക്വാളിറ്റി ഓഫ് ലൈഫ് സര്‍വേ പ്രകാരം, അബൂദബിയും അജ്മാനും യുഎഇയിലെ ഏറ്റവും സുരക്ഷിതമായ നഗരങ്ങളായി തിരഞ്ഞെടുക്കപ്പെട്ടു. പകല്‍സമയത്തെ സുരക്ഷയിലാണ് ഇരു നഗരങ്ങളും ഒന്നാമതെത്തിയത്. തലസ്ഥാനമായ അബൂദബിക്കൊപ്പം 100 ശതമാനം സ്‌കോര്‍ നേടിയാണ് അജ്മാന് സര്‍വേയില്‍ ഒന്നാമതെത്തിയത്.
രാത്രിയില്‍ ഒറ്റയ്ക്ക് നടക്കുമ്പോള്‍ സുരക്ഷിതത്വം അനുഭവപ്പെടുന്ന നഗരങ്ങളുടെ സൂചികയില്‍ 99 ശതമാനം സ്‌കോറാണ് അജ്മാന് ലഭിച്ചത്. 2023ല്‍ ഇത് 98.5 ശതമാനമായിരുന്നു. സുരക്ഷിതത്വവും സ്ഥിരതയും ജീവിക്കാന്‍ അഭികാമ്യവുമായ ഒരു സ്ഥലമെന്ന നിലയില്‍ അജ്മാന്റെ നില മെച്ചപ്പെടുത്തുന്നതാണ് ഈ ഫലങ്ങള്‍.
ഈ നേട്ടത്തിന് പിന്നില്‍ സേനയുടെ നൂതന സുരക്ഷാ തന്ത്രങ്ങള്‍ ആണെന്ന് അജ്മാന് പൊലിസിന്റെ കമാന്‍ഡര്‍ ഇന്‍ ചീഫ് മേജര്‍ ജനറല്‍ ഷെയ്ഖ് സുല്‍ത്താന്‍ ബിന്‍ അബ്ദുല്ല അല്‍ നുഐമി പറഞ്ഞു.
‘അജ്മാന് ഒരു സുരക്ഷിത ഭവനം’ എന്ന സ്മാര്‍ട്ട് നിരീക്ഷണ സംവിധാനത്തിലൂടെ അത്യാധുനിക സാങ്കേതികവിദ്യകളുടെയും കൃത്രിമബുദ്ധിയുടെയും ഉപയോഗം, സ്മാര്‍ട്ട് ഗേറ്റുകളുടെ സമാരംഭം, മികച്ച പെട്രോളിംഗ് സാന്നിധ്യം, മെച്ചപ്പെടുത്തിയ അടിയന്തര പ്രതികരണ സംവിധാനങ്ങള്‍ എന്നിവയും ഇതില്‍ ഉള്‍പ്പെടുന്നുവെന്നും അദ്ദേഹം കൂട്ടിച്ചേര്‍ത്തു.
പൊലിസ് സ്റ്റേഷനുകളുടെ പ്രവര്‍ത്തനങ്ങളിലെ പുരോഗതിയും വേഗത്തിലുള്ള പ്രതികരണ സമയം ഉറപ്പാക്കുന്ന നിരവധി സുരക്ഷ, ഗതാഗതം, സന്നദ്ധത സംരംഭങ്ങള്‍ എന്നിവ ആരംഭിച്ചതും അദ്ദേഹം എടുത്തുപറഞ്ഞു. സാമൂഹിക സംരക്ഷണ യൂണിറ്റുകളുടെയും കമ്മ്യൂണിറ്റി പൊലിസിംഗിന്റെയും നേതൃത്വത്തിലുള്ള കമ്മ്യൂണിറ്റി ഇടപെടല്‍ ശ്രമങ്ങളും താമസക്കാരുമായി അടുത്തതും ഈ നേട്ടം കൈവരിച്ചതില്‍ നിര്‍ണായക പങ്ക് വഹിച്ചിട്ടുണ്ട്.
സുപ്രീം കൗണ്‍സില്‍ അംഗവും അജ്മാന് ഭരണാധികാരിയുമായ ഷെയ്ഖ് ഹുമൈദ് ബിന്‍ റാഷിദ് അല്‍ നുഐമി, അജ്മാന് കിരീടാവകാശിയും എക്‌സിക്യൂട്ടീവ് കൗണ്‍സില്‍ ചെയര്‍മാനുമായ ഷെയ്ഖ് അമ്മാര്‍ ബിന്‍ ഹുമൈദ് അല്‍ നുഐമി, ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് സെയ്ഫ് ബിന്‍ സായിദ് അല്‍ നഹ്യാന്‍ എന്നിവരുടെ അചഞ്ചലമായ പിന്തുണയ്ക്ക് മേജര്‍ ജനറല്‍ അല്‍ നുഐമി നന്ദി രേഖപ്പെടുത്തി.
ഇത്തരം നേട്ടങ്ങള്‍ പൊതുജനവിശ്വാസം വര്‍ധിപ്പിക്കുക മാത്രമല്ല, രാജ്യത്തിന്റെ സാമ്പത്തിക വളര്‍ച്ചയ്ക്കും യുഎഇയുടെ ‘നമ്മള്‍ യുഎഇ 2031’ വിഷന്‍, അജ്മാന് വിഷന്‍ 2030, യുഎഇ ശതാബ്ദി 2071 എന്നിവയുള്‍പ്പെടെയുള്ള പ്രധാന ദേശീയ തന്ത്രങ്ങള്‍ വിജയകരമായി നടപ്പാക്കുന്നതിനും കാരണമാകുമെന്ന് അദ്ദേഹം ഊന്നിപ്പറഞ്ഞു.
Comments (0)