Today’s gold rate in dubai:ദുബായിൽ സ്വര്‍ണം വാങ്ങാന്‍ കരുതിയവര്‍ക്ക് തിരിച്ചടി; കാരണം ഇതാണ്
Today’s gold rate in dubai: ദുബൈ: ദുബൈയിലെ സ്വര്‍ണ്ണ വില കഴിഞ്ഞ പത്ത് ദിവസത്തിനിടെയുള്ള ഏറ്റവും ഉയര്‍ന്ന നിലയില്‍. 22k സ്വര്‍ണത്തിന് ഗ്രാമിന് 375.25 ദിര്‍ഹമാണ് നിലവിലെ വില. കഴിഞ്ഞ 10 ദിവസത്തിനിടയിലെ ഏറ്റവും ഉയര്‍ന്ന വിലയാണിത്.
യുഎഇയിലെ പ്രവാസികള്‍ വേനല്‍ക്കാല അവധിക്കാല യാത്രകള്‍ക്ക് മുമ്പ് ആഭരണങ്ങള്‍ വാങ്ങണോ വേണ്ടയോ എന്ന് തീരുമാനിക്കുന്ന സമയത്താണ് ഇത്. 24k സ്വര്‍ണത്തിന് ഗ്രാമിന് 400 ദിര്‍ഹത്തില്‍ കൂടുതലാണ് വില, കൃത്യമായിപ്പറഞ്ഞാല്‍ 405 ദിര്‍ഹം.
ജൂണ്‍ 2 ന്, 22k സ്വര്‍ണത്തിന് ഗ്രാമിന് 376.5 ദിര്‍ഹമായിരുന്നു വില. ഇന്ത്യയില്‍ 12 ഗ്രാമിന് നിലവില്‍ 1,07,440 രൂപയില്‍ കൂടുതലാണ് വില. 22k സ്വര്‍ണത്തിന് ഒരു ഗ്രാമിന് 380 ദിര്‍ഹമാണ് സഊദിയില്‍ വില. ‘ജൂണ്‍ 2 ന് ശേഷം സംഭവിച്ചതുപോലെ, സ്വര്‍ണ്ണ വില ഉടന്‍ തന്നെ 370 ദിര്‍ഹത്തിന് താഴെയാകുമെന്നാണ് പ്രതീക്ഷിക്കുന്നത്,” ഒരു സ്വര്‍ണ്ണ വ്യാപാരി പറഞ്ഞു. ‘അവര്‍ പ്രതീക്ഷിച്ചിരുന്ന ഒരേയൊരു കാര്യം വില സ്ഥിരതയായിരുന്നു, അത് 369 ദിര്‍ഹം ആണെങ്കില്‍ പോലും. എന്നാല്‍ വില 370 ദിര്‍ഹം കടക്കുമ്പോള്‍, ഡിമാന്‍ഡിനെയത് ഗുരുതരമായി ബാധിക്കും.’ ആഗോള വിപണിയില്‍, സ്വര്‍ണ്ണവില കുത്തനെ കൂടുകയാണ്. ഔണ്‍സിന് 50 ഡോളറിലധികം ഉയര്‍ന്ന് 3,370 ഡോളറായി. ആഗോളവിപണിയിലെ മാറ്റങ്ങള്‍ അനുസരിച്ച്, സ്വര്‍ണ വില 3,400 ഡോളറിലേക്ക് ഉയരാന്‍ വ്യക്തമായ സാധ്യതയുണ്ടെന്ന് വിശകലന വിദഗ്ധര്‍ പറയുന്നു.
അങ്ങനെ സംഭവിച്ചാല്‍, സ്വര്‍ണ വിലയില്‍ ഗുരുതരമായ മാറ്റങ്ങള്‍ക്ക് സാധ്യതയുണ്ട്. യുഎസ് വ്യാപാര താരിഫുകളെച്ചൊല്ലി ആഗോള സംഘര്‍ഷങ്ങള്‍ അതിന്റെ ഉച്ചസ്ഥായിയില്‍ ആയിരുന്നപ്പോള്‍, ഏപ്രിലിലാണ് സ്വര്‍ണ്ണ വില ചരിത്രത്തിലെ ഏറ്റവും ഉയര്‍ന്ന വിലയായ 3,500 ഡോളറയത്.
Comments (0)